ଯୁବତୀଙ୍କୁ ଗଣଦୁଷ୍କର୍ମ ! ପିସିଆର ଡ୍ରାଇଭର ସମେତ୨ ଗିରଫ, ୩ ଅଭିଯୁକ୍ତ ଏବେ ବି ଫେରାର

ରାୟପୁର: ମଣିଷର ରାକ୍ଷସ ବୁଦ୍ଧି। ରକ୍ଷକ ସାଜିଲା ଭକ୍ଷକ। ଯୁବତୀଙ୍କୁ ଟେକିନେଇ ଗଣଦୁଃଷ୍କର୍ମ। ଏଭଳି କାଣ୍ଡ ଭିଆଇଥିବା ଅଭିଯୁକ୍ତ ମଧ୍ୟରେ ଜଣେ ପୋଲିସ ବିଭାଗର ଜରୁରୀକାଳୀନ ସେବାରେ ନିୟୋଜିତ ଡ୍ରାଇଭର। ଏଭଳି ଚାଞ୍ଚଲ୍ୟକର ଘଟଣା ଘଟିଛି ଛତିଶଗଡ଼ କୋବ୍ରା ଜିଲ୍ଲାରୁ । ପୋଲିସ ଡ୍ରାଇଭର ସମେତ ୨ ଜଣଙ୍କୁ ଗିରଫ କରିଛି। ଅନ୍ୟ ୩ ଜଣ ଫେରାର ଅଛନ୍ତି।

ପୋଲିସର ସୂଚନା ଅନୁଯାୟୀ, ଗୁରୁବାର ରାତିରେ ବାଙ୍କିମୋଙ୍ଗରା ଅଞ୍ଚଳରେ ଏହି ଘଟଣା ଘଟିଛି। ଅଭିଯୁକ୍ତମାନଙ୍କ ମଧ୍ୟରୁ ଜଣେ, ଯିଏ ପୀଡିତାଙ୍କ ପରିଚିତ ଥିଲେ। ତାଙ୍କୁ ଘରୁ ଡାକି ଏକ ନିର୍ଜନ ସ୍ଥାନକୁ ନେଇଯାଇଥିଲେ। ସେଠାରେ ଡାଏଲ୍-୧୧୨ ଡ୍ରାଇଭର ସମେତ ଅନ୍ୟ ଚାରି ଜଣ ପୁରୁଷ ଅପେକ୍ଷା କରିଥିଲେ। ଅଭିଯୁକ୍ତମାନେ ତାଙ୍କ ସହିତ ପାଳି କରି ବଳାତ୍କାର କରିଥିଲେ। ଆକ୍ରମଣ ପରେ, ଅଭିଯୁକ୍ତ ଝିଅଟିକୁ ଅଚେତ ଅବସ୍ଥାରେ ଛାଡି ପଳାଇ ଯାଇଥିଲେ।

ଚେତା ଫେରିବା ପରେ ଘରକୁ ଫେରି ତାଙ୍କ ପରିବାରକୁ ସମସ୍ତ ଘଟଣା ଜଣାଇଥିଲେ। ପୀଡିତାଙ୍କ ଚିକିତ୍ସା ଚାଲିଛି। ମାମଲାଟି ପ୍ରଥମେ ସିଭିଲ୍ ଲାଇନ୍ସ ପୋଲିସ ଷ୍ଟେସନରେ ଏକ ଶୂନ୍ୟ ଏଫଆଇଆର ଭାବରେ ପଞ୍ଜିକୃତ ହୋଇଥିଲା ଏବଂ ପରବର୍ତ୍ତୀ ସମୟରେ ଅଧିକ ତଦନ୍ତ ପାଇଁ ବାଙ୍କିମୋଙ୍ଗରା ପୋଲିସ ଷ୍ଟେସନକୁ ଟ୍ରାନ୍ସଫର କରାଯାଇଥିଲା।

କୋବ୍ରା ଏସପି ସିଦ୍ଧାର୍ଥ ତିୱାରୀ କହିଛନ୍ତି ଯେ ଦୁଇ ଅଭିଯୁକ୍ତ, ଯେଉଁଥିରେ ପୋଲିସ ସହିତ ନିୟୋଜିତ ଘରୋଇ ଡ୍ରାଇଭର ମଧ୍ୟ ଅଛନ୍ତି। ଡାଏଲ୍-୧୧୨ ୟୁନିଟକୁ ଅଟକ ରଖାଯାଇଛି। ବାକି୩ ଅଭିଯୁକ୍ତଙ୍କୁ ଖୋଜିବା ପାଇଁ ଟିମ୍ ଗଠନ କରାଯାଇଛି। ଡାଏଲ୍-୧୧୨ ଡ୍ରାଇଭରଙ୍କ ସମ୍ପୃକ୍ତି ପୋଲିସ ବାହିନୀ ପାଇଁ ବଡ଼ ଲଜ୍ଜାଜନକ ଘଟଣା ସୃଷ୍ଟି କରିଛି।