ସାମ୍ନାକୁ ଆସିଲା ସ୍ମୃତି ମନ୍ଧାନାଙ୍କ ବିବାହ ତାରିଖ, ଏହି ଦିନ ପଲାଶଙ୍କ ସହ ନେବେ ସାତଫେରା

ନୂଆଦିଲ୍ଲୀ ୧୫।୧୧; ଟିମ୍ ଇଣ୍ଡିଆର ପ୍ରଥମ ବିଶ୍ୱ ଚାମ୍ପିଅନସିପରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା ପରେ, ଷ୍ଟାର ଓପନର ସ୍ମୃତି ମନ୍ଧାନା ଏବେ ତାଙ୍କ ଜୀବନରେ ଆଉ ଏକ ମାଇଲଖୁଣ୍ଟ ହାସଲ କରିବାକୁ ପ୍ରସ୍ତୁତ। ଅନେକ ଦିନ ହେବ ନା ନା କଳ୍ପନା ଜଳ୍ପନା ପରେ ଫ୍ୟାନ୍ସଙ୍କ ଅପେକ୍ଷାର ଅନ୍ତ ଘଟିଛି । ସ୍ମୃତି ମନ୍ଧାନାଙ୍କ ବିବାହ ତାରିଖ ସାମ୍ନାକୁ ଆସିଛି। ଭାରତୀୟ ମହିଳା କ୍ରିକେଟ ଦଳର ଉପ-ଅଧିନାୟିକା ସ୍ମୃତି ମନ୍ଧାନା ନଭେମ୍ବର ୨୩ ତାରିଖରେ ତାଙ୍କ ପ୍ରେମିକ ତଥା ସଂଗୀତ ନିର୍ଦ୍ଦେଶକ ପଲାଶ ମୁଛଲଙ୍କୁ ବିବାହ କରିବାକୁ ଯାଉଛନ୍ତି। ସେମାନଙ୍କର ବିବାହ କାର୍ଡ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଛି।

ସ୍ମୃତି ମନ୍ଧାନା ଏବଂ ସଂଗୀତ ନିର୍ଦ୍ଦେଶକ ପଲାଶ ମୁଛଲ ଖୁବ୍ ଶୀଘ୍ର ବିବାହ କରିବାକୁ ଯାଉଛନ୍ତି । ସେମାନେ ସେମାନଙ୍କର ଛଅ ବର୍ଷର ସମ୍ପର୍କକୁ ଏକ ନୂତନ ନାମ ଦେବାକୁ ଯାଉଛନ୍ତି। ସ୍ମୃତି ଏବଂ ପଲାଶଙ୍କ ବିବାହ ତାରିଖ ମଧ୍ୟ ପ୍ରକାଶ ପାଇଛି। ସୋସିଆଲ ମିଡିଆରେ ତାଙ୍କ ବିବାହ କାର୍ଡ ମଧ୍ୟ ଭାଇରାଲ ହେଉଛି । କିନ୍ତୁ, ଆପଣ ଜାଣିଛକି ସେମାନେ ପରସ୍ପରକୁ କେଉଁଠାରେ ପ୍ରପୋଜ କରିଥିଲେ? ଜଣେ ଘନିଷ୍ଠ ବନ୍ଧୁଙ୍କ ଇନଷ୍ଟାଗ୍ରାମ ଆକାଉଣ୍ଟରୁ ଜଣାପଡ଼ିଛି ଯେ ସେମାନେ ଏକ କ୍ରିକେଟ ଷ୍ଟାଡିୟମରେ ପ୍ରପୋଜ କରିଥିଲେ ।

 

 

 

 

View this post on Instagram

 

 

 

 

 

 

 

 

 

 

 

A post shared by Barsha Gogoi (@barsha.gogoi)

କେଉଁ କ୍ରିକେଟ ଷ୍ଟାଡିୟମରେ ପ୍ରପୋଜ କରିଥିଲେ?

ଫିଲ୍ମ ଇଣ୍ଡଷ୍ଟ୍ରି ସହ ଜଡିତ ବର୍ଷା ଗୋଗୋଇ ମଧ୍ୟ ତାଙ୍କ ଇନଷ୍ଟାଗ୍ରାମରେ ପଲାଶ ଏବଂ ସ୍ମୃତିଙ୍କ କିଛି ଫଟୋ ସେୟାର କରିଛନ୍ତି। ଫଟୋଗୁଡ଼ିକ ମୁମ୍ବାଇର ଡିୱାଇ ପାଟିଲ ଷ୍ଟାଡିୟମର ବୋଲି ଜଣାପଡିଛି, ଯେଉଁଥିରେ ସ୍ମୃତି ମନ୍ଧାନା ମଧ୍ୟ ଏକ ମୁଦି ପିନ୍ଧିଥିବା ନଜର ଆସିଛନ୍ତି। ଏବେ, ଏହା ସମ୍ଭବ ଯେ ଏହା ତାଙ୍କର ନିର୍ବନ୍ଧ ମୁଦି । ବୋଧ ହୁଏ ପଲାଶ ମୁଛଲ ଡିୱାଇ ପାଟିଲ ଷ୍ଟାଡିୟମରେ ସ୍ମୃତି ମନ୍ଧାନାଙ୍କୁ ସେହି ମୁଦି ପିନ୍ଧାଇ ଥାଇପାରନ୍ତି। କାହିଁକି ନା ବର୍ଷା ଗୋଗୋଇ ସ୍ମୃତି ଓ ପଳାଶଙ୍କ ସମାନ ଫଟୋ ପୋଷ୍ଟ କରି ଲେଖିଛନ୍ତି, "ଭାଇ, ଆଉ ଡେରି କଣ ପାଇଁ ଜଲଦି ବିବାହ କର… ପଳାଶ ମଧ୍ୟ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ବର୍ଷା ଗୋଗୋଇଙ୍କ ଏହି ଇନଷ୍ଟାଗ୍ରାମ ପୋଷ୍ଟ ସେୟାର କରି ସ୍ପଷ୍ଟ କରିଛନ୍ତି ଯେ ସେମାନଙ୍କ ବିବାହକୁ ନେଇ ଚାଲିଥିବା କଳ୍ପନାଜଳ୍ପନା ମିଛ ନୁହେଁ। ନିକଟରେ, ICC ମହିଳା ବିଶ୍ୱକପ୍ ୨୦୨୫ ର ଏକ ମ୍ୟାଚ୍ ସମୟରେ, ପଲାଶ ପ୍ରକାଶ କରିଥିଲେ ଯେ ସ୍ମୃତି ଖୁବ୍ ଶୀଘ୍ର ଇନ୍ଦୋରର ବୋହୂ ହେବେ। ଏହି ବିବାହ ମହାରାଷ୍ଟ୍ରର ସାଙ୍ଗଲିରେ ହେବ, ଯେଉଁଠାରେ ସ୍ମୃତି ରୁହନ୍ତି।