ନୂଆଦିଲ୍ଲୀ ୨୮।୦୩: ଆରମ୍ଭ ହୋଇଗଲାଣି ଗ୍ରୀଷ୍ମଋତୁ । ଶରୀରକୁ ଗରମ ଦିନେ ହାଇଡ୍ରେଟ୍ ରଖିବା ପାଇଁ ଲୋକମାନେ ବିଭିନ୍ନ ପ୍ରକାର ତରିକା ଆପଣାଇଥାନ୍ତି । କିନ୍ତୁ ଜାଣନ୍ତି କି ଶରୀର ପାଇଁ ବେଶ୍ ଲାଭଦାୟୀ ତରଭୁଜ । ବିଶେଷଜ୍ଞଙ୍କ ଅନୁଯାୟୀ ଗରମ ଋତୁରେ ତରଭୁଜ ଖାଇବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ।
ପୋଷକ ତତ୍ତ୍ୱରେ ଭରପୂର ଥିବା ତରଭୁଜ ଶରୀରକୁ ହାଇଡ୍ରେଟ୍ ରଖେ । ତରଭୁଜରେ ୯୦ ପ୍ରତିଶତ ଜଳ ଥାଏ । ଏଥିରେ ଫାଇବର ପୋଟାସିୟମ, କ୍ୟାଲସିୟମ, ଭିଟାମିନ୍ ଏ, ଭିଟାମିନ୍ ସି ଏବଂ ସାଇଡେରାଲାଇନ୍ ନାମକ ଏକ ଆମିନୋ ଏସିଡ୍ ଭରପୂର ଅଟେ ।
ଏହା ଶରୀରକୁ ହାଇଡ୍ରେଟ୍ ଏବଂ ସୁସ୍ଥ ରଖେ। ତରଭୁଜ ପାଣି ସହିତ ଆଣ୍ଟିଅକ୍ସିଡାଣ୍ଟ ଗୁଣରେ ଭରପୂର ଅଟେ । ଶରୀରକୁ ସୁସ୍ଥ ରଖିବାରେ ଏହା ବହୁତ ପ୍ରଭାବଶାଳୀ । ତରଭୁଜ ରସଯୁକ୍ତ । ଏହା ଆମ ଶରୀରକୁ ହାଇଡ୍ରେଟ୍ ଏବଂ ସୁସ୍ଥ ରଖେ ।
ପ୍ରତିଦିନ ଅତିକମରେ ୨୫୦ ରୁ୫୦୦ ଗ୍ରାମ ତରଭୁଜ ଖାଇବା ଉଚିତ୍ । ଏହା ପେଟ ଯନ୍ତ୍ରଣା, ଡିହାଇଡ୍ରେସନ୍, ଉଚ୍ଚ ରକ୍ତଚାପ, ଶୁଖିଲା ପାଟି, ମୁଣ୍ଡ ବୁଲାଇବା, ଓଜନ ହ୍ରାସ କରିବାରେ ସାହାଯ୍ୟ କରେ । ଏହା ଶରୀରକୁ ଉତ୍ତାପ ଦ୍ବାରା ଭାଇରାଲ୍ ସଂକ୍ରମଣରୁ ମଧ୍ୟ ରକ୍ଷା କରିଥାଏ।