ବୈପାରୀଗୁଡା ୨୪।୭: ଗାଁକୁ ଆମ୍ବୁଲାନ୍ସ ପହଞ୍ଚି ପାରିଲାନାହିଁ । ଜୀବନ ବଞ୍ଚାଇବା ପାଇଁ କାଦୁଅ ପଚ୍ ପଚ୍ ରାସ୍ତାରେ ଅଧା କି.ମି. କାନ୍ଧରେ ଝିଅକୁ ବୋହି ଆଣିଲା ମା’ । ଏଭଳି ଏକ ଦୁଃଖଦ ଘଟଣା ଘଟିଯାଇଛି ବୈପାରୀଗୁଡା ବ୍ଲକ ଅନ୍ତର୍ଗତ ଦଶମନ୍ତପୁର ପଞ୍ଚାୟତର ପାବଲିଗୁଡା ଗ୍ରାମରେ । 

ସୂଚନାଯୋଗ୍ୟ ଯେ, କୋରାପୁଟ ଜିଲ୍ଲା ବୈପାରୀଗୁଡା ବ୍ଲକ ଅନ୍ତର୍ଗତ ଦଶମନ୍ତପୁର ପଞ୍ଚାୟତର ପାବଲିଗୁଡା ଗ୍ରାମର ମନୋଜ ପତ୍ରସଉରାଙ୍କ ୧୨ ବର୍ଷର ଝିଅ ସିକଲିନ୍ ରୋଗରେ ପୀଡିତ ଥିଲେ । ବୁଧବାର ହଠାତ ଅସୁସ୍ଥ ହୋଇପଡ଼ିଥିଲେ । ତୁରନ୍ତ ୧୦୮ ଆମ୍ବୁଲାନ୍ସକୁ ଫୋନ୍ କରିବାରୁ ଆମ୍ବୁଲାନ୍ସ ଆସିଲା କିନ୍ତୁ କାଦୁଅ ରାସ୍ତା ପାଇଁ ଗାଁ ଭିତରକୁ ଯାଇ ପାରିଲାନି । ମା’ ଲିଲି ପତ୍ରସଉରା ନିଜ ଅସୁସ୍ଥ ଝିଅକୁ କାନ୍ଧରେ ବୋହି ଝିପି ଝିପି ବର୍ଷାରେ ଅଧ କିଲୋମିଟର ଦୂରରେ ଅପେକ୍ଷା କରିଥିବା ଆମ୍ବୁଲାନ୍ସ ପର୍ଯ୍ୟନ୍ତ ଚାଲିଚାଲି ନେଇଯାଇଥିଲେ । ଏହାପରେ ବୈପାରୀଗୁଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଝିଅ ଗୈାରୀଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । ୧୫୦ ପରିବାର ବିଶିଷ୍ଟ ପାବଲିଗୁଡା ଗ୍ରାମକୁ ପକ୍କା ରାସ୍ତାଟିଏ ହୋଇପାରିଲା ନାହିଁ । ତେଣୁ ଅସୁବିଧାର ସମ୍ମୁଖୀନ ହୋଇଛନ୍ତି ବୋଲି ଅଭିଯୋଗ ହୋଇଛି  l

You Can Read:

ବ୍ରାହ୍ମଣୀଗାଁରେ ଅତିରିକ୍ତ ତହସିଲଦାର ନିଯୁକ୍ତ ପାଇଁ ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ