ଆଇପିଏଲରେ ସବୁଠୁ ଦାମୀ ବିଦେଶୀ ଖେଳାଳି କ୍ୟାମେରନ ଗ୍ରୀନ, ୨୫ କୋଟି ଟଙ୍କାରେ କିଣିଲା KKR

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର ଲିଗ୍ (IPL) 2026 ପାଇଁ ଆବୁଧାବିର ଏତିହାଦ ଆରେନାରେ ମିନି-ଅକ୍ସନ ଆରମ୍ଭ ହୋଇଛି। 369 ଖେଳାଳିଙ୍କ ନାମ ଘୋଷଣା କରାଯାଇଛି। ମୋଟ ୭୭ ଖେଳାଳିଙ୍କୁ ଚୂଡ଼ାନ୍ତ କରାଯାଇଛି। କ୍ୟାମେରନ୍ ଗ୍ରୀନଙ୍କୁ କୋଲକାତା ନାଇଟ୍ ରାଇଡର୍ସ ₹୨୫.୨୦ କୋଟିରେ କିଣିଛି। ପୃଥ୍ୱୀ ଶ ଏବଂ ସରଫରାଜ ଖାନ ବିକ୍ରି ହୋଇନାହାନ୍ତି।

ଲିଆମ୍ ଲିଭିଂଷ୍ଟୋନ୍, କ୍ୱିଣ୍ଟନ୍ ଡି କକ୍ ଏବଂ ମାଥିଶା ପଥିରାଣାଙ୍କ ଭଳି ବିଦେଶୀ ଖେଳାଳି ଲାଭଜନକ ହୋଇପାରନ୍ତି। ଭାରତୀୟ ଖେଳାଳିଙ୍କ ମଧ୍ୟରେ, ଭେଙ୍କଟେଶ ଆୟର ଏବଂ ଲେଗ୍-ସ୍ପିନର ରବି ବିଷ୍ଣୋଇ ଗୁରୁତ୍ୱପୂର୍ଣ୍ଣ ବିଡ୍ ଆକର୍ଷିତ କରିପାରିବେ। ଅଶୋକ ଶର୍ମା, କାର୍ତ୍ତିକ ଶର୍ମା ଏବଂ ଆକିବ ନବିଙ୍କ ଭଳି ଅନକ୍ୟାପ୍ ଖେଳାଳି ମଧ୍ୟ ଚର୍ଚ୍ଚାରେ ଅଛନ୍ତି। ରିଷଭ ପନ୍ତଙ୍କୁ IPL ଇତିହାସରେ ସର୍ବାଧିକ ବିଡ୍ ମିଳିଥିଲା। ତାଙ୍କୁ ଲକ୍ଷ୍ନୌ ୨୭ କୋଟିରେ କିଣିଥିଲା।

ଏହି IPL ନିଲାମରେ କୋଲକାତା ନାଇଟ୍ ରାଇଡର୍ସର ସର୍ବାଧିକ ପର୍ସ ୬୪.୩ କୋଟି ରହିଛି। ଏହି ସମୟରେ, ଚେନ୍ନାଇ ସୁପର କିଙ୍ଗ୍ସ ପାଖରେ ଦ୍ୱିତୀୟ ସର୍ବାଧିକ ୪୩.୪ କୋଟି ଅଛି। ନିଲାମରେ ମୁମ୍ବାଇ ଇଣ୍ଡିଆନ୍ସ ପାଖରେ ସବୁଠାରୁ କମ ପର୍ସ ₹୨.୭୫ କୋଟି ଅଛି।