ଭୁବନେଶ୍ବର ୧୧/୮: ରବିବାର ରାଜଧାନୀର ସବୁ ସ୍ଥାନରେ ପହଞ୍ଚିବ ସରକାରୀ ଆଳୁ । ଶହେ ଟଙ୍କାରେ ୩ କିଲୋ ଆଳୁ ବିକିବାକୁ ଯୋଗାଣ ବିଭାଗ ବ୍ୟବସ୍ଥା କରିଛି । ସବୁ ୱାର୍ଡରେ ଆଳୁ ପହଞ୍ଚିବ । କଳାବଜାରୀଙ୍କୁ ସାବଧାନ କରାଇଛି ଯୋଗାଣ ବିଭାଗ । ଚଢା ଦରରେ ବିକ୍ରି କଲେ କାର୍ଯ୍ୟାନୁଷ୍ଠାନ ହେବ । ବିଭିନ୍ନ ମାର୍କେଟରେ ଚଢାଉ କରିବ ପୋଲିସ ଓ ଯୋଗାଣ ବିଭାଗର ଏନଫୋର୍ସମେଣ୍ଟ ସ୍କ୍ବାଡ । ସେହିପରି ଆଉ ଦିନେ ଦୁଇ ଦିନ ଭିତରେ ନାଫେଡ୍ ଆଳୁ ଓଡ଼ିଶାରେ ପହଞ୍ଚିଯିବ । ଏହା ପରେ ଆଳୁ ଦର କମିବା ସହ ସ୍ବାଭାବିକ ହୋଇଯିବ ବୋଲି କହିଛନ୍ତି ଯୋଗାଣ ବିଭାଗର ରାଜ୍ୟ ଏନ୍‌ଫୋର୍ସମେଣ୍ଚ ସ୍କ୍ବାଡ ମୁଖ୍ୟ ସଂଜୀବ ସାହୁ ।