ନୂଆଦିଲ୍ଲୀ: ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ଚରମରେ ପହଞ୍ଚିଛି। ଗୁରୁବାର ରାତିରେ ପାକିସ୍ତାନ ଜମ୍ମୁ, ପଠାନକୋଟ ସମେତ ଅନେକ ସହର ଉପରେ ମିସାଇଲରେ ହମଲା କରିଛି। କିନ୍ତୁ ଭାରତର ଏୟାର ଡିଫେନ୍ସ ସିଷ୍ଟମ ଏସ-୪୦୦ ମିସାଇଲକୁ ଆକାଶରେ ମାରି ଖସାଇଛି। ଏହି ସମୟରେ ଭାରତୀୟ ସେନା ପାକିସ୍ତାନର ଗୋଟିଏ ଏଫ-୧୬ ଲଢୁଆ ବିମାନ ଓ ଦୁଇଟି J -17 ବିମାନକୁ ଧ୍ଵଂସ କରିଛି। ପାକିସ୍ତାନର ପ୍ରତିଟି ଦୁଃସାହସର ମୁହଁତୋଡ଼ ଜବାବ ଦେଉଛି ଭାରତ।
ଭାରତୀୟ ସେନାର ଆଧୁନିକ ଏୟାର ଡିଫେନ୍ସ ସିଷ୍ଟମ ଏସ-୪୦୦ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ପାକିସ୍ତାନ ପକ୍ଷରୁ ମାଡ଼ କରାଯାଇଥିବା ୮ ମିସାଇଲକୁ ଆକାଶ ମାର୍ଗରେ ମାରି ନଷ୍ଟ କରି ଦେଇଛି। ସେନା ସୂତ୍ର ଅନୁଯାୟୀ, ଏହି ମିସାଇଲର ଟାର୍ଗେଟ୍ରେ ଜମ୍ମୁର ଏୟାରଷ୍ଟ୍ରିପ୍ ରହିଥିଲା। ମାତ୍ର ସଠିକ ସମୟରେ ଭାରତର ଏୟାର ଡିଫେନ୍ସ ସିଷ୍ଟମ ମିସାଇଲକୁ ନିଷ୍ପ୍ରଭ କରିଛି। ଏହି ସମୟରେ ଏସ-୪୦୦ ପାକିସ୍ତାନର ତିନୋଟି ଲଢୁଆ ଜେଟ୍କୁ ମାରି ଖସାଇ ଦେଇଛି। ପାକିସ୍ତାନୀ ଜେଟ୍ ଭାରତୀୟ ବାୟୁ ସୀମାରେ ପ୍ରବେଶ କରିବାକୁ ଉଦ୍ୟମ କରିବା ସମୟରେ ଭାରତ ଏହି କାର୍ଯ୍ୟାନୁଷ୍ଠାନ ନେଇଛି।
