କଟକ: ଦୀର୍ଘ ଦିନ ପରେ ପୁଣି ଭିଜିଛି କଟକ ସହର। ରବିବାର ଅପରାହ୍ନରେ କାଳବୈଶାଖୀ ବର୍ଷା ସାଙ୍ଗକୁ ପବନ କଟକବାସୀଙ୍କୁ ଖରାରୁ ଆଶ୍ବସ୍ତି ଆଣିଦେଇଛି। ତେବେ ଏହି କାଳବୈଶାଖୀ ଯୋଗୁଁ ସହରର ବିଭିନ୍ନ ତଳିଆ ଅଞ୍ଛଳ ଜଳମଗ୍ନ ହୋଇଥିଲା।
ଏହା ପୂର୍ବରୁ ମଧ୍ୟ ଦଶ ଦିନ ତଳେ ହୋଇଥିବା ବର୍ଷାରେ ସହରରେ ଜଳବନ୍ଦୀ ସମସ୍ୟା ସୃଷ୍ଟି ହୋଇଥିଲା। ଏପରିକି ଦୁଇ ତିନି ଦିନ ଯାଏଁ କଟକ ବାସିନ୍ଦାଙ୍କ ଘରୁ ପାଣି ଛାଡ଼ି ନଥିଲା। ବକ୍ସଡ୍ରେନରେ ଚୋକ୍ ଥିବାରୁ ବଡ଼ ନାଳରେ ପାଣି ଯିବାରେ ସମସ୍ୟା ସୃଷ୍ଟି ହୋଇଥିଲା । ଯାହା ଫଳରେ ଜଳ ବନ୍ଦୀ ହୋଇଥିଲେ କଟକ ବାସିନ୍ଦା ।
