ବରଗଡ଼: ବଳ ପୂର୍ବକ ଘରେ ପଶିଲେ। ଝିଅର ଗୋଡ଼ ହାତ ବାନ୍ଧି କଳାକନା ବୁଲାଇଦେଲେ। ଚୋରି କରିନେଲେ ଲକ୍ଷାଧିକ ଟଙ୍କା ଓ ସୁନା ଗହଣା। ଏଭଳି ଏକ ଅଭାବନୀୟ ଘଟଣା ଘଟିଛି ବରଗଡ଼ ଭଟଲି ଛକ ସ୍ଥିତ ନିଗମାନନ୍ଦ ବିହାରର ସ୍ବର୍ଗତ ଦିଲିପ ସାହୁଙ୍କ ଘରେ।
ସୂଚନା ଅନୁଯାୟୀ, ଗୁରୁବାର ସନ୍ଧ୍ୟାରେ ସ୍ବର୍ଗତ ଦିଲିପ ସାହୁଙ୍କ ପତ୍ନୀ ରିତା ଓ ସାନ ଝିଅ ବାହାରକୁ ଯାଇଥିଲେ। ଘରେ ରହିଥିଲେ ତାଙ୍କ ବଡ଼ ଝିଅ ସୁଚିସ୍ମିତା। ଯାହାର ସୁଯୋଗ ନେଇ ଦୁଇ ଦୁର୍ବୃତ୍ତ ବଳ ପୂର୍ବକ ଘରେ ପଶିଥିଲେ ଓ ସୁଚିସ୍ମିତାଙ୍କ ହାତ ଗୋଡ଼ ବାନ୍ଧି ଘରୁ ଲୁଟିନେଇଥିଲେ ସବୁ ଟଙ୍କା ଓ ସୁନାଗହଣା। ଆଉ କିଛି ସମୟ ମଧ୍ୟରେ ଲୁଟ କରି ଫେରାର ହୋଇଯାଇଥିଲେ ଏହି ଦୁର୍ବୃତ୍ତ। ତେବେ ଖବର ପାଇ ବରଗଡ଼ ଟାଉନ ପୋଲିସ ଘଟଣାସ୍ଥଳରେ ପହଁଞ୍ଚି ଆରମ୍ଭ କରିଛି ତଦନ୍ତ ।
