ବାରବାଟୀ ମ୍ୟାଚ୍ ପାଇଁ ସୋମବାରଠୁ ଅନଲାଇନ୍‌ରେ ମିଳିବ ଟିକେଟ୍, ଏଥର ବିକ୍ରି ହେବ କେବଳ ୨ ହଜାର ଟିକେଟ୍‌

କଟକ ୩୦।୧୧: କଟକ ବାରବାଟୀରେ ଭାରତ ଓ ଦକ୍ଷିଣ ଆଫ୍ରିକା ଟି-୨୦ ମ୍ୟାଚ୍ ଅନୁଷ୍ଠିତ ହେବାକୁ ଯାଉଛି । ଡ଼ିସେମ୍ବର ୧ ତାରିଖରୁ ଅନଲାଇନ୍‌ରେ ବିକ୍ରି ହେବ ଟିକେଟ୍ । ଏ ନେଇ ସୂଚନା ଦେଲେ ଓସିଏ ସମ୍ପାଦକ ସଞ୍ଜୟ ବେହେରା । ଚଳିତ ମ୍ୟାଚ୍‌ରେ ଅନଲାଇନରେ କେବଳ ୨ ହଜାର ଟିକେଟ୍ ବିକ୍ରି କରାଯିବ । ପୂର୍ବ ମ୍ୟାଚ୍‌ରେ ଅନଲାଇନ୍‌ରେ ୪ ହଜାର ଟିକେଟ୍ ଥିଲା । District by Zomato ଆପ୍ରେ ଉପଲବ୍ଧ ହେବ ଅନଲାଇନ୍ ଟିକେଟ୍ । ଯେଉଁମାନେ ଅନଲାଇନ ଟିକେଟ୍ କିଣିବେ ଆସନ୍ତା ଡ଼ିସେମ୍ବର ୮ ଓ ୯ରେ କେମ୍ବ୍ରିଜ୍ ସ୍କୁଲ୍‌ରୁ ସେମାନଙ୍କ ଟିକେଟ୍ ସଂଗ୍ରହ କରିବେ । ପୂର୍ବରୁ ପ୍ରତ୍ୟେକ ସିଟ୍‌ର ବ୍ୟବଧାନ ଥିଲା ୧୯ ଇଞ୍ଚ୍ । ଏବେ ୨୨ ଇଞ୍ଚ୍ ହେଇଛି ।

ଗ୍ୟାଲେରୀ ନଂ ୧ ଓ ୩ର ଟିକେଟ୍ ମୂଲ୍ୟ ୧୧୦୦, ଗ୍ୟାଲେରୀ ନଂ ୨ ଓ ୪ର ୯୦୦, ଗ୍ୟାଲେରୀ ନଂ ୫ର ୧୨୦୦, ଗ୍ୟାଲେରୀ ନଂ ୭ର ୭୦୦, ସ୍ପେଶିଆଲ ଏନକ୍ଲୋକରର ୬୦୦୦, ଏସି ବକ୍ସର ୮୦୦୦, ନ୍ୟୁ ପ୍ୟାଭିଲିୟନ ୧୦,୦୦୦, କର୍ପୋରେଟ ବକ୍ସର ୨୦,୦୦୦ ଟଙ୍କା ରହିଛି ।