LIVE TV
News7 Logo
LIVE TV

ଜାତି ଜନଗଣନାରେ ହେଉଥିବା ବିଳମ୍ବକୁ ନେଇ ମୋଦି ସରକାରଙ୍କ ଉପରେ ବର୍ଷିଲେ ରାହୁଲ ଗାନ୍ଧି, ଜାଣନ୍ତୁ କହିଲେ କ’ଣ?

Published By: Prameya-News Bureau - Prameya-News Bureau | December 03, 2025 08:39 PM
NEWS7
harish-salves-big-claim-vinesh-phogat-didnt-want-to-challenge-sports-courts-decision--

ନୂଆଦିଲ୍ଲୀ ୩।୧୨: ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଜାତି ଜନଗଣନାକୁ ନେଇ ସରକାରଙ୍କର କୌଣସି ଯୋଜନା ନାହିଁ ବୋଲି ବୁଧବାର ଅଭିଯୋଗ କରିଛନ୍ତି। ନିମ୍ନ ସଦନରେ ଏକ ଲିଖିତ ପ୍ରଶ୍ନକୁ ନେଇ ସରକାର ଦେଇଥିବା ଉତ୍ତରରେ ଉଦାହରଣ ଦେଇ ସେ ଏହି ଅଭିଯୋଗ ଆଣିଛନ୍ତି। ସେ ଏହାକୁ ଦେଶ ଓ ବହୁଜନଙ୍କ ସହ ବିଶ୍ୱାସଘାତ ବୋଲି କହିଛନ୍ତି। ଏନେଇ ରାହୁଲ ଗାନ୍ଧି ଏକ୍ସ ରେ ଏକ ପୋଷ୍ଟ ମଧ୍ୟ କରିଛନ୍ତି।

ଏଥିରେ ସେ ଲେଖିଛନ୍ତି ଯେ, ‘ଜାତି ଜନଗଣନାକୁ ନେଇ ମୁଁ ସରକାରଙ୍କୁ ଏକ ପ୍ରଶ୍ନ କରିଥିଲି। ତେବେ ସରକାର ଯାହା ଉତ୍ତର ଦେଇଛନ୍ତି ତାହା ଆଶ୍ଚର୍ଯ୍ୟଜନକ। ଏଥି ପାଇଁ ସରକାରଙ୍କ ନା ମଜଭୁତ ରୂପରେଖ ରହିଛି ନା ଯୋଜନା, ନା ଏଥି ପାଇଁ ସଂସଦରେ ଚର୍ଚ୍ଚା ହେଉଛି ନା ଲୋକଙ୍କ ସହ ସଂବାଦ ଏଥି ପାଇଁ ସରକାରଙ୍କ ଇଛା ଶକ୍ତି ମଧ୍ୟ ନାହିଁ’। ରାହୁଲ ଲେଖିଛନ୍ତି ଯେ, ଅନ୍ୟ ରାଜ୍ୟମାନଙ୍କରେ ସଫଳ ଜନଗଣନାର ରଣନୀତିରୁ ସରକାରଙ୍କ ଶିଖିବାର ବି ଇଛା ନାହିଁ। ‘ମୋଦି ସରକାରଙ୍କ ଜାତି ଜନଗଣନା ଦେଶର ବହୁଜନଙ୍କ ସହିତ ବିଶ୍ୱାସଘାତ’ ବୋଲି ରାହୁଲ ଉଲ୍ଲେଖ କରିଛନ୍ତି।

ଉଲ୍ଲେଖଯୋଗ୍ୟ ଯେ ରାହୁଲ ଗାନ୍ଧି ବୁଧବାର ସଂସଦରେ ଲିଖିତ ପ୍ରଶ୍ନ କରିଥିଲେ। ସେ କହିଥିଲେ ‘ଦଶକୀୟ ଜନଗଣା ପ୍ରସ୍ତୁତି ଲାଗି ପ୍ରମୁଖ ପ୍ରକ୍ରିୟାତ୍ମକ ପଦକ୍ଷେପର ବିବରଣୀ ଓ ସମ୍ଭାବିତ ସମୟସୀମା କ’ଣ?’ ସରକାର ଜନଗଣନା ପ୍ରଶ୍ନର ଫର୍ମାଟ ପ୍ରକାଶିତ କରିବା ବା ଏ ନେଇ ଜନପ୍ରତିନିଧିଙ୍କ ଇନପୁଟ ନେବାର କୌଣସି ପ୍ରସ୍ତାବ ରଖିଛନ୍ତି କି? ସେହିପରି ସରକାର ଅଲଗା ଅଲଗା ରାଜ୍ୟରେ ହୋଇଥିବା ଜାତି ସର୍ଭେକ୍ଷଣ ସମେତ ପିଛିଲା ଅଭିଜ୍ଞତା ଉପରେ କିଛି ବିଚାର କରୁଛନ୍ତି କି ? ଯଦି ହଁ ତେବେ ସେ ସମ୍ପର୍କିତ ବିବରଣୀ କ’ଣ?

ଏହାର ଜବାବରେ କେନ୍ଦ୍ର ଗୃହରାଜ୍ୟମନ୍ତ୍ରୀ କହିଛନ୍ତି ଯେ ଜନଗଣନା ଦୁଇଟି ପର୍ଯ୍ୟାୟରେ ହେବ। ଏଥିରେ ପ୍ରଥମ ପର୍ଯ୍ୟାୟରେ ଘର ସୂଚୀ ସଂଗ୍ରହ ଓ ଆବାସ ଗଣନା ପରେ ଦ୍ୱିତୀୟ ପର୍ଯ୍ୟାୟରେ ଜନସଂଖ୍ୟା ଗଣନା କରାଯିବ। ଏଥିରେ ମନ୍ତ୍ରୀ କହିଛନ୍ତି ଯେ ଜନସଂଖ୍ୟା ଗଣନା ଫେବୃଆରୀ ୨୦୨୭ରେ କରାଯିବ। ମନ୍ତ୍ରୀ କହିଛନ୍ତି ଯେ ଜନଗଣନାର ୧୫୦ ବର୍ଷର ଇତିହାସ ରହିଛି। ଆଗାମୀ ଜନଗଣନା ଲାଗି ପିଛିଲା ଜନଗଣନାର ଅଭିଜ୍ଞତାକୁ ଧ୍ୟାନରେ ରଖାଯାଇଥାଏ। ପ୍ରତ୍ୟେକ ଜନଗଣନା ପୂର୍ବରୁ ସମ୍ବଦ୍ଧିତ ହିତାଧିକାରୀଙ୍କ ପରାମର୍ଶ ମଧ୍ୟ ନିଆଯାଇଥାଏ।