କଟକ ରାଜନୀତିରେ ହଲଚଲ : ବିଜେପିକୁ ଯିବା ନେଇ ପରୋକ୍ଷରେ ଇସାରା ଦେଲେ ପୂର୍ବତନ ସାଲେପୁର ବିଧାୟକ ପ୍ରକାଶ ବେହେରା

ସାଲେପୁର ୨।୧୧: କଟକ ରାଜନୀତିରେ ହଲଚଲ । ପୂର୍ବତନ ସାଲେପୁର ବିଧାୟକ ପ୍ରକାଶ ବେହେରା ବିଜେପିକୁ ଯିବା ନେଇ ପରୋକ୍ଷରେ ଦେଲେ ଇସାରା । ସରକାରୀ ଦଳ ପ୍ରତି ସମର୍ଥନ ଥିବା ପ୍ରକାଶ ବେହେରା କହିଛନ୍ତି । ବିଜେପି ପ୍ରତି ସମର୍ଥନ ରହିଥିବା ଇସାରା ଦେଲେ ପ୍ରକାଶ ।  ଗତ ନିର୍ବାଚନରେ ବାରବାଟୀ କଟକରୁ ବିଜେଡି ଟିକେଟରେ ଲଢି ପ୍ରକାଶ ନିର୍ବାଚନ ହାରିଥିଲେ । ପରେ ବିଜେଡିରୁ ଇସ୍ତଫା ଦେଇଛନ୍ତି ପ୍ରକାଶ ବେହେରା ।

ସାଲେପୁର ନିର୍ବାଚନ ମଣ୍ଡଳୀ ବିକାଶକୁ ନେଇ ଆକ୍ସନ ମୁଡ୍‌ରେ ପୂର୍ବତନ ବିଧାୟକ ପ୍ରକାଶ ବେହେରା । ଚଳିତ ନିର୍ବାଚନରେ କଟକ ବାରବାଟୀରୁ ବିଜେଡି ଟିକେଟରେ ନିର୍ବାଚନ ଲଢ଼ି ପରାଜିତ ହେବା ପରେ ଦଳରୁ ସ୍ୱଇଚ୍ଛାରେ ଦେଇଥିଲେ ଇସ୍ତଫା । ହଜାର ହଜାର ସମର୍ଥକଙ୍କୁ ନେଇ  ‘ମନ୍ଥନ’ କାର୍ଯ୍ୟକ୍ରମ ପୂର୍ବତନ ବିଧାୟକ ପ୍ରକାଶ ବେହେରାଙ୍କ ନେତୃତ୍ୱରେ ପାଗା ଗୋଲଡେନ ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି । ସାଲେପୁର ନିର୍ବାଚନ ମଣ୍ଡଳୀରେ ନେତୃତ୍ବର ଅଭାବ ପାଇଁ  ବିକାଶ ପଛେଇ ଯାଇଛି । ସାଲେପୁରକୁ ଆଗେଇ ନେବା ପାଇଁ  ନିଜର ସମର୍ଥକଙ୍କୁ କାର୍ଯ୍ୟ କରିବାକୁ ଆହ୍ୱାନ ଦେଇଥିଲେ । ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ପ୍ରକାଶ ବେହେରାଙ୍କୁ ଭଲ ପାଉଥିବା ସାଲେପୁର ନିର୍ବାଚନ ମଣ୍ଡଳୀର ହଜାର ହଜାର ଜନସାଧାରଣ ଯୋଗଦେଇଥିଲେ । ପଞ୍ଚାୟତ, ୱାର୍ଡ, ସରକାରୀ କାର୍ଯ୍ୟାଳୟରେ ୨୪ଘଣ୍ଟିଆ ସମୟ ଦେଇ ବିକାଶକୁ ଆଗକୁ ନେବା ସହ ଜନସାଧାରଣଙ୍କ ସେବା କରିବା ଅଞ୍ଚଳର ବିକାଶ କରିବା ଆମର ମୂଳଲକ୍ଷ୍ୟ ବୋଲି କହିଥିଲେ ।

ମୋହନ ସରକାରଙ୍କ ଉନ୍ନତିମୂଳକ କାର୍ଯ୍ୟର ପ୍ରଶଂସା କରିବା ସହ ସ୍ଥାନୀୟ ସାଂସଦଙ୍କ କାର୍ଯ୍ୟକଳାପକୁ ମଧ୍ୟ ପ୍ରଶଂସା କରିଥିଲେ ।  ସରକାରୀ ଅନୁଦାନ ଲୋକମାନଙ୍କ ପାଖରେ ଶତପ୍ରତିଶତ ପହଞ୍ଚିବା ଦରକାର । ସାଲେପୁର ଅଞ୍ଚଳରେ ବିକାଶକୁ ନେଇ ସେ ଖୁବ୍‌ଶୀଘ୍ର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ବୋଲି ସୂଚନା ଦେଇଥିଲେ । ସେ ଖୁବ୍‌ଶୀଘ୍ର ବିଜେପିରେ ଯୋଗଦେବେ ବୋଲି ପୋଷ୍ଟର ବ୍ୟାନର, ରାଲି ନିଜର ସମର୍ଥନକଙ୍କୁ ନେଇ ପରୋକ୍ଷରେ ସଂକେତ ଦେଉଛନ୍ତି । ଆଶା ବିଶ୍ଵାସ ସେ ନିଜର ସମର୍ଥକଙ୍କର କେବେ ହରାଇବାକୁ ଦେବେନି । ସୋସିଆଲ ମିଡିଆରେ ନିନ୍ଦା ଅପବାଦକୁ କେବେ ପ୍ରସୟ ଦେବେ ନାହିଁ ବୋଲି ପରୋକ୍ଷରେ ବିରୋଧୀଙ୍କୁ ଚେତାଇଥିଲେ । ବିନା ଦଳରେ ରାଜନୀତି କରିହେବ କିନ୍ତୁ ଗୋଟିଏ ରାଜନୀତି ଦଳରେ କାମ କରିବାକୁ ପଡିବ । ଖୋଲା ସମର୍ଥନ ଲୋଡ଼ିବା ସହ ନିଷ୍ପତ୍ତି ସମର୍ଥକଙ୍କର ବୋଲି କହିଥିଲେ