ଆଫଗାନିସ୍ତାନରେ ଶକ୍ତିଶାଳୀ ଭୂକମ୍ପ ଝଟକା, ରିକ୍ଟର ସ୍କେଲ୍‌ରେ ତୀବ୍ରତା ୫.୧ ରେକର୍ଡ

ନୂଆଦିଲ୍ଲୀ ୨୨।୧୦; ଆଫଗାନିସ୍ତାନରେ ଭୟଙ୍କର ଭୂମିକମ୍ପ ଝଟକା। ମଙ୍ଗଳବାର ବିଳମ୍ବିତ ରାତିରେ ଭୂମିକମ୍ପ ଅନୁଭୂତ ହୋଇଛି। ଆଫଗାନିସ୍ତାନର ହିନ୍ଦୁକୁଶ ଅଞ୍ଚଳରେ ୫.୧ ତୀବ୍ରତାର ଭୂମିକମ୍ପ ହୋଇଛି। ଭୂକମ୍ପର କେନ୍ଦ୍ରସ୍ଥଳ ଭୂମି ଠାରୁ ପ୍ରାୟ ୨୪୪ କିଲୋମିଟର (୧୫୨ ମାଇଲ) ତଳେ ଥିଲା। ରିପୋର୍ଟ କରାଯାଇଛି ଯେ ଆଫଗାନିସ୍ତାନର ରାଜଧାନୀ କାବୁଲରେ ମଧ୍ୟ ପ୍ରବଳ ଭୂମିକମ୍ପ ଅନୁଭୂତ ହୋଇଛି।

ପାକିସ୍ତାନରେ ମଧ୍ୟ ୩.୮ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି। କାଶ୍ମୀରରେ ମଧ୍ୟ ଏହି ଭୂମିକମ୍ପ ହୋଇଥିଲା।ଏହାର କେନ୍ଦ୍ରସ୍ଥଳ ଭାରତୀୟ ସୀମା ଠାରୁ ବହୁ ଦୂରରେ ଅବସ୍ଥିତ ଥିଲା। ଭୂକମ୍ପ ପର୍ଯ୍ୟବେକ୍ଷଣ ସଂସ୍ଥା ଗୁଡ଼ିକରୁ ମିଳିଥିବା ପ୍ରାରମ୍ଭିକ ରିପୋର୍ଟ ଅନୁଯାୟୀ, ଭୂମିକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନର ହିନ୍ଦୁକୁଶ ପର୍ବତ ଅଞ୍ଚଳରେ ଥିଲା। ଯାହାକୁ ଏକ ଗଭୀର ଭୂମିକମ୍ପ କ୍ଷେତ୍ର ଭାବରେ ବିବେଚନା କରାଯାଏ। ହିନ୍ଦୁକୁଶ ଅଞ୍ଚଳରେ ଭୂମିକମ୍ପ ପ୍ରାୟତଃ ଘଟେ।

ଆଫଗାନିସ୍ତାନ, ପାକିସ୍ତାନ ଏବଂ ଉତ୍ତର ଭାରତକୁ ଘେରି ରହିଥିବା ଏହି ଅଞ୍ଚଳ ବିଶ୍ୱର ସବୁଠାରୁ ଭୂମିକମ୍ପ ଦୃଷ୍ଟିରୁ ସକ୍ରିୟ ଅଞ୍ଚଳ ମଧ୍ୟରୁ ଗୋଟିଏ। ରିପୋର୍ଟ ଅନୁଯାୟୀ, ଗତ ତିନି ଦଶନ୍ଧି ମଧ୍ୟରେ ଆଫଗାନିସ୍ତାନରେ ୩୦୦ରୁ ଅଧିକ ଶକ୍ତିଶାଳୀ ଭୂମିକମ୍ପ ହୋଇଛି। ଏହି ଦେଶ ବିଶ୍ୱର ୧୨ଟି ସର୍ବାଧିକ ଭୂମିକମ୍ପ ପ୍ରବଣ ଅଞ୍ଚଳ ମଧ୍ୟରେ ଅନ୍ତର୍ଭୁକ୍ତ। ଭାରତୀୟ ଏବଂ ୟୁରେସିଆନ୍ ଟେକ୍ଟୋନିକ୍ ପ୍ଲେଟ୍ ମଧ୍ୟରେ ଚାଲିଥିବା ଧକ୍କା ପୃଥିବୀ ପୃଷ୍ଠ ତଳେ ପ୍ରଚୁର ଶକ୍ତି ସଂଗ୍ରହ କରେ ଏବଂ ଯେତେବେଳେ ଏହି ଶକ୍ତି ମୁକ୍ତ ହୁଏ, ସେତେବେଳେ ଶକ୍ତିଶାଳୀ ଭୂମିକମ୍ପ ସୃଷ୍ଟି ହୁଏ।