ମାଲକାନଗିରି ୧୫।୦୪ : ମାଲକାନଗିରି ଛତିଶଗଡ଼ ସୀମାନ୍ତ ବିଜାପୁରରେ ଲ୍ୟାଣ୍ଡମାଇନ୍ ଠାବ । ସୁରକ୍ଷାକର୍ମୀଙ୍କୁ ଟାର୍ଗେଟ କରିବା ଲାଗି ମାଓବାଦୀମାନେ ଲ୍ୟାଣ୍ଡମାଇନ୍ ଖଞ୍ଜିଥିଲେ । ଯାହାକୁ ସୁରକ୍ଷିତ ଭାବେ ଠାବ କରିଛନ୍ତି ସୁରକ୍ଷାକର୍ମୀ । ଏବେବି ଜଙ୍ଗଲରେ ସର୍ଚ୍ଚ ଅପରେସନ ଜାରି ରହିଛି ।
ଖବର ଅନୁଯାୟୀ, ଜୈତାଲୁର କ୍ୟାମ୍ପର ୧୩ ବାଟାଲିୟନର ଯବାନ ମାନେ ଏରିଆ ଡୋମିନେସନ୍ ଲାଗି ଗୋର୍ନା ମାଙ୍କେଲି ରାସ୍ତାରେ ଯାଉଥିଲେ । ହେଲେ ମାଙ୍କେଲି ଗାଁ ନିକଟସ୍ଥ ଏକ ମାଟି ରାସ୍ତାରେ ମାଓବାଦୀମାନେ ପୁର୍ବରୁ ଖଞ୍ଜିଥିବା ୫ଟି ଆଇଇଡି ବୋମାକୁ ଚିହ୍ନଟ କରିଥିଲେ ସୁରକ୍ଷାକର୍ମୀ । ଯବାନଙ୍କୁ ଟାର୍ଗେଟ କରି ମାଓବାଦୀମାନେ ୨ କିଲୋଗ୍ରାମ ଓଜନର ୩ଟି ବିୟର ବୋତଲ ବୋମା ଓ ୩ କିଲୋଗ୍ରାମ ଓଜନର ୨ଟି ଟିଫିନ୍ ବୋମା ସିରିଜରେ ଏହି ରାସ୍ତା ତଳେ ରଖିଥିଲେ । ଯାହା ଏକ କମାଣ୍ଡ ସ୍ୱିଚ୍ ସହିତ ସଂଯୋଗ ହୋଇଥିଲା , ହେଲେ ଏହାକୁ ସୁରକ୍ଷାକର୍ମୀ ଅତି ସତର୍କତାର ସହ ନଷ୍ଟ କରିଛନ୍ତି । ସୁରକ୍ଷା ବାହିନୀର ଉପସ୍ଥିତ ବୁଦ୍ଧି ଓ ସତର୍କତା ଲାଗି ଏକ ବଡଧରଣର ଅଘଟଣରୁ ଅଳ୍ପକେ ବର୍ତ୍ତିଯାଇଛନ୍ତି ।
