ନୂଆଦିଲ୍ଲୀ ୦୯/୦୪: ଜାମ୍ମୁ-କାଶ୍ମୀର ବିଧାନସଭାରେ ହଙ୍ଗାମା । ଓ୍ୱାକଫ୍ ଆଇନ୍କୁ ନେଇ ପୁଣି ଥରେ ପ୍ରବଳ ହଟ୍ଟଗୋଳ । ଭାରତୀୟ ଜନତା ପାର୍ଟି ଓ ଆମ ଆଦମୀ ପାର୍ଟିର ବିଧାୟକଙ୍କ ମଧ୍ୟରେ ହୋହଲ୍ଲା ପରିସ୍ଥିତି । ସ୍ଥିତି ଏମିତି ହୋଇଛି ଯେ, କଥା ହାତାହାତି ଯାଏଁ ପଳେଇଛି । ଉଭୟ ପକ୍ଷର ନେତାମାନେ ପରସ୍ପର ବିରୋଧରେ ଜାରି ରଖିଥିଲେ ଆରୋପ ପ୍ରତ୍ୟାରୋପ । ଏହାସହ ନ୍ୟାସନାଲ କନଫରେନ୍ସ ବିଧାୟକମାନେ ସ୍ଲୋଗାନ ବି ଦେଇଥିଲେ । ଏନସି ବିଧାୟକମାନେ ଗୃହର ମଧ୍ୟଭାଗକୁ ଆସି ୱାକଫ ଆଇନ ଉପରେ ଆଲୋଚନା କରିବାକୁ ଦାବି କରିଥିଲେ।
ନ୍ୟାସନାଲ କନଫରେନ୍ସ ଦାବି କରିଛି ଯେ ୱାକଫ ଆଇନ ଉପରେ ଆଲୋଚନା ହେବା ଉଚିତ । ତେବେ ଭାରତୀୟ ଜନତା ପାର୍ଟିର ବିଧାୟକମାନେ ଏହାକୁ ବିରୋଧ କରିଥିଲେ । ସେମାନେ କହିଥିଲେ ଯେ ଆଲୋଚନା ହେବାକୁ ଦିଆଯାଉନି । ୱାକଫ ଆଇନ ଉପରେ ଆଲୋଚନା ପାଇଁ ଗୃହକୁ ମୁଲତବୀ ରଖିବାକୁ ମନା କରିବାରୁ ହଟ୍ଟଗୋଳ ମଧ୍ୟରେ ଜମ୍ମୁ-କାଶ୍ମୀର ବିଧାନସଭାକୁ ତିନି ଘଣ୍ଟା ପାଇଁ ମୁଲତବୀ ରଖାଯାଇଛି।
#WATCH | Jammu: AAP MLA Mehraaj Malik gets into a heated argument with PDP MLA Waheed Para inside the J&K legislative assembly. pic.twitter.com/O5AX1MO7ff
— ANI (@ANI) April 9, 2025
ସେପଟେ ବିଧାନସଭା ବାହାର ପ୍ରବେଶ ପଥରେ ବିଜେପି ଓ ଆପ ବିଧାୟକଙ୍କ ମଧ୍ୟରେ ଝଗଡ଼ା ହୋଇଥିଲା । ଏହି ସମୟରେ, ଠେଲାପେଲି ଓ ହାତାହାତି ହୋଇଥିଲା। ବିଧାନସଭା ଭିତରେ ଆପ୍ ନେତାମାନେ ବିବାଦୀୟ ମନ୍ତବ୍ୟ ଦେଉଥିବାର ବିଜେପି ନେତାମାନେ ଅଭିଯୋଗ କରିଛନ୍ତି । ବିଜେପି ବିଧାୟକମାନେ କହିଛନ୍ତି ଯେ ଗଣମାଧ୍ୟମ ସହ କଥାବାର୍ତ୍ତା ସମୟରେ ସେମାନେ ହିନ୍ଦୁମାନଙ୍କ ବିରୋଧରେ ଅପମାନଜନକ ଭାଷା ବ୍ୟବହାର କରୁଥିଲେ । ବିଧାନସଭା କାର୍ଯ୍ୟ ଦେଖିବାକୁ ଆସିଥିବା ପିଡିପି କର୍ମୀମାନେ ମୁଫତି ମହମ୍ମଦ ସୟିଦଙ୍କ ଉପରେ ବିବାଦୀୟ ମନ୍ତବ୍ୟକୁ ନେଇ ଆପ ବିଧାୟକଙ୍କ ସହ ମଧ୍ୟ ଧସ୍ତାଧସ୍ତି କରିଥିଲେ।
