ଚର୍ଚ୍ଚାରେ ସୁପରଷ୍ଟାରଙ୍କ ସିମ୍ପ୍ଲିସିଟି, ମୁମ୍ବାଇ ଏୟାରପୋର୍ଟରେ ଏଭଳି କଲେ ଶାହରୁଖ ଖାନ

ମୁମ୍ବାଇ: ବଲିଉଡ ସୁପରଷ୍ଟାର ଶାହରୁଖ ଖାନଙ୍କୁ ଗୁରୁବାର ସକାଳେ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା। ବିମାନବନ୍ଦରରେ ତାଙ୍କର ଅନେକ ଭିଡିଓ ଏବଂ ଫଟୋ ସାମ୍ନାକୁ ଆସିଛି । ଭିଡିଓରେ, ଶାହରୁଖ ଖାନଙ୍କୁ ଯାଞ୍ଚ କରାଯାଉଥିବାର ଦେଖାଯାଉଛି। ବିମାନବନ୍ଦରରେ, ସୁରକ୍ଷା କର୍ମୀମାନେ ଶାହରୁଖ ଖାନଙ୍କୁ ତାଙ୍କର ଚଷମା କାଢ଼ିବାକୁ କହୁଛନ୍ତି।

ଶାହରୁଖ ଖାନ ମଧ୍ୟ ତୁରନ୍ତ ଚଷମା କାଢ଼ି ଦେଉଥିବାର ଦେଖିବାକୁ ମିଳିଛି । ଯାଞ୍ଚ ପ୍ରକ୍ରିୟା ସମାପ୍ତ ହେବା ପର୍ଯ୍ୟନ୍ତ ଅପେକ୍ଷା କରିଥିଲେ ଏସଆରକେ । ସୁରକ୍ଷା ଯାଞ୍ଚ ସମାପ୍ତ ହେବା ପରେ, ବଲିଉଡ୍ ସୁପରଷ୍ଟାରଙ୍କ ସିମ୍ପ୍ଲିସିଟିକୁ ଦେଖି ଗାର୍ଡ ମଧ୍ୟ ସ୍ମିତହାସ୍ୟ ଦେଇଥିଲେ । ତା'ପରେ ଶାହରୁଖ ଖାନ ତାଙ୍କ କାନ୍ଧରେ ହାତ ରଖି ଚାଲିଯାଇଥିଲେ ।

ଶାହରୁଖ ଖାନଙ୍କ ଏଭଳି ସୁନ୍ଦର ବ୍ୟବହାର ଲାଗି ପ୍ରଶଂସକମାନେ ତାଙ୍କୁ ପ୍ରଶଂସା କରିଛନ୍ତି । ୟୁଜର୍ସମାନେ ଶାହରୁଖ ଏବଂ ସୁରକ୍ଷା କର୍ମୀ ଉଭୟଙ୍କୁ ପ୍ରଶଂସା କରିଛନ୍ତି। ଜଣେ ୟୁଜର୍ସ ଲେଖିଛନ୍ତି, ‘ଏହା ବହୁତ ଭଲ। ସମସ୍ତ ନାଗରିକଙ୍କ ସହ ସମାନ ବ୍ୟବହାର କରାଯିବା ଉଚିତ।’ ଆଉ ଜଣେ ୟୁଜର୍ସ ଲେଖିଛନ୍ତି, ‘ଏହା ବହୁତ ଭଲ। ଶାହରୁଖ ଖାନ ବହୁତ ଶାନ୍ତ। ସେ ଅନ୍ୟମାନଙ୍କ ପରି ନୁହଁନ୍ତି । ଶାହରୁଖ ଖାନ ବିଶ୍ୱର ଏକ ବଡ଼ ନାମ।’

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

ଶାହରୁଖ ଖାନଙ୍କୁ ଶେଷ ଥର ପାଇଁ ୨୦୨୩ ମସିହାରେ ପରଦାରେ ଦେଖିବାକୁ ମିଳିଥିଲା। ତାଙ୍କର ତିନୋଟି ଫିଲ୍ମ ୨୦୨୩ ମସିହାରେ ମୁକ୍ତିଲାଭ କରିଥିଲା: ଯବାନ, ପଠାନ ଏବଂ ଡଙ୍କି । ଏହି ତିନୋଟି ଫିଲ୍ମକୁ ସିନେପ୍ରେମୀ ଖୁବ ପସନ୍ଦ କରିଥିଲେ । ଶାହରୁଖ ଖାନ ସଲମାନ ଖାନଙ୍କ ଟାଇଗର ୩ ରେ ମଧ୍ୟ ଏକ ଛୋଟ ଭୂମିକାରେ ଅଭିନୟ କରିଥିଲେ।

ଶାହରୁଖ ଖାନ କିଙ୍ଗ ଫିଲ୍ମରେ ନଜର ଆସିବେ। ଏହି ଫିଲ୍ମରେ ସୁହାନା ଖାନ, ରାଣୀ ମୁଖାର୍ଜୀ, ଦୀପିକା ପାଦୁକୋନ ଏବଂ ଅଭିଷେକ ବଚ୍ଚନ ଅଭିନୟ କରିଛନ୍ତି। ଏହା ଶାହରୁଖ ଖାନଙ୍କ ତାଙ୍କ ଝିଅ ସୁହାନା ଖାନଙ୍କ ସହ ପ୍ରଥମ ଫିଲ୍ମ। ସିଦ୍ଧାର୍ଥ ଆନନ୍ଦ ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି। ଶାହରୁଖ ଖାନଙ୍କ ଜନ୍ମଦିନରେ ଫିଲ୍ମର ପ୍ରଥମ ଲୁକ୍ ସେୟାର କରାଯାଇଥିଲା।