ମୁମ୍ବାଇ ୩୦।୦୪ : ହାପି ବାର୍ଥ ଡେ ହିଟ୍ ମ୍ୟାନ୍ ମାନେ ରୋହିତ ଶର୍ମା । କିଙ୍ଗ ଅଫ ପୁଲ୍ ସର୍ଟ ବା ଡାଡି ଅଫ ଡବଲ ହଣ୍ଡ୍ରେଡ୍ ଭାବେ ବେଶ୍ ପରିଚିତ ଟିମ୍ ଇଣ୍ଡିଆର ଅଧିନାୟକ ରୋ ‘ହିଟ୍’ ଶର୍ମା । ବୁଧବାର ମାନେ ଅପ୍ରେଲ୍ ୩୦ ତାରିଖ ଦିନ ୩୮ ବର୍ଷରେ ପାଦ ଥାପିଛନ୍ତି ରୋହିତ ଶର୍ମା। ଆଇପିଏଲ୍ରେ ରୋହିତ ଶର୍ମା ଏବେ ମୁମ୍ବାଇ ଇଣ୍ଡିଆନ୍ସ ପ୍ରାଞ୍ଚାଇଜ୍ ପାଇଁ ଖେଳୁଛନ୍ତି । ଆସନ୍ତୁ ଜାଣିବା ରୋହିତ ଶର୍ମାଙ୍କ ୫ଟି ଏପରି ରେକର୍ଡ ବିଷୟରେ। ଯାହାକୁ କୌଣସି କ୍ରିକେଟ୍ର କିମ୍ବା ବ୍ୟାଟରଙ୍କ ପକ୍ଷେ ଭାଙ୍ଗିବା କଷ୍ଟକର...
୧- ଦିନିକିଆ କ୍ରିକେଟ୍ରେ ୩ଟି ଦ୍ୱିଶତକ :-
ରୋହିତ ଶର୍ମା ଦିନିକିଆ କ୍ରିକେଟ୍ ଗୋଟିଏ କି ଦୁଇଟା ନୁହଁ । ବରଂ ତିନୋଟି ଦ୍ୱିଶତକ ମାରିଛନ୍ତି । ୨୦୧୩ରେ ପ୍ରଥମ ଦ୍ୱିଶତକ ମାରିଥିଲେ ପ୍ରଥମ ଦ୍ୱିଶତକ । ବାଙ୍ଗାଲୋରରେ ଅଷ୍ଟ୍ରେଲିଆ ବିପକ୍ଷ ୨୦୯ର ପାରି ଖେଳିଥିଲେ । ଏହି ଶତକ ମାରିବା ଏକ ବର୍ଷ ପରେ ରୋହିତ ଶର୍ମା ରଚିଲେ ଆଉ ଏକ ଇତିହାସ । ମାନେ ୨୦୧୪ ମସିହା ନଭେମ୍ବର ୧୩ ତାରିଖ ଦିନ ଶ୍ରୀଲଙ୍କା ବିରୋଧରେ ନିଜ କ୍ୟାରିୟର ୨ୟ ଦ୍ୱିଶତକ ହାସଲ କରିଥିଲେ । କୋଲକାତାର ଇଡେନ୍ ଗାର୍ଡେନ ଷ୍ଟାଡିୟମ୍ରେ ରୋହିତ ଶର୍ମା ଖେଳିଥିଲେ ୨୬୪ ରନ୍ର ପାରି । ଏହାର ୩ ବର୍ଷ ପରେ ରୋହିତ ଶର୍ମା ପୁଣି ଥରେ ମାରିଲେ ଆଉ ଏକ ଦ୍ୱିଶତକ।୨୦୧୭ରେ ଶ୍ରୀଲଙ୍କା ବିପକ୍ଷରେ ୨୦୮ ରନ୍ର ଖେଳିଥିଲେ ପାରି । ଏହି ଦ୍ୱିଶତକ କରିବା ପରେ ରୋହିତ ଶର୍ମା ବିଶ୍ୱ କ୍ରିକେଟ୍ରେ ପ୍ରଥମ ଖେଳାଳି ସାଜିଲେ । ଯିଏ ତିନୋଟି ଦ୍ୱିଶତକ ହାସଲ କରିଛନ୍ତି। ଯାହାପରେ କ୍ରିକେଟ୍ ଜଗତରେ ରୋହିତଙ୍କୁ ଡାଡି ଅଫ ଡବଲ୍ ହଣ୍ଡ୍ରେଡ୍ ଭାବେ ପରିଚିତ କରାଇଥିଲା।
ଦିନିକିଆ କ୍ରିକେଟ୍ରେ ବ୍ୟକ୍ତିଗତ ଭାବେ ସବୁଠୁ ଅଧିକ ସ୍କୋର-:
ରୋହିତ ଶର୍ମାଙ୍କ ଆଉ ଏକ ରେକର୍ଡ। ଦିନିକିଆ କ୍ରିକେଟ୍ରେ ବ୍ୟକ୍ତିଗତ ଭାବେ ସବୁଠୁ ଅଧିକା ସ୍କୋର ରୋହିତ ଶର୍ମାଙ୍କ ନାଁରେ ରହିଛି । ୧୩ ନଭେମ୍ବର ୨୦୧୪ରେ ରୋହିତ ଶର୍ମା ୧୭୩ ବଲ୍ ଖେଳି କରିଥିଲେ ୨୬୪ରନ୍ । ଯେଉଁଥିରେ ସାମିଲ ଥିଲା ୯ ଛକା ଏବଂ ୩୩ ଚୌକା । ଜବାବରେ ଶ୍ରୀଲଙ୍କା ଟିମ୍ ମାତ୍ର ୨୫୧ ରନ୍ କରିବାକୁ ସକ୍ଷମ ହୋଇଥିଲା।
ଗୋଟିଏ ପାରିରେ ସବୁଠୁ ଅଧିକ ଚୌକା-
୨୦୧୪ରେ ଶ୍ରୀଲଙ୍କା ବିପକ୍ଷରେ ରୋହିତ ଶର୍ମା ଖେଳିଥିବା ୨୬୪ ରନ୍ ପାରି । ଏଥିରେ ସାମିଲ ଥିଲା ୩୩ଟି ଚୌକା । ଯାହାକି ଏକ ବିଶ୍ୱ ରେକର୍ଡ । କ୍ରିକେଟ୍ ଇତିହାସରେ ଏହି ରେକର୍ଡ ଭାଙ୍ଗିବା ବହୁ କଷ୍ଟ। ପୂର୍ବରୁ ଏହି ରେକର୍ଡ ସଚିନ ତେନ୍ଦୁଲକର ଏବଂ ବିରେନ୍ଦ୍ର ସେହଓ୍ୱାଗଙ୍କ ନାଁରେ ରହିଛି। ଉଭୟ ଗୋଟିଏ ପାରିରେ ୨୫-୨୫ ଚୌକା ମାରିଛନ୍ତି ।
ଗୋଟିଏ ବିଶ୍ୱକପରେ ଅଧିକ ଶତକ:-
ରୋହିତ ଶର୍ମାଙ୍କ ନାଁରେ ରହିଛି ଆଉ ଏକ ରେକର୍ଡ। ଗୋଟିଏ ବିଶ୍ୱକପ୍ରେ ସବୁଠୁ ଅଧିକ ଶତକ ମାରିବାର ରେକର୍ଡ ହିଟମ୍ୟାନ୍ଙ୍କ ନାଁରେ ରହିଛି। ୨୦୧୯ ଦିନିକିଆ ବିଶ୍ୱକପ୍ରେ ରୋହିତ ଶର୍ମା ୫ଟି ଶତକ ମାରିଛନ୍ତି । ତାଙ୍କ ପଛକୁ ରହିଛନ୍ତି ଦକ୍ଷିଣ ଆଫ୍ରିକାର କ୍ୱିଣ୍ଟନ ଡିକକ୍ ଏବଂ କୁମାର ସାଙ୍ଗାକାର ରହିଛି । ଉଭୟ ବିଶ୍ୱକପ୍ ୪ଟି ଶତକ ମାରିଛନ୍ତି ।
ବିଶ୍ୱ କ୍ରିକେଟ୍ରୁ ସବୁଠୁ ଅଧିକ ଛକା :-
ଅନ୍ତର୍ଜାତୀୟ କ୍ରିକେଟ୍ର ତିନୋଟି (ଟି-୨୦, ଦିନିକିଆ, ଟେଷ୍ଟ) ଫର୍ମାଟରେ ରୋହିତ ହିଟ୍ । ଏହାର ପ୍ରମାଣ ହେଉଛି କି ଅନ୍ତର୍ଜାତୀୟ କ୍ରିକେଟ୍ ରୋହିତଙ୍କ ନାଁରେ ୬୩୭ଟି ଛକା ରହିଛି । ତାଙ୍କ ନିକଟରେ ଆଉ କୌଣସି ଖେଳାଳି ନାହାନ୍ତି । ଏହାପରେ ୨ୟ ସ୍ଥାନରେ ରହିଛନ୍ତି କ୍ରିସ୍ ଗେଲ୍ । ସେ ୪୮୩ ମ୍ୟାଚ୍ ଖେଳି ୫୫୩ ଛକା ମାରିଛନ୍ତି ।
