ନୂଆଦିଲ୍ଲୀ ୧୫।୦୧: ପୁଣି ଚର୍ଚ୍ଚାରେ ପ୍ୟାରିସ ଅଲିମ୍ପିକ୍ସ ବିଜେତା ସୁଟର ମନୁ ଭାକର । ସେ ଭାରତ ପାଇଁ ଦୁଇଟି କାଂସ୍ୟ ପଦକ ଜିତି ଗର୍ବ ଆଣିଥିଲେ । ଏବେ ଏହି ପଦକକୁ ନେଇ ଚର୍ଚ୍ଚାକୁ ଆସିଛନ୍ତି ମନୁ ଭାକର । ବାସ୍ତବରେ ମନୁଙ୍କୁ ମିଳିଥିବା କାଂସ୍ୟ ପଦକରୁ ରଙ୍ଗ ଛାଡିବାକୁ ଲାଗିଛି । ଯାହାକୁ ନେଇ ମେଡାଲ୍ ନକଲି ହୋଇଥିବା ଆଲୋଚନା ପୁଣି ଶରୋନାମାକୁ ଫେରିଛି ।
ସାଧାରଣତଃ ଏପରି ହେବା କଥା ନୁହେଁ, କିନ୍ତୁ ଯଦି ରଙ୍ଗ ଫିକା ପଡ଼ିଯାଏ, ଫ୍ରାନ୍ସ ସରକାରଙ୍କ ଅନୁଷ୍ଠାନ 'ମୋନାଇ ଡି ପ୍ୟାରିସ୍' ମନୁ ଭାକରଙ୍କୁ ନୂଆ ପଦକ ପ୍ରଦାନ କରିପାରିବ । ଏହାରି ମଧ୍ୟରେ ଅନ୍ତର୍ଜାତୀୟ ଅଲମ୍ପିକ୍ସ କମିଟି ଭଲ ଖବର ଦେଇଛି । ଆଇସିଓ କହିଛି କି ଶୀଘ୍ର ଏହି ସମସ୍ତ ମେଡାଲକୁ ବଦଳାଯିବ ।
ଏହାସହିତ ଯେଉଁ ଆଥଲେଟଙ୍କ ମେଡାଲ୍ ଫିକା ପଡିଥି ସେମାନଙ୍କୁ ନୂଆ ମେଡାଲ ବଦଳାଇ ଦିଆଯିବ । ତେବେ କହିରଖୁ କି ପଦକରୁ ରଙ୍ଗ ଛାଡିବାର ଅଭିଯୋଗ କେବଳ ମନୁଭାକର କରିଛନ୍ତି ତାନୁହେଁ, ଏହା ପୂର୍ବରୁ ସାରାଦୁନିଆରୁ ୧୦୦ରୁ ଅଧିକ ଆଥଲେଟ୍ ପଦକରୁ ରଙ୍ଗ ଛାଡିବା ନେଇ କରିଥିଲେ ଅଭିଯୋଗ ।
ଏହି ପଦକକୁ ମୋନନେ ଡି ପ୍ୟାରିସ୍ ନାମକ ଏକ ସଂସ୍ଥା ତିଆରି କରିଥିଲା । ସଂସ୍ଥାର ମୁଖପାତ୍ର ରଙ୍ଗ ଛାଡିବା ନେଇ ସ୍ପଷ୍ଟୀକରଣରେ କହିଛନ୍ତି ଯେ ପଦକଗୁଡ଼ିକ 'ତ୍ରୁଟିପୂର୍ଣ୍ଣ' ନୁହେଁ। ଅଧିକାଂଶ ପଦକର ରଙ୍ଗ ଛାଡି ଯାଇଛି । ଆମେ ଏହି ପଦକକୁ ବଦଳାଉଛୁ । ପଦକ ପରିବର୍ତ୍ତନର କାମ ଅଗଷ୍ଟ ମାସରୁ ଚାଲିଛି ଏବଂ ଭବିଷ୍ୟତରେ ମଧ୍ୟ ଜାରି ରହିବ।
କହିବାକୁ ଗଲେ ଭାରତୀୟ ସୁଟର ମହିଳା ୧୦ ମିଟର ଏୟାର ପିସ୍ତଲ ଏବଂ ୧୦ ମିଟର ଏୟାର ପିସ୍ତଲ ମିଶ୍ରିତ ଦଳ ଇଭେଣ୍ଟରେ କାଂସ୍ୟ ପଦକ ଜିତିଥିଲେ ଭାରତୀୟ ଆଥଲେଟ୍ ମନୁ ଭାକର। ସେ ଏହି ପଦକ ଜିତି ଦେଶ ପାଇଁ ଆଣିଥିଲେ ଗୌରବ ।
