ମାଲକାନଗିରି ୦୭/୦୨: ଛତିଶଗଡ ସୀମାନ୍ତ ଦନ୍ତେୱାଡା ଜିଲ୍ଲାରେ ପୁଣି ମାଓ ହିଂସା । ଅରନପୁର ଥାନା ଅଞ୍ଚଳରେ ଜଣେ ସରପଞ୍ଚ ପ୍ରାର୍ଥୀଙ୍କୁ ଧାରୁଆ ଅସ୍ତ୍ରରେ ଗଳା କାଟି ହତ୍ୟା କରିଛନ୍ତି ମାଓବାଦୀ । ମୃତକ ହେଲେ ଯୋଗା ବାରଷେ । ଯୋଗାଙ୍କୁ ଘରୁ ଟାଣି ଆଣି ଗାଁ ଦାଣ୍ଡରେ ହତ୍ୟା କରଛନ୍ତି ମାଓବାଦୀ ।
ସୂଚନା ଥାଉକି, ଆଗକୁ ଛତିଶଗଡରେ ନିର୍ବାଚନ । ଏହାପୂର୍ବରୁ ରକ୍ତମୁଖା ହୋଇପଡିଛନ୍ତି ମାଓବାଦୀ । ଖାସ୍ କରି ନିର୍ବାଚନକୁ ବିରୋଧ କରିଛନ୍ତି ମାଓବାଦୀ । ଯାହାକୁ ନେଇ ଏବେ ଟାର୍ଗେଟରେ ଜନ ପ୍ରତିନିଧି । ଏହି ପରିପ୍ରେକ୍ଷୀରେ ଜଣେ ସରପଞ୍ଚ ପ୍ରାର୍ଥୀଙ୍କୁ ଘରୁ ଡାକି ଆଣି ହତ୍ୟା କରିଛନ୍ତି ମାଓବାଦୀ । ଘଟଣା ପରେ ପୋଲିସ ପକ୍ଷରୁ ଅପରେସନକୁ ଜୋରଦାର କରାଯାଇଛି ।
