indw vs sa world cup final: ଟସ୍ ଜିତି ଦ. ଆଫ୍ରିକାର ବୋଲିଂ ନିଷ୍ପତ୍ତି, ଭାରତ କରିବ ବ୍ୟାଟିଂ

ନଭି ମୁମ୍ବାଇ: ବର୍ଷା ବାଧାପ୍ରାପ୍ତ ମହିଳା ଦିନିକିଆ ବିଶ୍ଵକପ୍ ଫାଇନାଲ୍ ମ୍ୟାଚ୍‌ରେ ବିଳମ୍ବରେ ଟସ୍ ପଡ଼ିଛି। ଟସ୍ ଜିତି ଦକ୍ଷିଣ ଆଫ୍ରିକା ବୋଲିଂ କରିବାକୁ ନିଷ୍ପତ୍ତି ନେଇଛି। ଆଉ ପ୍ରଥମେ ବ୍ୟାଟିଂ କରିବ ଭାରତୀୟ ମହିଳା ଦଳ। ଭାରତ ତୃତୀୟ ଥର ଫାଇନାଲ୍ ଖେଳୁଥିବା ବେଳେ ଦକ୍ଷିଣ ଆଫ୍ରିକା ପ୍ରଥମ ଥର ଫାଇନାଲରେ ପ୍ରବେଶ କରିଛି। ପ୍ରଥମ ଥର ଅଷ୍ଟ୍ରେଲିଆ ଓ ଇଂଲଣ୍ଡ ବିନା ଟାଇଟଲ୍ ମୁକାବିଲା ହେଉଛି। ଭାରତୀୟ ଦଳର ଚୂଡ଼ାନ୍ତ ଏକାଦଶରେ କୌଣସି ପରିବର୍ତ୍ତନ ହୋଇନି।

ଭାରତୀୟ ଦଳ

 ସ୍ମୃତି ମନ୍ଧାନା, ଶେଫାଳି ବର୍ମା, ଜେମିମା ରଡ୍ରିଗ୍ସ, ହରମନପ୍ରୀତ କୌର(ଅଧିନାୟକ), ଦୀପ୍ତି ଶର୍ମା, ଋଚା ଘୋଷ(ଓ୍ଵିକେଟ୍ କିପର), ଅମନଜୋତ କୌର, ରାଧା ଯାଦବ, କ୍ରାନ୍ତି ଗୌଡ଼, ଶ୍ରୀ ଚରଣୀ, ରେଣୁକା ସିଂ ଠାକୁର

ଦକ୍ଷିଣ ଆଫ୍ରିକା

ଲୌରା ଓ୍ଵାଲଭାର୍ଟ(ଅଧିନାୟକ), ତଜମିନ ବ୍ରିଟ୍ସ, ଅନେକେ ବୋଶ, ସୁନେ ଲୁସ, ମାରିଜାନେ କାପ, ସିନାଲୋ ଜ ଜାଫତା(ଓ୍ଵିକେଟ୍ କିପର), ଆନିଏ ଡାର୍କସେନ, ଚୋଲେ ଟ୍ରିଅନ, ନାଦିନେ ଡି କ୍ଲର୍କ, ଆୟବୋଙ୍ଗା ଖାକା, ନନକୁଲୁଲେକୋ ମ୍ଲାବା।

ଚଳିତ ବିଶ୍ବକପରେ ଏହି ଦୁଇ ଟିମ୍ ଦ୍ୱିତୀୟ ଥର ପାଇଁ ମୁହାଁମୁହିଁ ହେବେ । ପୂର୍ବରୁ ଲିଗ୍ ପର୍ଯ୍ୟାୟରେ ଦକ୍ଷିଣ ଆଫ୍ରିକା ମହିଳା ଟିମ୍ ଭାରତରୁ ୩ ଓ୍ୱିକେଟରେ ପରାସ୍ତ କରିଥିଲା । ହେଲେ ଆଜିର ମୁକାବିଲାରେ ଭାରତୀୟ ଟିମ୍ ଆତ୍ମବିଶ୍ବାସରେ ଭରପୁର ରହିଛି । କାରଣ ଦଳ ସେମିରେ ଶକ୍ତିଶାଳୀ ଅଷ୍ଟ୍ରେଲିଆ ବିପକ୍ଷରେ ଦମଦାର୍ ବିଜୟ ହାସଲ କରି ଇତିହାସ ରଚିଥିଲା ।

କ୍ରିକେଟ୍ ବିଶେଷଜ୍ଞଙ୍କ କହିବା କଥା ହେଲା, ମ୍ୟାଚ୍ କେଉଁ ଆଡକୁ ଢଳିବ ତାହା ୫ ଜଣ ପ୍ଲେୟାରଙ୍କ ହାତରେ ରହିଛି । ଯଦି ଭାରତ ନୂଆ ବଲରେ ଚାପ ପକାଇବାରେ ସଫଳ ହୁଏ ଏବଂ ଜେମିମା ରୋଡିଙ୍ଗସ୍ ଓ ସ୍ମୃତି ମନ୍ଦାନାଙ୍କ ବ୍ୟାଟ୍ ଚାଲିଲେ ଦଳ ନିଶ୍ଚୟ ବିଜୟ ଲାଭ କରିବ । ଅନ୍ୟ ଦିଗରେ ଦକ୍ଷିଣ ଆଫ୍ରିକାର ଲୋରା ବୋଲବର୍ଡ ଏବଂ ନାଦିନ୍ ଡିକ୍ଲକ୍ ଭଲ ଫର୍ମରେ ଅଛନ୍ତି । ସେମାନେ ଭାରତକୁ କଡା ଚ୍ୟାଲେଂଜ୍ ଦେଇପାରନ୍ତି ।

ଭାରତୀୟ ପାଓ୍ୱାର ପ୍ଲେ ବୋଲିଂ ବନାମ୍ ଦକ୍ଷିଣ ଆଫ୍ରିକାର ଟପ୍ ଅର୍ଡର୍

ଅକ୍ଟୋବର ୯ ତାରିଖରେ ଦୁଇ ଦଳ ପ୍ରଥମେ ଲିଗ୍ ମୁକାବିଲାରେ ମୁହାଁମୁହିଁ ହୋଇଥିଲେ । ଭାରତୀୟ ବୋଲର ପ୍ରଥମ ସେସନରେ ଚାପ ପକାଇବାରେ ସଫଳ ହୋଇଥିଲେ । ୧୮ ରନରେ ଦୁଇ ଓ୍ୱିକେଟ୍ ହରାଇଥିଲା ଟିମ୍ । ଫାଇନାଲରେ ମଧ୍ୟ ଟିମ୍ ଏପରି କିଛି କରିବ ବୋଲି ଆଶା କରାଯାଉଛି । ଟିମ୍ ଇଣ୍ଡିଆ ପାଇଁ ଲୋରା ବୋଲବର୍ଡ ଏବଂ ତାଜମିନ୍ ବ୍ରିଟସଙ୍କ ଓ୍ୱିକେଟ୍ ଅଧିକ ଗୁରୁତ୍ୱପୂର୍ଣ୍ଣ ରହିବ । କାରଣ ଲୋରା ଟୁର୍ଣ୍ଣାମେଣ୍ଟରେ ସର୍ବାଧିକ ୪୭୦ ରନ୍ କରିଛନ୍ତି । ଭାରତୀୟ ବୋଲର ରେଣୁକା ସିଂ ଠାକୁର ଫାଇନାଲରେ ଖେଳିବା ଏକ ପ୍ରକାର ସୁନିଶ୍ଚିତ ଥିବା ବେଳେ ସେ ଆଫ୍ରିକୀୟ ଟିମକୁ ଅଡୁଆରେ ପକାଇବା ପାଇଁ ସହାୟକ ହେବେ ।

ସ୍ମୃତି ବନାମ ମାରିଜାନେ

ଉଭୟ ଖେଳାଳି ଦୁଇ ଦଳର କ୍ରାଉଡ୍ ପୁଲର୍ । ସେମାନଙ୍କ ଉପରେ ଦଳର ପରଫରମାନ୍ସ ନିର୍ଭର କରିଥାଏ । ଏହି ଦୁଇ ପ୍ଲେୟାର ଫାଇନାଲରେ ଭଲ ପ୍ରଦର୍ଶନ କରିବେ ବୋଲି ଫ୍ୟାନ୍ ମାନେ ଆଶା ରଖିଛନ୍ତି । ଗୋଟିଏ ଦିଗରେ ସ୍ମୃତି ବିଶ୍ବର ଏକ ନମ୍ବର ବ୍ୟାଟ୍ସମ୍ୟାନ୍ ହୋଇଥିବା ବେଳେ ମାରିଜାନେ କ୍ୟାମ୍ପ୍ ସେମିରେ ଇଂଲଣ୍ ବିପକ୍ଷରେ ୫ ଓ୍ୱିକେଟ୍ ନେଇଥିଲେ । ସେପଟେ ସ୍ମୃତି ଟୂର୍ଣ୍ଣାମେଣ୍ଟରେ ଦୁଇଟି ଅର୍ଧଶତକ ସହ ଗୋଟିଏ ଶତକ ହାସଲ କରି ସାରିଛନ୍ତି ।

ଜେମିମା ବନାମ ଦକ୍ଷଣ ଆଫ୍ରିକା ସ୍ପିନର୍ସ

ଭାରତକୁ ଫାଇନାଲରେ ପହଁଚାଇବାରେ ଜେମିମା ରୋଡ୍ରିଙ୍ଗସଙ୍କ ଭୂମିକା ସବୁଠୁ ବଡ ଥିଲା । ୧୨୭ ରନର ଐତିହାସଲ ପାଳି ସେ ଖେଳିଥିଲେ । ତାଙ୍କୁ ରୋକିବା ପାଇଁ ଦକ୍ଷିଣ ଆଫ୍ରିକା ବାମହାତୀ ସ୍ପିନରଙ୍କୁ ବ୍ୟବହାର କରିପାରେ । ଏହାର ମୁକାବିଲା ପାଇଁ ଜେମିମାଙ୍କୁ ମାନସିକ ଏବଂ ଟେକନିକ୍ ଦୃଷ୍ଟିରୁ ମଜବୁତ ରହିବାକୁ ହେବ ।

ଦୀପ୍ତି ଶର୍ମା ବନାମ୍ ରାଇଟ୍ ହ୍ୟାଣ୍ଡ୍ ବ୍ୟାଟର୍ସ

ବିଶ୍ବକପରେ ଦୀପ୍ତି ଏବେସୁଦ୍ଧା ଭଲ ପ୍ରଦର୍ଶନ କରି ଆସିଛନ୍ତି । ସେ ୧୭ଟି ଓ୍ୱିକେଟ୍ ନେବାରେ ସଫଳ ହୋଇଛନ୍ତି । ତାଙ୍କ ଅଫ୍ ସ୍ପିନରେ ବିପକ୍ଷ ବ୍ୟାଟର ରନ୍ କରିବାରେ ବିଫଳ ହେଉଥିବା ଦେଖିବାକୁ ମିଳିଛି । ଫାଇନାଲରେ ତାଙ୍କଠାରୁ ଅଧିକ ଆଶା କରୁଛନ୍ତି ଫ୍ୟାନ୍ । ଯଦି ସେ ହିଟ୍ ହୁଅନ୍ତି ତାହାଲେ ଦକ୍ଷିଣ ଆଫ୍ରିକା ବ୍ୟାଟର୍ ୨୦୦ରୁ ଅଧିକ ସ୍କୋର୍ କରିବାରେ ବିଫଳ ହେବ । ଯାହାକୁ ଭାରତ ସହଜରେ ହାସଲ କରିପାରିବ ।

ସେହିପରି ଦକ୍ଷିଣ ଆଫ୍ରିକା ହିଟର୍ ନାଦିନ୍ ଡିକ୍ଲର୍କ ଭାରତ ବିପକ୍ଷ ଶେଷ ମୁକାବିଲାରେ ୫୪ ରନରୁ ୮୪ ରନ୍ କରିଥିଲେ । ସେ ଡେଥ୍ ଓଭରରେ ଭାରତ ପାଇଁ ଚିନ୍ତାର ବିଷୟ ହୋଇପାରନ୍ତି । ଭାରତ ତାଙ୍କ ବିରୋଧରେ ଫାଇନାଲରେ କିପରି ରଣନୀତି ଆପଣାଇବ ସେନେଇ ସ୍ବତନ୍ତ୍ର ଫୋକସ୍ ଦେବ । ଅର୍ଥାତ ଟିମ୍ ଇଣ୍ଡିଆକୁ ଜିତିବାକୁ ହେବେ ସ୍ବତନ୍ତ୍ର ଗେମ୍ ପ୍ଲାନ୍ ସହ ପଡିଆକୁ ଓହ୍ଲାଇବାକୁ ହେବ।