ବ୍ରାଜିଲର ପୂର୍ବତନ ରାଷ୍ଟ୍ରପତିଙ୍କ ବଢିଲା ଅଡୁଆ, ୨୭ ବର୍ଷର ଜେଲ୍‌ ଦଣ୍ଡାଦେଶ ଶୁଣାଇଲେ ସୁପ୍ରିମକୋର୍ଟ

ନୂଆଦିଲ୍ଲୀ ୨୬/୧୧: ବ୍ରାଜିଲର ପୂର୍ବତନ ରାଷ୍ଟ୍ରପତି ବୋଲସୋନାରଙ୍କୁ ୨୭ ବର୍ଷ ଜେଲ୍‌ ଦଣ୍ଡାଦେଶ । ୨୭ ବର୍ଷର ଜେଲ୍‌ ଦଣ୍ଡାଦେଶ ଶୁଣାଇଲେ ବ୍ରାଜିଲ ସୁପ୍ରିମକୋର୍ଟ । ୨୦୨୨ ନିର୍ବାଚନରେ ପରାଜୟ ସତ୍ତ୍ବେ କ୍ଷମତା ଛାଡ଼ିବାକୁ ଚାହୁଁ ନ ଥିଲେ । ସାମରିକ ଶକ୍ତି ପ୍ରୟୋଗ କରି କ୍ଷମତା ରଖିବା ଷଡ଼ଯନ୍ତ୍ର ମାମଲାରେ ଦୋଷୀ । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଜଣେ ଦୃଢ଼ ସମର୍ଥକ ବୋଲସୋନାର । ବୋଲସୋନାରୋ ୨୦୧୯ ରୁ ୨୦୨୨ ପର୍ଯ୍ୟନ୍ତ ବ୍ରାଜିଲର ରାଷ୍ଟ୍ରପତି ଥିଲେ। 

ବୋଲସୋନାରୋଙ୍କୁ ଶନିବାର, ନଭେମ୍ବର ୨୨, ୨୦୨୫ରେ ସଂଘୀୟ ପୋଲିସ ଗିରଫ କରିଥିଲା । ଯେତେବେଳେ ସେ ଦଣ୍ଡରୁ ରକ୍ଷା ପାଇବା ପାଇଁ ପଳାୟନ କରିବାକୁ ଷଡ଼ଯନ୍ତ୍ର କରୁଥିଲେ । ବୋଲସୋନାରୋଙ୍କ ନାମ ନନେଇ, ପୋଲିସ ବିବୃତ୍ତିରେ ସ୍ପଷ୍ଟ କରିଥିଲା ଯେ, ବ୍ରାଜିଲର ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ କାର୍ଯ୍ୟ ହୋଇଛି । ବ୍ରାଜିଲର ଫେଡେରାଲ ପୋଲିସ ଏବଂ ସୁପ୍ରିମକୋର୍ଟ ଏହି ମାମଲାରେ ଆଉ କୌଣସି ସୂଚନା ଦେଇ ନାହାନ୍ତି। ବୋଲସୋନାରୋଙ୍କ ସହଯୋଗୀ ଆଣ୍ଡ୍ରେଲି ସିରିନୋ କହିଥିଲେ ଯେ, ଶନିବାର ସକାଳ ପ୍ରାୟ ୬ଟାରେ ବୋଲସୋନାରୋଙ୍କୁ ଗିରଫ କରାଯାଇଛି ।

୨୦୨୨ ନିର୍ବାଚନରେ ହାରିବା ପରେ ବୋଲସୋନାରୋ ଏକ ବିଦ୍ରୋହ କରିବାକୁ ପ୍ରୟାସ କରିଥିଲେ । ଏଥି ପାଇଁ ସୁପ୍ରିମକୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ। ସେପ୍ଟେମ୍ବରରେ ବୋଲସୋନାରୋଙ୍କୁ ୨୭ ବର୍ଷ ଜେଲଦଣ୍ଡ ଦିଆଯାଇଥିଲା। ସ୍ଥାନୀୟ ଗଣମାଧ୍ୟମ ପୂର୍ବରୁ ରିପୋର୍ଟ କରିଥିଲା ଯେ, ୭୦ ବର୍ଷୀୟ ନେତା ସମସ୍ତ ଆବେଦନ ସମାପ୍ତ କରି ଆସନ୍ତା ସପ୍ତାହରେ ତାଙ୍କ ଦଣ୍ଡାଦେଶ ପାଳନ କରିବାକୁ ସ୍ଥିର କରିଥିଲେ। ଗତ ଅଗଷ୍ଟରେ ତାଙ୍କୁ ଗୃହବନ୍ଦୀ କରାଯାଇଥିଲା ।