ସୋନପୁର ୩୦।୦୮ : ଯୁବକଙ୍କୁ ନିର୍ମମ ହତ୍ୟା । ସୋନପୁର ଜିଲ୍ଲା ବୀରମହାରାଜପୁର ଥାନା ମେଣ୍ଡାମାଳ ଗାଁର ଘଟିଛି ହତ୍ୟାକାଣ୍ଡ । ମୃତକ ହେଲେ ବାଘମାରୀ ଗାଁର ଅଜିତ ଖଣ୍ଡଗିରି ବୋଲି ଜଣାପଡିଛି । ଏହାସହିତ ଗୁରୁତର ଥିବା ଯୁବକ ଜଣଙ୍କ ଚମ୍ପାମାଳ ଗାଁର ବୋଲି ସୂଚନା ମିଳିଛି ।
ଖବର ଅନୁଯାୟୀ, ମେଣ୍ଡାମାଳ ଗାଁ ଶିବ ମନ୍ଦିର ସମ୍ମୁଖରେ ଘଟିଛି ଅଭାବନୀୟ ଘଟଣା । ଜଣେ ଯୁବକଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଛି । ଏହାସହିତ ଆଉ ଜଣେ ଯୁବକ ମଧ୍ୟ ଗୁରୁତର ହୋଇଛନ୍ତି । ତେବେ କିଏ ଓ କାହିଁକି ହତ୍ୟା କରାଯାଇଛି । ତାହା ଏବେ ଯାଏଁ ଅସ୍ପଷ୍ଟ ରହିଛି । ସେପଟେ ହତ୍ୟାକାଣ୍ଡ ପରେ ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ନିକଟସ୍ଥ ମେଡିକାଲକୁ ପଠାଇଛି । ଏହାସହିତ ଗୁରୁତର ଯୁବକଙ୍କୁ ପ୍ରଥମେ ବୀରମହାରାଜ ମେଡିକାଲରେ ଭର୍ତ୍ତି କରାଯାଇଥିଲା । ତେବେ ଅବସ୍ଥା ଗୁରୁତର ଥିବାରୁ ଯୁବକଙ୍କୁ ବୁର୍ଲା ବଡ଼ ମେଡିକାଲକୁ ଚିକିତ୍ସା ନିମନ୍ତେ ସ୍ଥାନାନ୍ତରିତ କରାଯାଇଛି । ବୀରମହାରାଜପୁର ପୋଲିସ ଡାକ୍ତରଖାନାରେ ପହଞ୍ଚି ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି ।
