ଗ୍ରାହକ ପିଇଲେ ୧୫ ଟଙ୍କାର ଚା', ଦୋକାନୀ ଓଲଟା ପଠାଇଲେ ୩୦ ହଜାର ଟଙ୍କା

କଟକ ୨୪/୧୦: ବିଶ୍ୱାସ, ଶବ୍ଦଟିରେ ରହିଛି ଭାରି ମହତ୍ୱ । କେତେବେଳେ ସଂପର୍କ ଭାଙ୍ଗିଯାଏ ତ କେତେବେଳେ ଯୋଡି ହୋଇଯାଏ । ଏହି ବିଶ୍ୱାସ ବଳରେ ସାରା ଦୁନିଆ ଚାଲୁଛି । ସେ ପରିବାରରେ ହେଉ ବା ବାହାର ଦୁନିଆ । ଏଇ ଗୋଟିଏ ଶବ୍ଦର ଓଜନ ବି ବେଶୀ । ଆଜି ବି ଅନେକ ଏହି ବିଶ୍ୱାସ ଶବ୍ଦରେ ବଞ୍ଚିଛନ୍ତି ।

ଅନ୍ୟମାନଙ୍କୁ ଭରସାରେ ବାନ୍ଧି ରଖିଛନ୍ତି । ଆକ୍ଷରିକ ଭାସାରେ କହିବାକୁ ଗଲେ ବିଶ୍ୱାସର ଅନ୍ୟନାମ ଏଠି ମାନବିକତାର ବଡ ଉଦାହରଣ । ଯଦି ସେମିତି ହୋଇନଥାନ୍ତା ତେବେ ଭୁଲ ବଶତଃ ହୋଇଥିବା ଭୁଲର ଫଳ ଏତେ ମିଠା ହୋଇଥାନ୍ତା । ଏମିତି ଗୋଟିଏ ଉଦାହରଣ କଟକର ଗୋଟିଏ ଚା ଦୋକାନୀଙ୍କ ଠାରେ ଦେଖିବାକୁ ମିଳିଛି ।   

ଦୈନନ୍ଦୀନ ଜୀବନରେ ଯେଉଁଠି ସାଇବର ଲୁଟ୍‌ର ଖବର ନିୟମିତ ଆସୁଛି, ସେଠି ଆସିଛି ମାନବିକତାର ପରିଚୟ ଦେଖିବାକୁ ମିଳିଛି । ଘଟଣା ଥିଲା କିଛି ଏମିତି । କଟକ ସେଲଟର ଛକ ରାସ୍ତା କଡ଼ରେ ଚା ଦୋକାନ କରି ନିଜ ପରିବାର ପୋଷନ୍ତି ଗଣେଷ । ଗୁରୁବାର ରାତିରେ ତାଙ୍କ ସହ ଘଟିଥିଲା ଅନଲାଇନ ପେମେଣ୍ଟ ଜନିତ ଏକ ବଡ଼ ଘଟଣା । ଗତକାଲି ସନ୍ଧ୍ୟା ସମୟରେ ଗଣେଶ ଚା ଦୋକାନରୁ ଅନୁଗୁଳର ସୁଶାନ୍ତ ନାମକ ଜଣେ ବ୍ୟକ୍ତି ଚା ପିଇଥିଲେ ।

କଟକ ମେଡିକାଲ କାର୍ଯ୍ୟରେ ଆସିଥିବା ହେତୁ ଗଣେଶଙ୍କ ଦୋକାନରୁ ଚା ପିଇ ଫୋନ ପେ ରେ ୧୫ ଟଙ୍କା ଦେଇଥିଲେ । ଚା ପଇବା ପରେ ସୁଶାନ୍ତ ନିଜ ଘର ଅନୁଗୁଳକୁ ପ୍ରତ୍ୟାବର୍ତ୍ତନ କରିଥିଲେ । ହେଲେ ଘରକୁ ଯିବା ସମୟରେ ସେ ଦେଖିଲେ ତାଙ୍କ ମୋବାଇଲରେ ୩୦ ହଜାର ଟଙ୍କା କ୍ରେଡିଟ ହୋଇଛି । କୁଆଡୁ ଆସିଲା ଏତେ ଟଙ୍କା ଭାବି ଖୁସି ହେବା ବଦଳରେ ସେ ଆଶ୍ଟର୍ଯ୍ୟ ହେଲେ । ଏହାର ଠିକ୍ କିଛି ସମୟ ପରେ ଶୁସାନ୍ତଙ୍କୁ ଆସିଥିଲା ଗଣେଶଙ୍କ କଲ୍ ।

କହିଥିଲେ ଭାଇ ମୋର ଭୁଲ ବଶତଃ ମୋ ଆକାଉଣ୍ଟରୁ ଆପଣଙ୍କ ଆକାଉଣ୍ଟକୁ ପଳାଇଛି ୩୦ ହଜାର । ତେବେ ଏହା ଜାଣିବା ପରେ ଲୋଭ କରିବା ତ ଦୂରର କଥା ନିଶ୍ଚୟ ଆପଣଙ୍କୁ ଟଙ୍କା ଫେରସ୍ତ ଯିବ କହି ଆଶ୍ୱାସନା ଦେଇଥିଲେ । ଆଉ ସକାଳୁ ସକାଳୁ ସେ କଟକ ଆସି ତାଙ୍କ ଟଙ୍କା ଫେରସ୍ତ କରିଛନ୍ତି। ଏଥିରୁ ସ୍ପଷ୍ଟ ଯେ ଏହି ଘଟଣା ମଣିଷ ସମାଜ ପାଇଁ ଉଚିତ ଶିକ୍ଷା। କାରଣ ଯେଉଁଠି ଅନଲାଇନ ଯୁଗରେ ସବୁ ସ୍ଥାନରେ ଠକ ମାନେ ସକ୍ରିୟ ରହିଛନ୍ତି । ସେଠି ସୁଶାନ୍ତଙ୍କ ଭଳି ମାନବିକତା ଦେଖାଇବା ଉଦାହରଣ ନିଶ୍ଚୟ ।