ବାୟୁସେନା RP ଏୟାରକ୍ରାଫ୍ଟରେ ଯାନ୍ତ୍ରିକ ତ୍ରୁଟି, କରାଗଲା ଏମାର୍ଜେନ୍ସୀ ଲ୍ୟାଣ୍ଡିଂ

ଜୈସାଲମେର ୨୦।୧୧: ଭାରତୀୟ ବାୟୁସେନା (ଆଇଏଏଫ)ର ଏକ ଆରପି ଏୟାରକ୍ରାଫ୍ଟରେ ବୈଷୟିକ ତ୍ରୁଟି ସତ୍ତ୍ୱେ ଏହାକୁ ସଫଳତା ପୂର୍ବକ ଅବତରଣ କରାଇ ଦିଆଯାଇଛି। ସୂଚନା ଅନୁସାରେ ଉଡାଣ କାଳରେ ବିମାନ ଇଞ୍ଜିନରେ ତ୍ରୁଟି ଜଣାପଡିଥିଲା। ପାଇଲଟ ନିଜ ଉପସ୍ଥିତ ବୁଦ୍ଧିମତା ଯୋଗୁ ବିମାନକୁ ଜୈସାଲମେର ନିକଟରେ ସୁରକ୍ଷିତ ଅବତରଣ କରାଇଛନ୍ତି। ବାୟୁସେନା ସୂତ୍ରରୁ ମିଳିଥିବା ସୂଚନାରେ ଏହି ଘଟଣାରେ କୌଣସି ପ୍ରକାରର କ୍ଷତିର ଖବର ନାହିଁ।

ଆଇଏଫ କହିଛି ଯେ ବିମାନର ଲ୍ୟାଣ୍ଡିଂକୁ ଅତ୍ୟନ୍ତ ନିୟନ୍ତ୍ରିତ ରୂପେ ସଫଳ କରାଯାଇଛି। ଏଣୁ ତଳେ କୌଣସି ଜନହାନୀ ଅଥବା ସମ୍ପତ୍ତି ହାନୀ ହୋଇ ନାହିଁ। ବାୟୁସେନା ଅନୁସାରେ ଆରପି ବିମାନକୁ ସୁରକ୍ଷିତ ରୂପେ ରିକଭର କରାଯାଇଛି ଓ ଏହାକୁ ତା ବେସ୍ କୁ ଫେରାଇ ନିଆଯାଇଛି। ଆଇଏଫ ବୈଷୟିକ ଟିମ୍ ଆରପି ଏୟାରକ୍ରାଫ୍ଟରେ ଦେଖା ଦେଇଥିବା ଗଡ଼ବଡିର ଯାଞ୍ଚ ଆରମ୍ଭ କରିଦେଇଛନ୍ତି। ପ୍ରାରମ୍ଭିକ ରୂପେ ଏହା ଏକ ମେକାନିକାଲ ମାଲଫଙ୍କସନ ବୋଲି କୁହାଯାଉଛି। ତେବେ ବିସ୍ତୃତ ଯାଞ୍ଚ ରିପୋର୍ଟ ଆସିବା ପରେ ଅସଲ କାରଣ ଜଣାପଡିବ ବୋଲି କର୍ତ୍ତୃପକ୍ଷ କହିଛନ୍ତି।

ଏହି ଘଟଣା ଭାରତୀୟ ବାୟୁସେନାର ଟ୍ରେନିଂ ଓ ଅପରେସନାଲ ପ୍ରୋଟକଲ କେତେ ମଜଭୁତ ତାହା ପୁଣି ଥରେ ପ୍ରମାଣିତ କରିଛି। ସମୟ ପୂର୍ବରୁ ନିଷ୍ପତ୍ତି ନେବାର କ୍ଷମତା କାରଣରୁ ପାଇଲଟ ଟିମ୍ ନା କେବଳ ଆରପି ଏୟାରକ୍ରାଫ୍ଟକୁ ସୁରକ୍ଷିତ ଅବତରଣ କରାଇଛନ୍ତି ବରଂ କୌଣସି ପ୍ରକାର ରସମ୍ଭାବିତ ଦୁର୍ଘଟଣାକୁ ମଧ୍ୟ ଟାଳି ପାରିଛନ୍ତି। ଭାରତୀୟ ବାୟୁସେନା ଏକ ଅଧିକାରୀକ ବୟାନରେ କହିଛି ଯେ ପରିସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣାଧୀନ ରହିଛି ଓ ଭବିଷ୍ୟତରେ ଏପରି କୌଣସି ବୈଷୟିକ ସମସ୍ୟା ରୋକିବା ଲାଗି ସବୁ ଆବଶ୍ୟକ ପଦକ୍ଷେପ ନିଆଯାଉଛି।