ନୂଆଦିଲ୍ଲୀ: ଭୟଙ୍କର ହେଉଛି ଇସ୍ରାଏଲ ଏବଂ ଇରାନ ଯୁଦ୍ଧ। ପରସ୍ପରର ଅଞ୍ଚଳ ଉପରେ ମିଶାଇଲ ଆକ୍ରମଣ କରିଛନ୍ତି। ଇସ୍ରାଏଲ ଇରାନର ପ୍ରତିରକ୍ଷା ମନ୍ତ୍ରଣାଳୟକୁ ଟାର୍ଗେଟ କରିଥିବା ଦାବି କରିଛି। ଇରାନର ଅନେକ ବଡ଼ ତୈଳ ଡିପୋ ଏବଂ ଗ୍ୟାସ ରିଫାଇନାରୀ ଉପରେ ମିଶାଇଲ ମାଡ଼ କରିଛି ଇସ୍ରାଏଲ।

ସକାଳେ ସାଇରନ ଶବ୍ଦରେ ଥରି ଉଠିଥିଲା ଇସ୍ରାଏଲ ଏବଂ ଇରାନର ପ୍ରମୁଖ ସହର। ଜେରୁଜେଲମ ଏବଂ ତେଲ ଅଭିଭ ଭଳି ବଡ଼ ସହରରେ ସାଇରନ ଲଗାତାର ବାଜୁଛି। ଇରାନ ଲଗାତାର ତେଲ ଅଭିଭ ଉପରେ ଆକ୍ରମଣ କରୁଛି। ଇରାନ ଉପରେ ଆକ୍ରମଣକୁ ତୀବ୍ର କରିବାକୁ କହିଛନ୍ତି ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ। ଇରାନର ସମସ୍ତ ପରମାଣୁ ୟୁନିଟକୁ ସମ୍ପୂର୍ଣ୍ଣ ଧ୍ୱଂସ କରିବାକୁ ଲକ୍ଷ୍ୟ ରଖିଛି ଇସ୍ରାଏଲ। ଇରାନରେ ୫ଟି ବଡ଼ ପରମାଣୁ ପ୍ଲାଣ୍ଟ ଅଛି। ଏଥିରେ ଫୋର୍ଡୋ, ଖୋଣ୍ଡାବ, ନାଟାଞ୍ଜ, ଇସଫାହାନ ଏବଂ ବୁଶେହ ରହିଛି। ଇରାନ ସମ୍ପୂର୍ଣ୍ଣ ଯୋଜନା ସହିତ ଇରାନର ମେରୁଦଣ୍ଡ ଉପରେ ଆକ୍ରମଣ କରୁଛି। 

ପ୍ରଥମେ ଇରାନର ଅନେକ ପରମାଣୁ ପ୍ଲାଣ୍ଟ ଉପରେ ଆକ୍ରମଣ କରିବା ପରେ, ଏବେ ଇରାନର ତୈଳ ଡିପୋ ଏବଂ ଗ୍ୟାସ ରିଫାଇନାରୀକୁ ଟାର୍ଗେଟ କରୁଛି। ରାଜଧାନୀ ତେହେରାନ ନିକଟରେ ଶାହରାନ ତୈଳ ଡିପୋକୁ ଟାର୍ଗେଟ କରାଯାଇଛି। ପୂର୍ବରୁ, ବୁଶେହର ସହର ନିକଟରେ ଏକ ଗ୍ୟାସ କ୍ଷେତ୍ର ଏବଂ ଆବାଦାନରେ ଏକ ତୈଳ ରିଫାଇନାରୀ ଉପରେ ମଧ୍ୟ ଆକ୍ରମଣ କରାଯାଇଥିଲା। ଇରାନର ଏକ ବନ୍ଦର ଉପରେ ମଧ୍ୟ ଆକ୍ରମଣ ହୋଇଥିବା ରିପୋର୍ଟ ରହିଛି।

ଇରାନର ବୁଶେହରରେ ଥିବା ଫଜର୍ ଗ୍ୟାସ ରିଫାଇନାରୀ ଉପରେ ଇସ୍ରାଏଲ ଆକ୍ରମଣ କରିଛି। ଏହାକୁ ବିଶ୍ୱର ସର୍ବବୃହତ ପ୍ରାକୃତିକ ଗ୍ୟାସ ସଂରକ୍ଷଣ ମଧ୍ୟରେ ଗଣନା କରାଯାଏ। ଏହି ରିଫାଇନାରୀ ପ୍ରତିଦିନ 125 ନିୟୁତ ଘନ ମିଟର ଗ୍ୟାସ ପ୍ରକ୍ରିୟାକରଣ କରେ।

ଇସ୍ରାଏଲୀ ଆକ୍ରମଣରେ ପ୍ରାୟ ନଅ ଜଣ ପରମାଣୁ ବୈଜ୍ଞାନିକ ଏବଂ ଅନେକ ଶୀର୍ଷ ଇରାନୀ କମାଣ୍ଡର ସାମିଲ ଅଛନ୍ତି। ଆହତଙ୍କ ସଂଖ୍ୟା ମଧ୍ୟ ୩୦୦ରୁ ଅଧିକ ବୋଲି କୁହାଯାଉଛି। ଇସ୍ରାଏଲର ଆକ୍ରମଣକୁ ଦୃଷ୍ଟିରେ ରଖି ଇରାନ ଅନେକ ରାଜ୍ୟରେ ଏହାର ବାୟୁ ପ୍ରତିରକ୍ଷା ବ୍ୟବସ୍ଥାକୁ ସକ୍ରିୟ କରିଛି।