ଫୋନରେ ପତ୍ନୀଙ୍କ ସହ ଝଗଡ଼ା କଲେ, ରାଗରେ ବିମାନବନ୍ଦରରେ ନିଜକୁ ଲଗାଇଦେଲେ ନିଆଁ

Published By : Prameya-News7 Bureau | August 30, 2025 IST

ନୂଆଦିଲ୍ଲୀ ୩୦।୦୮: କାଜାଖସ୍ତାନର ଆଲମାଟି ଅନ୍ତର୍ଜାତୀୟ ବିମାନବନ୍ଦରରେ ଏକ ହୃଦୟବିଦାରକ ଘଟଣା ଘଟିଛି। ।  ଜଣେ ବ୍ୟକ୍ତି ନିଜକୁ ନିଆଁ ଲଗାଇ ଦେଇଛନ୍ତି । କୁହାଯାଉଛି କି ବ୍ୟକ୍ତି ଜଣକଙ୍କର ଶେଷ ଟ୍ରେନ୍ ଫେଲ୍‌ ହୋଇଯାଇଥିଲେ । ଏହାପରେ ସେ ତରତରରେ ଫ୍ଲାଇଟ୍‌ ଧରିବାକୁ ଚେଷ୍ଟା କରିଥିଲେ । ଆଉ ହଠାତ୍ ନିଜକୁ ନିଆଁ ଲଗାଇ ଦେଇଥିଲେ।

 କୁହାଯାଉଛି ଯେ ସେ ଟ୍ରାଭେଲ୍ ଏଜେନ୍ସି ଅଫିସରେ ଏଣ୍ଟ୍ରି କରିଥିଲେ ଏବଂ କର୍ମଚାରୀଙ୍କୁ ତାଙ୍କୁ ଫ୍ଲାଇଟରେ ପଠାଇବାକୁ ଅନୁରୋଧ କରିଥିଲେ । ଯେତେବେଳେ ସେ ରାଜି ନ ହୋଇଥିଲେ, ସେ ଫୋନ୍ ନେଇ ତାଙ୍କ ସ୍ତ୍ରୀଙ୍କ ସହ କଥା ହୋଇଥିଲେ । କିନ୍ତୁ ସେହି କଥାବାର୍ତ୍ତା ଝଗଡ଼ାରେ ପରିଣତ ହୋଇଥିଲା। ଏହାପରେ ସେ ହଠାତ୍ କର୍ମଚାରୀଙ୍କୁ ରୁମରୁ ବାହାରକୁ ଯିବାକୁ କହିଥିଲେ ।  

ପୋଲିସର କହିବା ଅନୁଯାୟୀ, ତାଙ୍କ ପତ୍ନୀଙ୍କ ସହ ଝଗଡ଼ା ପରେ ବ୍ୟକ୍ତି ଜଣକ ଅତ୍ୟନ୍ତ ଚାପଗ୍ରସ୍ତ ଥିଲେ । ସେ ତାଙ୍କ ଟ୍ରେନ୍ ଫେଲ୍‌ ହୋଇଥିଲେ ଏବଂ ତାଙ୍କ ଟିକେଟ ମଧ୍ୟ ଏକ୍ସପାରି ହୋଇଯାଇଥିଲା । ସେ ଚାହୁଁଥିଲେ ଯେ ଟ୍ରେନ ଟିକେଟକୁ ଫ୍ଲାଇଟ୍‌ ଟିକେଟରେ ବଦଳାଇ ଦିଆଯାଉ । ଏମିତିକି କିଛି ଲୋକ କହୁଛନ୍ତି ଯେ ସେ ମଦ୍ୟପାନ କରିଥାଇପାରନ୍ତି।

ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ ସ୍ପଷ୍ଟ ଭାବରେ ଦେଖାଯାଉଛି ଯେ ବ୍ୟକ୍ତି ଜଣକ ନିଜ ଉପରେ ପେଟ୍ରୋଲ ଭଳି ତରଳ ପଦାର୍ଥ ଢାଳି ନିଜକୁ ନିଆଁ ଲଗାଇ ଦେଇଥିଲେ । ଏହାପରେ ସେ ନିଆଁ ସହ ଟ୍ରାଭେଲ ଏଜେନ୍ସି ଅଫିସରୁ ବାହାରକୁ ଦୌଡ଼ିଥିଲେ । ଯାହା ଫଳରେ ସେଠାରେ ଉପସ୍ଥିତ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। କର୍ମଚାରୀମାନେ ଅଗ୍ନି ନିର୍ବାପକ ଯନ୍ତ୍ର ସାହାଯ୍ୟରେ ନିଆଁ ଲିଭାଇବାକୁ ଚେଷ୍ଟା କରିଥିଲେ, କିନ୍ତୁ ସେତେବେଳକୁ ସେ ଗୁରୁତର ଭାବରେ ପୋଡ଼ି ଯାଇଥିଲେ ।

ତେବେ ତୁରନ୍ତ ବ୍ୟକ୍ତିଙ୍କୁ ଡାକ୍ତରଖାନାକୁ ନିଆଯାଇଥିଲା। ଡାକ୍ତରମାନେ କହିଛନ୍ତି ଯେ ତାଙ୍କ ଅବସ୍ଥା ଅତ୍ୟନ୍ତ ସଙ୍କଟଜନକ ଏବଂ ସେ ଜୀବନ-ମୃତ୍ୟୁ ସହ ସଂଘର୍ଷ କରୁଛନ୍ତି । ଆଲମାଟି ଜନସ୍ୱାସ୍ଥ୍ୟ ବିଭାଗ କହିଛି ଯେ ରୋଗୀଙ୍କୁ ସମ୍ପୂର୍ଣ୍ଣ ଭାବରେ ଡାକ୍ତରୀ ପ୍ରୋଟୋକଲ ଅନୁଯାୟୀ ଚିକିତ୍ସା କରାଯାଉଛି। ଅନ୍ୟପଟେ ଟ୍ରାଭେଲ୍ ଏଜେନ୍ସିର ସିଇଓ କହିଛନ୍ତି ଯେ ସେହି ବ୍ୟକ୍ତି ତାଙ୍କ କାର୍ଯ୍ୟାଳୟକୁ ଆସି ଫୋନ୍ ମାଗିଥିଲେ । ସେ ଏକ କଲ୍ କରିଥିଲେ ଏବଂ ତା’ପରେ ହଠାତ୍ ନିଜ ଉପରେ ପେଟ୍ରୋଲ ଢାଳି ନିଜକୁ ନିଆଁ ଲଗାଇ ଦେଇଥିଲେ । 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.