ନୂଆପଡା ୨୧।୫: ଓଡିଶା-ଛତିଶଗଡ ସୀମାନ୍ତ ନୂଆପଡା ଜିଲ୍ଲା ସୁନାବେଡା ଅଭୟାରଣ୍ୟ ଶିବନାରାୟଣପୁର ଜଙ୍ଗଲରେ ମାଓ କ୍ୟାମ୍ପ ଠାବ ହୋଇଛି । ଏହି କ୍ୟାମ୍ପ୍ରୁ ଦେଶୀ ପିସ୍ତଲ ସହ ବିପୁଳ ପରିମାଣର ଦୁଇ ହଜାର ଟଙ୍କିଆ ନୋଟ୍ ଜବତ ହୋଇଛି । ଜବତ ନୋଟ୍ ପ୍ରାୟ ୪ ଲକ୍ଷ ଟଙ୍କା ହେବ ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ତିନି ଦିନ ହେଲା ସେହି ଅଞ୍ଚଳରେ ସର୍ଚ୍ଚ ଅପରେସନ ଚାଲିଛି । ସୋମବାର ମାଓବାଦୀ ଓ SOG ଯବାନ ମୁହାଁମୁହିଁ ହେବା ସହ ଗୁଳିବିନିମୟ ହୋଇଥିଲା । ମାଓ ଗୁଳିରେ ପ୍ରକାଶ ସାଇ ନାମକ ଜଣେ ଯବାନ ଗୁରୁତର ଆହତ ହୋଇଥିଲେ । ମାଓବାଦୀ ଛତ୍ରଭଙ୍ଗ ଦେବା ପରେ ସେହି ଅଞ୍ଚଳରୁ ଅନେକ ମାଓ ସାମଗ୍ରୀ ମିଳିଛି । ବର୍ତ୍ତମାନ ମଧ୍ୟ ସର୍ଚ୍ଚ ଅପରେସନ ଜାରି ରହିଥିବା ଏକ ପ୍ରେସ୍ନୋଟ୍ ମାଧ୍ୟମରେ ନୂଆପଡା ଏସପି ଗୁନ୍ଦାଲା ରାଘବେନ୍ଦ୍ର ରେଡ୍ଡୀ ସୂଚନା ଦେଇଛନ୍ତି ।
You Can Read :
