କେନ୍ଦୁଝର DSSO ଗିରଫ, ସରକାରୀ କାର୍ଯ୍ୟାଳୟରେ ଫାଇଲ୍ ଯାଞ୍ଚ କରୁଛି ଭିଜିଲାନ୍ସ ଟିମ୍

କେନ୍ଦୁଝର ୭।୧୧: ଫୋନ୍‌ ପେ’ରେ ଲାଞ୍ଚ ନେଇ ଭିଜିଲାନ୍ସ ଦ୍ବାରା ଗିରଫ ହୋଇ କୋର୍ଟ ଚାଲାଣ ହୋଇଥିବା କେନ୍ଦୁଝର ଜିଲ୍ଲା ସାମାଜିକ ସୁରକ୍ଷା ଅଧିକାରୀ ବିପ୍ଳବ କେଶରୀ ସାମନ୍ତରାୟଙ୍କ ସରକାରୀ ଅଫିସରେ ପହଞ୍ଚିଛି ଭିଜିଲାନ୍ସ ଟିମ୍ । ଶୁକ୍ରବାର ଅପରାହ୍ନରେ କଟକ ଓ କେନ୍ଦୁଝର ଭିଜିଲାନ୍ସ ବିଭାଗର ଟିମ୍ ପହଞ୍ଚି କାର୍ଯ୍ୟାଳୟରେ କମ୍ପ୍ୟୁଟର ଠାରୁ ଆରମ୍ଭ କରି ବିଭିନ୍ନ ଫାଇଲ୍ ପତ୍ର ଯାଞ୍ଚ କରୁଛି ଭିଜିଲାନ୍ସ ଟିମ୍ । ଗିରଫ ଅଧିକାରୀ କେଉଁ କେଉଁ ଏନଜିଓଙ୍କ ଠାରୁ ଓ ଆଉ କାହା କାହା ଠାରୁ କେତେ କେତେ ଟଙ୍କା ନେଇଛନ୍ତି ତାର ତନ୍ନ ତନ୍ନ କରି ଯାଞ୍ଚ କରୁଛି ଭିଜିଲାନ୍ସ ଟିମ୍ ।