ତେହରାନ : ଇସ୍ରାଏଲ ଓ ଇରାନରେ ଜାରି ଉତ୍ତେଜନା ପୂର୍ଣ୍ଣ ଯୁଦ୍ଧର ଆକାର ନେଇ ଚାଲିଛି। ଇସ୍ରାଏଲ ଇରାନର ସୁପ୍ରିମ ଲିଡ୍ର ଅଲୀ ଖାମେନିଙ୍କ ନିପାତ କଥା କହୁଛି, ଯେଉଁଥି ପାଇଁ ସେ ବଙ୍କରରେ ଲୁଚି ଯାଇଛନ୍ତି। ଏହି ମଧ୍ୟରେ ଖାମେନି କଥିତ ଭାବେ ତିନି ଜଣ ଧର୍ମଗୁରୁଙ୍କୁ ସମ୍ଭାବିତ ଉତ୍ତରାଧିକାରୀ ଭାବେ ବାଛିଛନ୍ତି। ସବୁଠୁ ଜାଣିବା କଥା ଏହା ଯେ, ପ୍ରଥମ ରିପୋର୍ଟର ବିପରୀତ, ଅଧିକାରୀମାନେ କହିଛନ୍ତି ଯେ, ଅଲୀ ଖାମେନିଙ୍କ ପୁଅ ମୋଜତବାଙ୍କୁ ତାଙ୍କର ଉତ୍ତରାଧିକାରୀ ଭାବେ ବାଛିଥିବା ଧର୍ମଗୁରୁଙ୍କ ମଧ୍ୟରେ ସାମିଲ କରାଯାଇ ନାହିଁ –ଯେବେ ବି ପୂର୍ବରୁ ଦାବି କରାଯାଇ ଥିଲା ଯେ ତାଙ୍କୁ ଏହି ଭୂମିକା ପାଇଁ ପ୍ରସ୍ତୁତ କରାଯାଉଛି। ଇରାନୀ ଅଧିକାରୀଙ୍କ ଅନୁସାରେ , ୮୬ ବର୍ଷିୟ ଖାମେନି ଏହି ସମ୍ଭାବନାରେ ଅବଗତ ଯେ ଇସ୍ରାଏଲ ବା ଆମେରିକା ତାଙ୍କର ହତ୍ୟା କରିବାକୁ ଚେଷ୍ଟା କରିପାରେ।
ନ୍ୟୁୟର୍କ ଟାଇମ୍ସ ଏହି ଘଟଣାକ୍ରମ ସହ ପରିଚିତ ତିନି ଜଣ ଇରାନୀ ଅଧିକାରୀଙ୍କ ଉଦ୍ଧୃତ ଦେଇ କହିଛି , ଅୟାତୁଲ୍ଲା ଅଲୀ ଖାମେନି ଇସ୍ରାଏଲୀୟ ହମଲାରେ ମରିଥିବା ବରିଷ୍ଠ ସେନା କମାଣ୍ଡରଙ୍କ ସ୍ଥାନରେ ନୂଆ ଲୋକଙ୍କୁ ନିଯୁକ୍ତି ଆରମ୍ଭ କରିଛନ୍ତି।
ଏହି ବିପଦକୁ ନଜରରେ ରଖି ଖାମେନି ବିଶେଷଜ୍ଞଙ୍କ ସଭା – ଇରାନର ଆଗାମୀ ସର୍ବୋଚ୍ଚ ନେତାଙ୍କ ଚୟନ କରିବା ପାଇଁ ଦାୟୀ ସଂସ୍ଥାକୁ ଦ୍ରୁତ ଗତିରେ କାମ କରିବା ଓ ତାଙ୍କ ଦ୍ୱାରା ବ୍ୟକ୍ତିଗତ ଭାବେ ଆଗରେ ରଖାଯାଇ ଥିବା ତିନୋଟି ନାଁ ମଧ୍ୟରୁ ଜଣେ ଉତ୍ତରାଧିକାରୀ ବାଛିବାକୁ ନିର୍ଦ୍ଦେଶ ଦେବାର ଦୁର୍ଲଭ ପଦକ୍ଷେପ ନେଇଛନ୍ତି। ସାଧାରଣ ପରିସ୍ଥିତିରେ , ନୂଆ ସର୍ବୋଚ୍ଚ ନେତାଙ୍କ ନିଯୁକ୍ତି ପ୍ରକ୍ରିୟାରେ ମାସ ମାସ ଲାଗି ପାରେ, ଯେଉଁଥିରେ ଗଭୀର ବିଚାର ବିମର୍ଶ ଓ ଅନେକ ପ୍ରାର୍ଥୀ ସାମିଲ ହୋଇ ଥାନ୍ତି। କିନ୍ତୁ ଏବେ ଯେତେବେଳେ ଦେଶ ଯୁଦ୍ଧ ସ୍ଥିତିରେ ଅଛି , ତ ଅଧିକାରୀମାନେ କହିଛନ୍ତି କି ଖାମେନି ଇସଲାମିକ ଗଣରାଜ୍ୟ ଓ ନିଜର ଐତିହ୍ୟ ଉଭୟର ସୁରକ୍ଷା ପାଇଁ ଏକ ଦ୍ରୁତ ପ୍ରକ୍ରିୟା ସୁନିଶ୍ଚିତ କରିବାକୁ ଚାହାନ୍ତି।
