OKCLର ୧୪ ତମ ବାର୍ଷିକୋତ୍ସବ, ୨୦୩୦ ସୁଦ୍ଧା ୨୫ ଶହ କେନ୍ଦ୍ର ଜରିଆରେ ବାର୍ଷିକ ୫ ଲକ୍ଷ ପ୍ରଶିକ୍ଷାର୍ଥୀଙ୍କୁ ପ୍ରଶିକ୍ଷଣ ଲକ୍ଷ୍ୟ

ଭୁବନେଶ୍ବର: ଓଡ଼ିଶା ସରକାରଙ୍କ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ବିଦ୍ୟା ବିଭାଗ ଅଧୀନରେ କାମ କରୁଥିବା OKCLର ୧୪ ତମ ବାର୍ଷିକୋତ୍ସବ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ସାରା ରାଜ୍ୟରେ କାର୍ଯ୍ୟରତ ଓକେସିଏଲର ଏକ ହଜାର ଅଧିକୃତ କେନ୍ଦ୍ରର ନିର୍ଦ୍ଦେଶକ/ନିର୍ଦ୍ଦେଶିକା, ପରିଚାଳକ/ପରିଚାଳିକା ଓ ପ୍ରଶିକ୍ଷକ/ପ୍ରଶିକ୍ଷିକା ଯୋଗ ଦେଇଥିଲେ।

କୃତ୍ରିମ ବୁଦ୍ଧିମତା ଓ ମଙ୍ଗଳ ପାଇଁ କୃତ୍ରିମ ବୁଦ୍ଧିମତା ଡାକରାକୁ ଦୃଷ୍ଟିରେ ରଖି ଓକେସିଏଲ ପକ୍ଷରୁ ଚଳିତ ବର୍ଷ "ଘରେ ଘରେ ଓଏସସିଆଇଟି, ସମସ୍ତଙ୍କ ପାଇଁ କୃତ୍ରିମ ବୁଦ୍ଧିମତା ପ୍ରତ୍ୟେକ କାର୍ଯ୍ୟରେ କୃତ୍ରିମ ବୁଦ୍ଧିମତା" ସଙ୍କଳ୍ପ ନେବାକୁ ଆହ୍ୱାନ ଦିଆଯାଇଥିଲା । ୨୦୩୦ ମସିହା ସୁଦ୍ଧା ୨୫ ଶହ କେନ୍ଦ୍ର ଜରିଆରେ ବାର୍ଷିକ ୫ ଲକ୍ଷ ପ୍ରଶିକ୍ଷାର୍ଥୀଙ୍କୁ ପ୍ରଶିକ୍ଷଣ ପ୍ରଦାନ ପାଇଁ ଲକ୍ଷ୍ୟ ରଖାଯାଇଛି ବୋଲି ସୂଚନା ଦେଇଛନ୍ତି। ଆଜିର ବିକଶିତ ଯୁଗରେ AI କିଭଳି କାର୍ଯ୍ୟ କରୁଛି ଓ ତା’ର କିଭଳି ଲାଭ ଉଠାଇପାରିବେ ଲୋକେ ତାହା ହେଉଛି ଏହି କାର୍ଯ୍ୟକ୍ରମର ମୂଳ ଲକ୍ଷ୍ୟ।