କଟକ: ପ୍ରଫେସର ପଡ଼ାସ୍ଥିତ ଜେଏମଜି ହିରୋ ଶୋ’ରୁମ୍ରେ ଲଞ୍ଚ ହୋଇଛି ହିରୋର ସବୁଠୁ ସ୍ମାର୍ଟ ଓ ଇଲେକ୍ଟ୍ରିକ୍ ସ୍କୁଟର ଭିଡା ଭିଏକ୍ସ-୨। ଆକର୍ଷଣୀୟ ଲୁକ୍ ଏବେ ଫିଚର୍ସ ପାଇଁ ଭିଡା ବେଶ୍ ଲୋକପ୍ରିୟ ହୋଇପାରିଥିବାବେଳେ କମ୍ପାନି ଏହାର ଅପଡେଟେଡ ଭର୍ସନ ଭିଡା ଭିଏକ୍ସ-୨ ଲଞ୍ଚ କରିଛି।
ଏହି ଇ-ସ୍କୁଟରରେ ମଧ୍ୟ ଆକର୍ଷୀୟ ଲୁକ୍ ଓ ଭଳିକି ଭଳି ଫିଚର୍ସ ରହିଛି। ସବୁଠାରୁ ବଡ଼ କଥା ହେଲା, ଥରେ ଫୁଲ୍ ଚାର୍ଜ କଲେ ଏହା ୧୪୦ କିଲୋମିଟର ଯିବାର କ୍ଷମତା ରହିଥିବା କମ୍ପାନି କହିଛି। ଲଞ୍ଚିଂ ଅବସରରେ ପୂର୍ବରୁ ବୁକ୍ କରିଥିବା ଗ୍ରାହକଙ୍କୁ ଗାଡ଼ି ହସ୍ତାନ୍ତର କରାଯାଇଛି। ଜେଏମଜି ଶୋରୁମ୍ ଏମ୍ଡି ପ୍ରଦୀପ ଅଗ୍ରୱାଲ କହିଛନ୍ତି, ହିରୋ କମ୍ପାନି ଭରସା ଯୋଗୁ ଲଞ୍ଚିଂ ପୂର୍ବରୁ ଭଲ ବୁକିଂ ହୋଇ ପାରିଥିଲା ଭିଡାର ଏହି ମଡେଲ।
