କଟକ: ବିଳମ୍ବିତ ରାତିରେ କଟକ ବୁଖାରି ବାବା ପୀଠରେ ସାମିଙ୍କ ପାଇଁ ସମୂହ ନମାଜ ପ୍ରାର୍ଥନା କଲେ ମୁସଲମାନ ସମ୍ପ୍ରଦାୟର ଭାଇମାନେ। ଭାରତ ଓ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ସେମିଫାଇନାଲ ମ୍ୟାଚରେ ଭାରତୀୟ ପେସ୍ ବୋଲର ମହମ୍ମଦ ସାମି ଖେଳ ମଝିରେ ଏନର୍ଜି ଡ୍ରିଙ୍କ ପିଉଥିବାର ଫଟୋ ସାମ୍ନାକୁ ଆସିଥିଲା। ଏହି ଫଟୋକୁ ନେଇ ଯେତିକି ପ୍ରଶଂସା କରାଯାଇଥିଲା ସେତିକି ଟ୍ରୋଲ୍ ମଧ୍ୟ କରାଯାଇଥିଲା। ଏହାରି ଭିତରେ ଫାଇନାଲକୁ ଆଖି ଆଗରେ ରଖି ମହମ୍ମଦ ସାମିଙ୍କ ପାଇଁ କଟକ ବାରବାଟି କିଲ୍ଲା ଠାରେ ଥିବା ବୁଖାରୀ ବାବା ପୀଠରେ ସମୂହ ନମାଜ ପାଠ କରିଛନ୍ତି କଟକର ମୁସଲିମ ସମ୍ପ୍ରଦାୟର ଭାଇମାନେ। କେବଳ ସାମି ନୁହେଁ ସବୁ ଭାରତୀୟ ଖେଳାଳୀଙ୍କ ପାଇଁ ଆଲ୍ଲାଙ୍କ ନିକଟରେ ପ୍ରାର୍ଥନା କରିଛନ୍ତି ।