କୋଟିପତିଙ୍କ ପୁଅ ବିବାହରେ ଯୋଗ ଦେବା ପାଇଁ ଭାରତ ଆସିବେ ଜେନିଫର ଲୋପେଜ, ଡୋନାଲ୍ଡ ଟ୍ରମ୍ପ ବି ହୋଇପାରନ୍ତି ରୟାଲ ୱେଣ୍ଡିଂରେ ସାମିଲ

ନୂଆଦିଲ୍ଲୀ: ଗ୍ଲୋବାଲ୍ ମ୍ୟୁଜିକ୍ ଷ୍ଟାର ଜେନିଫର ଲୋପେଜଙ୍କୁ ସବୁବେଳେ ଭାରତରେ ତାଙ୍କ ପ୍ରଶଂସକଙ୍କ ମଧ୍ୟରେ ଉତ୍ସାହ ରହିଛି । ରିପୋର୍ଟ ଅନୁଯାୟୀ, ଜେନିଫର ପୁଣି ଥରେ ଭାରତ ଆସି ପାରନ୍ତି । ତେବେ ଆସନ୍ତୁ ଜାଣିବା କେଉଁ ଇଭେଣ୍ଟରେ ସେ ଯୋଗ ଦେବା ପାଇଁ ଭାରତ ଆସିବେ ।

ପାପାରାଜି ପେଜ୍ "ଭାଇରାଲ୍ ଭୟାନି"ର ଏକ ପୋଷ୍ଟ ଅନୁଯାୟୀ, ଜେନିଫର ଲୋପେଜ୍ ଖୁବଶୀଘ୍ର ଭାରତ ଆସିବେ । କୁହାଯାଉଛି ଯେ ସେ ଉଦୟପୁରରେ ଏକ ରାଜକୀୟ ବିବାହରେ ଏକ ସ୍ପେଶାଲ୍ ପରଫରମାନ୍ସ ଦେବେ । ଏହି ବିବାହ ଜଣେ ଆମେରିକୀୟ ବିଲିୟୋନେୟାରଙ୍କ ପୁଅର ବୋଲି କୁହାଯାଉଛି । କନ୍ୟା ଜଣକ ମଧ୍ୟ ଆମେରିକୀୟ ବଂଶୋଦ୍ଭବ । ଏହି କାରଣରୁ ପୂରା ବିବାହ କାର୍ଯ୍ୟକ୍ରମ ଲୋକଙ୍କ ଦୃଷ୍ଟି ଆକର୍ଷଣ କରିସାରିଛି । ଏପରିକି କୁହାଯାଉଛି ଯେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ବିବାହରେ ସାମିଲ ହୋଇପାରନ୍ତି ।

ଦାବି କରାଯାଉଛି ଯେ ବିବାହରେ ଅନେକ ହାଇ-ପ୍ରୋଫାଇଲ୍ ଅତିଥି ଯୋଗ ଦେଇପାରନ୍ତି । ଏମାନଙ୍କ ମଧ୍ୟରେ ଆଉ ଏକ ବଡ଼ ନାଁ ମଧ୍ୟ ରହିଛି, ଯାହାଙ୍କ ଯୋଗଦାନ ଏହି ଇଭେଣ୍ଟକୁ ଆହୁରି ବଡ଼ କରିଦେଉଛି । ଇଭେଣ୍ଟ ଭେନ୍ୟୁରେ ସୁରକ୍ଷାକୁ ଏତେ କଡ଼ାକଡ଼ି କରାଯିବ ଯେ ମିଡିଆ ଓ ପାପାରାଜିଙ୍କ ପାଇଁ ଜେନିଫର କିମ୍ୱା ଅନ୍ୟ ଅତିଥିଙ୍କ ଗୋଟିଏ ଝଲକ ମିଳିବା ମଧ୍ୟ ଅସମ୍ଭବ ହେବ ।

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

କିଛି ମାସ ପୂର୍ବେ ଜେନିଫର ଲୋପେଜ୍ ଏକ ସାକ୍ଷାତକାରରେ କହିଥିଲେ ଯେ ସେ ଭାରତରେ ପରଫର୍ମ କରିବାକୁ ଭଲ ପାଆନ୍ତି । ତାଙ୍କ ପ୍ରଶଂସକମାନଙ୍କ ପାଇଁ ଏକ ବଡ଼ ଶୋ କରିବାକୁ ଚାହାନ୍ତି । ସେ କହିଥିଲେ ଯେ ପୂର୍ବରୁ ଭାରତରେ କିଛି ପ୍ରାଇଭେଟ୍ ଶୋ କରିଛନ୍ତି, କିନ୍ତୁ ସେ ତାଙ୍କୁ ଏକ ବଡ଼ ମଞ୍ଚରେ ଦେଖିବାକୁ ଚାହାନ୍ତି । ତେଣୁ ତାଙ୍କର ଏହି ଯାତ୍ରାକୁ ନେଇ ପ୍ରଶଂସକଙ୍କ ବେଶ ଉତ୍ସାହ ରହିଛି । ତେବେ ଯାତ୍ରା ଏବଂ କାର୍ଯ୍ୟକ୍ରମର ବିବରଣୀ ବର୍ତ୍ତମାନ ସମ୍ପୂର୍ଣ୍ଣ ଗୁପ୍ତ ରଖାଯାଇଛି । ଆୟୋଜକମାନେ କୌଣସି ଆନୁଷ୍ଠାନିକ ଘୋଷଣା କରିନାହାନ୍ତି । ଜେନିଫର ଲୋପେଜଙ୍କ ପରି ଜଣେ ଆନ୍ତର୍ଜାତୀୟ ତାରକା ଭାରତୀୟ ବିବାହରେ ଯୋଗଦେବାକୁ ଏକ ବଡ଼ କଥା ବୋଲି କୁହାଯାଉଛି ।