ଜଳେଶ୍ବର: ବାଲି ଘାଟରୁ ସେୟାର ଏବଂ ମାସକୁ ୫ ଲକ୍ଷ ଟଙ୍କା ବଟି ଚାନ୍ଦା ଦେବାକୁ ମନା କରିବାରୁ ବିୟର ବୋତଲରେ ଆକ୍ରମଣ କରି ଯୁବକର ମୁଣ୍ଡ ଫଟାଇଲେ ଦୃର୍ବୃତ୍ତ। ଯେଉଁଥିରେ ଗୁରୁତର ହୋଇପଡ଼ିଛନ୍ତି ଯୁବକ। ସେପଟେ ଥାନାରେ ଏତଲା ପରେ ମାମଲାରେ ତଦନ୍ତ ଆରମ୍ଭ କରିଛି ପୋଲିସ ଥାନାରେ ମାମଲା, ପୋଲିସର ତଦନ୍ତ ଜାରି। ଘଟଣା ଘଟିଛି ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଧୀନରେ।
ସୂଚନା ଅନୁଯାୟୀ, ଚାଲନ୍ତି ଗ୍ରାମର ସୁବାଷ ପ୍ରାମାଣିକ ବସ୍ତା ତହସିଲ ଅଞ୍ଚଳରେ ସରକାରୀ ବାଲି ସୌରାତ ଲିଜ ଆକାରରେ ଚଳାଉଥିଲେ। ହେଲେ ଶନିବାର ସନ୍ଧ୍ୟାରେ ହଳଦୀପଦା ଅଂଚଳର ବାପୁନୁ ନାମକ ଜଣେ ଯୁବକ ହୋଟେଲକୁ ଖାଇବା ପାଇଁ ଡାକି ସାଥିରେ ନେଇ ଯାଇଥିଲେ । ଉଭୟ ୬୦ନଂ ଜାତୀୟ ରାଜପଥରେ ଥିବା ହୋଟେଲ ରାଜପଥରେ ଖାଉଥିବା ସମୟରେ ବାଲି ସୌରାତରୁ ସେୟାର ମାଗିଥିଲେ । ମାତ୍ର ସୁବାଷ ମନା କରିଥିଲେ।
ଆଉ ଏହି ସମୟରେ ଶାନ୍ତିଆ ଗ୍ରାମର ପିଙ୍କୁ, ମୁନା ଓ ବସ୍ତା ଅଂଚଳର ରାଜା ନାମକ ଯୁବକ ଆସି ବାଲି ସୌରତାରୁ ସେୟାର ଦିଅ ନହେଲେ ମାସକୁ ୫ଲକ୍ଷ ଟଙ୍କା ଚାନ୍ଦା ଦିଅ ବୋଲି ଦାବି କରି ବିୟର ବୋତଲରେ ସୁବାଷଙ୍କ ମୁଣ୍ଡକୁ ଆକ୍ରମଣ କରିଥିଲେ । ଆକ୍ରମଣରେ ସୁବାଷଙ୍କ ମୁଣ୍ଡରେ ଗଭୀର ଆଘାତ ଲାଗିଛି। ହସ୍ପିଟାଲରେ ତାଙ୍କର ପ୍ରାଥମିକ ଚିକିତ୍ସା କରାଯାଇଛି। ତେବେ ଏହା ପରେ ସୁବାଷ ନ୍ୟାୟ ପାଇଁ ଜଳେଶ୍ୱର ଥାନାରେ ଲିଖିତ ଅଭିଯୋଗ କରିଛନ୍ତି। ପୋଲିସ ଅଭିଯୋଗ ପାଇ ତଦନ୍ତ ଆରମ୍ଭ କରିଛି।
