ବାରଙ୍ଗ ୦୪।୧୨ : ରତାଗଡ଼ରେ ଅଭାବନୀୟ ଘଟଣା । ଟ୍ରେନ୍ ଧକ୍କାରେ ଜଣେ ଯୁବକଙ୍କ ମୃତ୍ୟୁ ପରେ ପୋଲିସକୁ ନଜଣାଇ ମୃତଦେହକୁ ପୋତି ଦେଇଥିଲେ ସଢୁ । ହତ୍ୟା ଅଭିଯୋଗ ଆଣିଲେ ମୃତକଙ୍କ ପରିବାର ଲୋକ । ଅଭିଯୋଗ ପରେ ସାଇଣ୍ଟିଫିକ୍ ଟିମ୍, ତହସିଲଦାର ଏବଂ ପୋଲିସ ଉପସ୍ଥିତିରେ ମାଟି ଖୋଳା ହୋଇ ବାହାରିଛି ଶବ । ମାଟି ତଳୁ ଶବ ବାହାରିବା ପରେ ସଡୁକୁ ଅଟକ ରଖିଛି ବାରଙ୍ଗା ଥାନା । ମୃତକ ହେଲେ ଚନ୍ଦକା ଅଳସୁଆ ଗାଁର ରଜନୀକାନ୍ତ ବେହେରା ।
ରଜନୀକାନ୍ତ ୨ୟ ବିବାହ କରି ସଢୁଙ୍କ ଗାଁ ରତାଗଡ଼ରେ ରହୁଥିଲେ । ପାରିବାରିକ କଳହ କାରଣରୁ ଟ୍ରେନ୍ ଲାଇନ୍ରେ ଆତ୍ମହତ୍ୟା କରିଥିବା ଦର୍ଶାଇ ଶବକୁ ପୋଡି ଦେଇଥିଲେ । ଏହି ଘଟଣାକୁ ଆତ୍ମହତ୍ୟାର ରୂପ ଦେବାକୁ ଉଦ୍ୟମ କରାଯାଉଥିବା ଅଭିଯୋଗ ଆଣିଥିଲେ ମୃତକଙ୍କ ଭାଇ । ଯାହାକୁ ଖଣ୍ଡନ କରିଥିଲେ ସଢୁ କାଳିଆ ସାମଲ। ସଢୁଙ୍କ କହିବା ଅନୁସାରେ କିଛି ଲୋକ ରେଳ ଧାରଣାରେ ରଜନୀକାନ୍ତଙ୍କ ମୃତଦେହ ପଡିଥିବାର ଖବର ଦେଇଥିଲେ । ଏହାପରେ ରଜନୀକାନ୍ତଙ୍କ ପରିବାର ଲୋକଙ୍କୁ ଖବର ଦିଆଯାଇଥିଲା । ହେଲେ କେହିଆସିନଥିଲେ । ତେଣୁ ସେ ପ୍ରଥମେ ଶବକୁ ନିଜ ଗାଁକୁ ନେଇଥିଲେ । କିଛି ସମୟର ଅପେକ୍ଷା ପରେ ସ୍ଥାନୀୟ ଲୋକଙ୍କ ସହାୟତାରେ ମୃତଦେହକୁ ଜରିଅଖା ଜରିଆରେ ମାଟି ତଳେ ପୋଡି ଦେଇଥିଲେ ।
ସେପଟେ ଘଟଣା ସଂପର୍କରେ ସ୍ଥାନୀୟ ଥାନାରେ ଅଭିଯୋଗ କରିଥିଲେ ମୃତକଙ୍କ ଭାଇ ଏବଂ ସ୍ତ୍ରୀ । ପୋଲିସ ଅଭିଯୋଗ ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା ।ଆଉ ସାଇଣ୍ଟିଫିକ୍ ଟିମ୍, ତହସିଲଦାର ଏବଂ ପୋଲିସ ଉପସ୍ଥିତିରେ ମାଟି ଖୋଳା ହୋଇ ବାହାର କରାଯାଇଛି ଶବ। ଏହାପରେ ପୋଲିସ ଶବକୁ ବ୍ୟବଚ୍ଛେଦ ନିମନ୍ତେ ପଠାଇଛି । ରିପୋର୍ଟ ଆସିବା ପରେ ମୃତ୍ୟୁର ସଠିକ କାରଣ ଜଣାପଡିବ ବୋଲି ଆଶା କରାଯାଉଛି।
