ହ୍ୱାଟସଆପର ସବୁଠାରୁ ବଡ଼ ଡାଟା ଲିକ୍, ମେଟାର ଗୋଟିଏ ଭୁଲ୍ ୩.୫ ବିଲିୟନ ୟୁଜର୍ଙ୍କୁସ ପକାଇଲା ବିପଦରେ

ନୂଆଦିଲ୍ଲୀ ୨୦/୧୧: ୩୫୦ କୋଟ ହ୍ଵାଟ୍ସଆପ୍ ୟୁଜରଙ୍କ ଡାଟା ବିପଦରେ । ଆମ ଦୈନନ୍ଦିନ ଜୀବନରେ ହ୍ଵାଟ୍ସଆପ୍ ଏକ ପ୍ରମୁଖ ଅଂଶ ପାଲଟିଛି । ଏଭଳି କ୍ଷେତ୍ରରେ ଏହି ଆପରେ ଡାଟା ନିରାପତ୍ତାକୁ ନେଇ ଉଠିଛି ପ୍ରଶ୍ନ । ଏକ ରିପୋର୍ଟରୁ ଜଣାପଡ଼ିଛି ଯେ, ୩୫୦ କୋଟିରୁ ଅଧିକ୍ ହ୍ବାଟ୍ସ ଆପ୍ ୟୁଜରଙ୍କ ଫୋନ୍ ନମ୍ବର ଏବେ ବିପଦରେ। ଏକ ବଡ଼ ନିରାପତ୍ତାଜନିତ ତ୍ରୁଟି କାରଣରୁ ୟୁଜରଙ୍କ ପ୍ରୋଫାଇଲ ଫଟୋ, ଷ୍ଟାଟସ୍ ଏବଂ ଆବାଉଟ୍ ସେକ୍ସନ୍ ର ବିବରଣୀ ଲିକ୍ ହୋଇପାରେ।

ଭିଏନା ୟୁନିଭର୍ସିଟିର ଗବେଷକମାନେ ଏହି ତ୍ରୁଟିକୁ ଚିହ୍ନଟ କରିଛନ୍ତି। ଗବେଷକଙ୍କ ମୁତାବକ, ଏହି ତ୍ରୁଟି ଯେଗୁ ଯେକୌଣସି ନମ୍ବରକୁ ଚେକ୍ କରି ଜଣାପଡ଼ିଯାଇଥାଏ ଯେ, ଏହା କ୍ୱାଟ୍ସ ଆପ୍ ରେ ସଚଳ ଅଛି ଅବା ନୁହେଁ । ଏହାପରେ ପ୍ରୋଫାଇଲ ପିକ୍ ଚର, ଷ୍ଟାଟସ୍ ଏବଂ ଆବାଉଟ୍ ସେକ୍ସନ ବିବରଣୀ ସହଜରେ ବାହାର କରା ଯାଇପାରିବ। ଏହାର ଅପବ୍ୟବହାର କରାଯାଇପାରେ। ଗବେଷକମାନେ କୁହନ୍ତି ଯେ, ସମସ୍ୟା ହ୍ଵାଟ୍ ସ ଆପ୍ ର କଣ୍ଟାକ୍ଟ ଡିସ୍ କଭରୀ ଫିଚର୍ ରେ ରହିଛି।

ୟୁଜରଙ୍କ ଫୋନ୍ ଆଡ୍ରେସ ବ୍ଲକ୍ କୁ ସିଙ୍କ୍ କରି ଲୋକଙ୍କୁ ଖୋଜିବା ସହଜ ହେବ, ସେଥିପାଇଁ ଏହି ଫିଚରକୁ ପ୍ରସ୍ତୁତ କରାଯାଇଥିଲା। କିନ୍ତୁ ଅଜାଣତରେ ଏହା ୟୁଜର ଡାଟାକୁ ବଡ଼ ଆକାରରେ ଚୋରି କରିବାର ଫାଟକ ଖୋଲିଦେଇଛି। ଭାରତରେ ୭୪.୯ କୋଟି ହ୍ଵାଟ୍ସଆପ୍ ୟୁଜର ଅଛନ୍ତି । ଇଣ୍ଡୋନେସିଆର ୨୩.୫ କୋଟି, ବ୍ରାଜିଲ୍ ର ୨୦.୭ କୋଟି, ଆମେରିକାର ୧୩.୮ କୋଟି ଏବଂ ରୁଷର ୧୩.୩ କୋଟି ଆକାଉଣ୍ଟ ରହିଛି।