ପ୍ରକାଶ ପାଇଲା JEE ମେନ୍ ରେଜଲ୍ଟ: ୧୨ ଜଣଙ୍କ ସ୍କୋର ୧୦୦ ପ୍ରତିଶତ, ଦିଲ୍ଲୀର ଶ୍ରେୟାସ ମିଶ୍ରା ଟପ୍ପର

ନୂଆଦିଲ୍ଲୀ: ନ୍ୟାସନାଲ ଟେଷ୍ଟିଂ ଏଜେନ୍ସି ଜେଇ ମେନ୍ ୨୦୨୬ର ସେସନ୍-୧ ଫଳାଫଳ ପ୍ରକାଶ କରିଛି । ଚଳିତ ବର୍ଷ JEE ମେନ୍ ପରୀକ୍ଷାରେ ମୋଟ ୧୨ ଜଣ ପରୀକ୍ଷାର୍ଥୀ ୧୦୦ ପ୍ରତିଶତ ସ୍କୋର କରିଛନ୍ତି । ରାଜସ୍ଥାନରେ ସର୍ବାଧିକ ଟପର୍ ଅଛନ୍ତି । ତେବେ ବଡ଼ କଥା ହେଉଛି ଚଳିତ ଥର ତାଲିକାରେ କୌଣସି ଝିଅ ନାହାନ୍ତି । ଶ୍ରେୟସ ମିଶ୍ରା (ଦିଲ୍ଲୀ), ନରେନ୍ଦ୍ର ବାବୁ (ଆନ୍ଧ୍ର ପ୍ରଦେଶ), ଶୁଭମ କୁମାର (ବିହାର), କବୀର ଛିଲ୍ଲର (ରାଜସ୍ଥାନ), ଚିରଞ୍ଜୀବ କର (ରାଜସ୍ଥାନ), ଭବେଶ ପାତ୍ର (ଓଡ଼ିଶା) ପରୀକ୍ଷାରେ ଟପ୍ପର ହୋଇଛନ୍ତି।

ଶ୍ରେୟାସ ମିଶ୍ରା - ଦିଲ୍ଲୀ

ନରେନ୍ଦ୍ର ବାବୁ - ଆନ୍ଧ୍ରପ୍ରଦେଶ

ଶୁଭମ୍ କୁମାର - ବିହାର

କବୀର ଛିଲ୍ଲର - ରାଜସ୍ଥାନ

ଚିରଞ୍ଜୀବ କର - ରାଜସ୍ଥାନ

ଭବେଶ ପାତ୍ର- ଓଡ଼ିଶା

ଅନୟ ଜୈନ- ହରିୟାଣା

ଅର୍ଣ୍ଣବ ଗୌତମ - ରାଜସ୍ଥାନ

ପାସଲା ମୋହିତ – ଆନ୍ଧ୍ର ପ୍ରଦେଶ

ମାଧବ ବିରାଦିଆ-ମହାରାଷ୍ଟ୍ର

ପୁରୋହିତ ନିୟମ-ଗୁଜରାଟ

ଭିଭାନ ଶରଦ ମାହେଶ୍ୱରୀ-ତେଲଙ୍ଗାନା

ମହିଳା ଟପ୍ପରମାନଙ୍କ ମଧ୍ୟରେ ହରିୟାଣାର ଆଶି ଗ୍ରେୱାଲ ୯୯.୯୯୬୯୭୬୬ ପ୍ରତିଶତ ନମ୍ବର ରଖି ପ୍ରଥମ ସ୍ଥାନରେ ରହିଛନ୍ତି । ୧୩.୫୫ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ପାଇଁ ପଞ୍ଜୀକରଣ କରିଥିଲେ ଏବଂ ୧୩.୦୪ ଲକ୍ଷରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏଥିରୁ ୮,୫୫,୦୮୫ ପୁରୁଷ ଏବଂ ୪,୪୯,୫୬୮ ମହିଳା ଥିଲେ । ସାଧାରଣ ବର୍ଗରେ ୨,୯୫,୦୭୮ ପୁରୁଷ ପରୀକ୍ଷା ଦେଇଥିଲେ, ମହିଳା ୧,୫୭,୭୪୭ ମହିଳା ଅଂଶଗ୍ରହଣ କରିଥିଲେ ।