ଭୁନବେଶ୍ଵର: ବିଜେପିକୁ ନବୀନଙ୍କ ଟାର୍ଗେଟ୍ ପରେ ଏହାକୁ କାଉଣ୍ଟର କରିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ମନମୋହନ କହିଛନ୍ତି ନବୀନ ବାବୁ ଆଗ କୁହନ୍ତୁ କେଉଁଟା ମିଛ ପ୍ରଚାର । କେନ୍ଦ୍ର ଓଡ଼ିଶାକୁ କେତେ ଟଙ୍କା ଦେଇଥିଲା ଆମେ ତା’ର ହିସାବ ମାଗିଥିଲୁ, ତା’ର ହିସାବ ଦେଇପାରିଲେ ନାହିଁ | ରାଜ୍ୟରେ ଗଣତାନ୍ତ୍ରିକ ବ୍ୟବସ୍ଥା ନଥିଲା | ବିଧାୟକ, ମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ଦେଖା କରିପାରୁନଥିଲେ, କୌଣସି କଥା କ୍ୟାବିନେଟରେ ଆଲୋଚନା ହୋଇପାରୁନଥିଲା ।
ସେ କହିଛନ୍ତି, ଯେତେ ଟଙ୍କା ଏଷ୍ଟିମେଟ୍ ହେଉଥିଲା ତା`ର ୧୦ ଗୁଣା ଅର୍ଥ ଅପବ୍ୟୟ ହେଉଥିଲା । ଏସବୁ କ’ଣ ମିଛ ପ୍ରଚାର ଥିଲା କି । ଏସବୁର ଉତ୍ତର ନବୀନ ବାବୁ ଦେଇପାରିଲେନି, ସେଥିପାଇଁ ଲୋକମାନେ ବିଜେଡି ଉପରୁ ଆସ୍ଥା ହରାଇ ବିଜେପି ସରକାରକୁ ଆଣିଲେ ବୋଲି କହିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ । ସେ ଆହୁରି ବି କହିଛନ୍ତି ନବମ ଥର ବିଜେଡି ସଭାପତି ହୋଇଥିବାରୁ ନବୀନଙ୍କୁ ସ୍ବାଗତ । ବିରୋଧୀ ଦଳ ଭାବେ ଗଠନ ମୂଳକ ପ୍ରସ୍ତାବ ଦେଲେ ଆମ ସରକାର ଏଥିରେ ସହଯୋଗ କରିବ ।
ସୂଚନାଯୋଗ୍ୟ, ନବୀନ ପଟ୍ଟନାୟକ କ୍ରମାଗତ ନବମ ଥର ବିଜୁ ଜନତା ଦଳର ରାଜ୍ୟ ସଭାପତି ଭାବେ ଦାୟିତ୍ଵ ଗ୍ରହଣ କରିଛନ୍ତି। ଏହା ପରେ ନବୀନ ସିଧା ବିଜେପିକୁ ଟାର୍ଗେଟ କରିଛନ୍ତି । କହିଛନ୍ତି ବିଜେପିର ମିଛ ପ୍ରଚାର ପାଇଁ ୨୪ ନିର୍ବାଚନରେ ବିଜେଡି ହାରିଲା । ଏବେ ବି ବିଜେଡି ବିରୋଧରେ ମିଛ ପ୍ରଚାର କରାଯାଉଛି । ତେଣୁ ସୋସିଆଲ ମିଡିଆରେ ମିଛ ପ୍ରଚାରକୁ କାଉଣ୍ଟର କରିବା ସହ ବିଜେଡିର ସଫଳତାକୁ ଲୋକଙ୍କ ପାଖରେ ପହଞ୍ଚାଇବାକୁ ଦଳୀୟ ନେତା କର୍ମୀଙ୍କୁ ଆହ୍ବାନ ଦେଇଛନ୍ତି।
