ନୂଆଦିଲ୍ଲୀ ୦୭/୦୫: ଆତଙ୍କବାଦ ବିରୋଧରେ କଡ୍ଡା କାର୍ଯ୍ୟାନୁଷ୍ଠାନ । ଜବାବ ଦେଇ ଭାରତୀୟ ସେନା ପାକିସ୍ତାନରେ ୯ଟି ଆତଙ୍କବାଦୀ ଘାଟି ଉପରେ ବିମାନ ଆକ୍ରମଣ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପରାମର୍ଶ ଅନୁଯାୟୀ ଏହି କାର୍ଯ୍ୟକୁ 'ଅପରେସନ୍ ସିନ୍ଦୂର' ନାମ ଦିଆଯାଇଛି । ପହଲଗାମରେ ହୋଇଥିବା ଆକ୍ରମଣରେ ଆତଙ୍କବାଦୀମାନେ ପୁରୁଷମାନଙ୍କୁ ଟାର୍ଗେଟ କରିଥିଲେ । ଯେଉଁଥିରେ ଅନେକ ମହିଳାଙ୍କ ମଥାରୁ ଲିଭିଥିଲା ସିନ୍ଦୂର । ଯାହାକୁ ଦୃଷ୍ଟିରେ ରଖି ଭାରତ ନେଇଥିଲା ପ୍ରତିଶୋଧ । ଯାହାର ନାମ ରଖାଯାିଥିଲା 'ଅପରେସନ୍ ସିନ୍ଦୂର' ।
ଏହି ମିସନର ନାମ ଥିଲା "ଅପରେସନ୍ ସିନ୍ଦୂର" । ଯାହା କେବଳ ଶତ୍ରୁ ପାଇଁ ଏକ ଚେତାବନୀ ନୁହେଁ ବରଂ ଭାରତୀୟ ମହିଳାଙ୍କ ବୀରତ୍ୱ, ତ୍ୟାଗ ଓ ଯନ୍ତ୍ରଣାର ପ୍ରତୀକ। ପ୍ରତିରକ୍ଷା ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଏହି ନାମ ପଛରେ ଏକ ଗଭୀର ମାନବୀୟ ଭାବନା ରହିଛି। ପ୍ରକୃତରେ, ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ, ହନିମୁନ୍ ପାଇଁ ଉପତ୍ୟକାକୁ ଆସିଥିବା ଅନେକ ନବବିବାହିତା ଦମ୍ପତି ଟାର୍ଗେଟରେ ଆସିଥିଲେ।
ଏହି ଆକ୍ରମଣ ଅନେକ ନବବିବାହିତା ମହିଳାଙ୍କ ମୁଣ୍ଡରୁ ସିନ୍ଦୂର ଲିଭାଇଦେଇଥିଲା । ପ୍ରତ୍ୟୁତ୍ତରରେ ସବୁଠୁ ବଡ କଥା, ଅପରେସନ ସିନ୍ଦୂର ନାମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦିଆଯାଇଥିବା ନେଇ ସୂଚନା ମିଳୁଛି । ପହଲାଗାମରେ ଆକ୍ରମଣ ପରେ ଦିନ ରାତି ଏନେଇ ବିଭିନ୍ନ ବିଭାଗର ମୁଖ୍ୟଙ୍କ ସହ ଘନଘନ ବୈଠକ କରି ଚିନ୍ତା ପ୍ରକାଶ କରିଥିଲେ ପ୍ରଧାନମନ୍ତ୍ରୀ ।
୧୬ ଏପ୍ରିଲରେ ବିବାହ କରିଥିବା ଗୁରୁଗ୍ରାମର ହିମାଂଶୀ ନରୱାଲ ତାଙ୍କ ସ୍ୱାମୀ ଲେଫ୍ଟନାଣ୍ଟ ବିନୟ ନରୱାଲଙ୍କ ସହ ହନିମୁନରେ ଯାଇଥିଲେ। ଆତଙ୍କବାଦୀମାନେ ଧର୍ମ ପଚାରି ବିନୟଙ୍କୁ ଗୁଳି କରିଥିଲେ। ହିମାଂଶୀ କହିଥିଲେ, "ମୁଁ ମଥାରେ ସିନ୍ଦୂର ଭରି ଘରେ ବିଦା ହୋଇଥିଲି । କିନ୍ତୁ ମୋଠାରୁ ସବୁକିଛି ଛଡ଼ାଇ ନିଆଯାଇଥିଲା। ଏହି ଆତଙ୍କବାଦୀ ଆକ୍ରମଣରେ ଅଞ୍ଜଳିଙ୍କ ସ୍ୱାମୀ ବିବେକ ଠାକୁର ଓ ସ୍ନେହାଙ୍କ ସ୍ୱାମୀ ଅମିତ ପାଟିଲ ମଧ୍ୟ ସହିଦ ହୋଇଥିଲେ। ସ୍ନେହାର କରୁଣ ଚିତ୍କାର ଥିଲା, "ଆତଙ୍କବାଦୀମାନେ ଆମଠାରୁ ସବୁକିଛି ଛଡ଼ାଇ ନେଇଗଲେ।"
