ବେଙ୍ଗାଲୁରୁ ୧୯।୩: କର୍ଣ୍ଣାଟକ ବିଧାନସଭା ବୁଧବାର କେନ୍ଦ୍ରର ୱକଫ (ସଂଶୋଧନ) ବିଧେୟକ ବିପକ୍ଷରେ ପ୍ରସ୍ତାବ ଗୃହୀତ ହୋଇଛି। ଅନ୍ୟପକ୍ଷରେ ବିରୋଧୀ ବିଜେପି ବିଧାୟକମାନେ କକ୍ଷତ୍ୟାଗ କରିଛନ୍ତି। ସଦନରେ ଆଇନ ଓ ସଂସଦୀୟ ବ୍ୟାପାର ମନ୍ତ୍ରୀ ଏଚ.କେ.ପାଟିଲ ୱକଫ (ସଂଶୋଧନ) ବିଧେୟକ ବିରୋଧରେ ପ୍ରସ୍ତାବ ଉପସ୍ଥାପନ କରିଥିଲେ। ତେବେ ବିଜେପି ବିଧାୟକମାନେ ଏହାକୁ ‘ତୁଷ୍ଟିକରଣ’ ରାଜନୀତି କହିଛନ୍ତି।
ପ୍ରସ୍ତାବ ଉପସ୍ଥାପନ କରି ଆଇନ ଓ ସଂସଦୀୟ ବ୍ୟାପାରମନ୍ତ୍ରୀ କହିଥିଲେ ଯେ ଏହି ସଦନ ସର୍ବସମ୍ମତିରେ କେନ୍ଦ୍ର ସରକାରଙ୍କୁ ଆଗ୍ରହ କରୁଛି ଯେ ସେ ୱକଫ (ସଂଶୋଧନ) ବିଧେୟକ ୨୦୨୪କୁ ତୁରନ୍ତ ପ୍ରତ୍ୟାହାର କରି ଦେଶର ସର୍ବସମ୍ମତ ବିଚାରକୁ ସମ୍ମାନ ପୂର୍ବକ ତତ୍କାଳ କାର୍ଯ୍ୟାନୁଷ୍ଠାନ କରନ୍ତୁ, ଯେଉଁଥିରେ ଏପରି ସବୁ ବ୍ୟବସ୍ଥା ରହିଛି ଯାହା ସମ୍ବିଧାନର ମୂଳ ସିଦ୍ଧାନ୍ତକୁ ଉଲ୍ଲଂଘନ କରୁଛି। ତେବେ ଗୃହରେ ବିଜେପି ବିଧାୟକମାନେ ଏହାକୁ ତୁଷ୍ଟିକରଣର ପରାକାଷ୍ଠା ବୋଲି କହିଛନ୍ତି।
ବିଧାନସଭାରେ ବିରୋଧୀ ଦଳ ନେତା ଆର.ଅଶୋକ ଶାସକ କଂଗ୍ରେସ ଉପରେ ସେହି ଚାଷୀଙ୍କ ଯନ୍ତ୍ରଣା ପ୍ରତି ସରକାର ଆଖି ମୁଦି ଦେଇଛନ୍ତି ଯେଉଁମାନଙ୍କ ଜମି ରେକର୍ଡ ୱାକଫ ବୋର୍ଡ ସପକ୍ଷରେ ବଦଳାଇ ଦିଆଯାଇଥିଲା ବୋଲି ଅଭିଯୋଗ କରିଛନ୍ତି। ତେବେ ଆଇନମନ୍ତ୍ରୀ ଏଚ.କେ ପାଟିଲ ଏକ ବୟାନରେ ସଦନ ସର୍ବସମ୍ମତିରେ ୱକଫ(ସଂଶୋଧନ) ବିଧେୟକ ୨୦୨୪କୁ ଖାରଜ କରିଦେଇଥିବା କହିଛନ୍ତି। ସେ କହିଛନ୍ତି ଯେ ଏହି ବିଧେୟକ ରାଜ୍ୟବାସୀଙ୍କ ସାର୍ବଭୌମ ଆକାଙକ୍ଷାର ସମ୍ପୂର୍ଣ୍ଣ ବିପରୀତ ଓ ସେ କେନ୍ଦ୍ର ସରକାରଙ୍କୁ ବିଧେୟକ ପ୍ରତ୍ୟାହାର କରିବା ପାଇଁ ନିବେଦନ କରିଛନ୍ତି।
ପାଟିଲ କହିଛନ୍ତି ଯେ ଏହି ବିଧେୟକ ଦେଶର ସବୁ ବର୍ଗର ଲୋକଙ୍କ ଆକାଙକ୍ଷା ଓ ଅବସରକୁ ପ୍ରତିବିମ୍ବିତ କରୁ ନାହିଁ। ଏଣୁ ଏହି ଏହି ସଦନ ସର୍ବସମ୍ମତିରେ ୱକଫ ଅଧିନିୟମରେ ସଂଶୋଧନକୁ ଅସ୍ୱୀକାର କରୁଛି, କାରଣ ଏହା ଏକ ଏପରି ଅଧିନିୟମ ଯାହା କର୍ଣ୍ଣାଟକ ରାଜ୍ୟବାସୀଙ୍କ ଧର୍ମନିରପେକ୍ଷ ସିଦ୍ଧାନ୍ତର ସମ୍ପୂର୍ଣ୍ଣ ବିରୋଧୀ। ଏହା ପୂର୍ବରୁ ବରିଷ୍ଠ କଂଗ୍ରେସ ନେତା ହରିଶ ରାବତ କେନ୍ଦ୍ର ସରକାରଙ୍କ ପ୍ରସ୍ତାବିତ ୱକଫ (ସଂଶୋଧନ) ବିଧେୟକ ୨୦୨୪ ଉପରେ ଅଲ ଇଣ୍ଡିଆ ମୁସ୍ଲିମ ପର୍ସନାଲ ଲ ବୋର୍ଡ ପକ୍ଷରୁ କରାଯାଇଥିବା ଆପତ୍ତି ପ୍ରତି ସରକାର ଯତ୍ନବାନ ହେବା ସହ ନ୍ୟୁନତମ ସହମତିରେ ପହଞ୍ଚିବାକୁ ଉଦ୍ୟମ କରନ୍ତୁ ବୋଲି କହିଥିଲେ।
