ଡ୍ୟୁଟି କରିବା ବେଳେ ହୃଦଘାତ, ଟଳିପଡ଼ିଲେ ନୀଳଗିରି ଚିକିତ୍ସାଳୟର ଡାକ୍ତର

ନୀଳଗିରି ୧୬।୧୧: ଡ୍ୟୁଟି ସମୟରେ ଟଳିପଡ଼ିଲେ ଡ଼ାକ୍ତର । ନୀଳଗିରି ଉପଖଣ୍ଡର ଡାକ୍ତରଖାନାର କାର୍ଯ୍ୟରତ ଡାକ୍ତର ତ୍ରିନାଥ ପାଲ୍‌ଙ୍କର ମୃତ୍ୟୁ ଘଟିଛି । ଡାକ୍ତର ଓ ରକ୍ତଭଣ୍ଡାର ଅଧିକାରୀ ତ୍ରିନାଥ ପାଲଙ୍କ ଦେହାନ୍ତ ହୋଇଛି । ଡ୍ୟୁଟି କରିବା ସମୟରେ ହୃଦଘାତ ହେବାରୁ ତାଙ୍କର ମୃତ୍ୟୁ ହୋଇଛି ।

ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ନୀଳଗିରି ଉପଖଣ୍ଡର ଡାକ୍ତରଖାନାର କାର୍ଯ୍ୟରତ ଡାକ୍ତର ଓ ରକ୍ତଭଣ୍ଡାର ଅଧିକାରୀ ତ୍ରିନାଥ ପାଲ୍ ଡ୍ୟୁଟି କରିବା ସମୟରେ ହୃଦଘାତ ହେବାରୁ ଟଳିପଡିଲେ । ସ୍ତ୍ରୀ ଓ ପ୍ରସୂତି ବିଭାଗର ଡାକ୍ତର ତ୍ରିନାଥ ପାଲ୍ ରବିବାର ସକାଳେ ୮ଟାରେ ଡ୍ୟୁଟି କରିବାକୁ ଆସିଥିଲେ । ତାଙ୍କର ଓପିଡ଼ିରେ ଡ୍ୟୁଟି ଥିଲା । ହଠାତ ଅସୁସ୍ଥ ଅନୁଭବ କରିବାରୁ ରୋଗୀଙ୍କୁ ଛାଡ଼ି ଡାକ୍ତର କାର୍ଯ୍ୟଗୃହରେ ଥିବା ବାଥରୁମ୍‌ ଯାଇଥିଲେ । କିଛି ସମୟ ହେଲା ନଆସିବାରୁ ଅନ୍ୟ ଡାକ୍ତର ଫୋନ୍ କରିଥିଲେ । ସେ ଫୋନ୍ ଉଠାଇ ନଥିଲେ । ବହୁ କଷ୍ଟରେ ସେ ବାଥରୁମ୍ କବାଟ ଖୋଲି ଆସିବା ପରେ ହଠାତ ଟଳିପଡିଥିଲେ । ତାଙ୍କୁ ୧୦୮ ଆମ୍ବୁଲାନ୍ସରେ ବାଲେଶ୍ଵର ନିଆଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏନେଇ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି ।