ଭେଣ୍ଟିଲେଟରରେ ହ୍ୟୁମାନ୍ ସାଗର, ଏମ୍‌ସ ଯାଇ ଭେଟିଲେ ପତ୍ନୀ ଶ୍ରୀୟା ମିଶ୍ର

ଭୁବନେଶ୍ବର ୧୬।୧୧: ଧିରେ ଧିରେ ବିଗିଡ଼ିବାରେ ଲାଗିଛି ଓଲିଉଡ୍‌ର ପ୍ରସିଦ୍ଧ ଗାୟକହ୍ୟୁମାନ ସାଗରଙ୍କ ସ୍ୱାସ୍ଥ୍ୟାବସ୍ଥା । ଉନ୍ନତ ଚିକିତ୍ସା ପାଇଁ ହୋଇପାରନ୍ତି ଏୟାରଲିଫ୍ଟ । ବର୍ତ୍ତମାନ ତାଙ୍କୁ ଭୁବନେଶ୍ବର ଏମ୍‌ସରେ ଭେଣ୍ଟିଲେଟରରେ ରଖାଯାଇଛି । ଏପର୍ଯ୍ୟନ୍ତ ତାଙ୍କର ସ୍ବାସ୍ଥ୍ୟାବସ୍ଥାରେ ସେତେଟା ସୁଧାର ଆସିନାହିଁ । ଆଗାମୀ କିଛି ଘଣ୍ଟା ଯାଏ ତାଙ୍କୁ ଅବଜରଭେସନରେ ରଖାଯାଇଛି ।

ସେପଟେ ହ୍ୟୁମାନଙ୍କୁ ଦେଖା କରିବାକୁ ଏମ୍‌ସରେ ପହଞ୍ଚିଥିଲେ ପତ୍ନୀ ଶ୍ରୀୟା ମିଶ୍ର । ହ୍ୟୁମାନଙ୍କ ଏଭଳି ଅବସ୍ଥାରେ ତାଙ୍କ ନିକଟରେ ପହଞ୍ଚିଥିଲେ ପତ୍ନୀ ଶ୍ରେୟା ମିଶ୍ର । ଆଇସିୟୁକୁ ଯାଇ ଶ୍ରୀୟା ହ୍ୟୁମାନଙ୍କୁ ଦେଖା କରିଛନ୍ତି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶ ପରେ ହ୍ୟୁମାନ ସାଗରଙ୍କ ନିକଟରେ ଏମ୍‌ସ ନିର୍ଦ୍ଦେଶକ ପହଞ୍ଚି ସ୍ୱାସ୍ଥ୍ୟାବସ୍ଥା ଯାଞ୍ଚ କରିଛନ୍ତି । ଏବେବି ଭେଣ୍ଟିଲେଟରରେ ହ୍ୟୁମାନ ସାଗର ଅଛନ୍ତି କିନ୍ତୁ ତାଙ୍କ ଅବସ୍ଥା ସଙ୍କଟାପନ୍ନ ରହିଛି ।

ହ୍ୟୁମାନଙ୍କ ସ୍ବାସ୍ଥ୍ୟାବସ୍ଥା ଶନିବାର ଅପେକ୍ଷା ସାମାନ୍ୟ ଭଲ ହୋଇଥିବା ତାଙ୍କ ମାମୁଁ ଗଗନ ବାଗ୍ ସୂଚନା ଦେଇଛନ୍ତି । ଏମ୍‌ସ ନିର୍ଦ୍ଦେଶକ ଆଶୁତୋଷ ବିଶ୍ୱାସ ହ୍ୟୁମାନ ସାଗରଙ୍କ ପରିବାର ଲୋକଙ୍କ ସହ କଥା ହୋଇଛନ୍ତି । ଅଧିକାଂଶ ଅଙ୍ଗ ଖରାପ ହୋଇଯାଇଥିବା ସ୍ବାସ୍ଥ୍ୟାବସ୍ଥାରେ ଖୁବ୍‌ଶୀଘ୍ର ସୁଧାର ଆଣିବା ପାଇଁ ଡାକ୍ତରୀ ଦଳ ଲାଗିପଡିଛନ୍ତି । ଏମ୍‌ସ ଡାକ୍ତରଙ୍କ ସହ ଦୀର୍ଘ ସମୟ ଧରି ଏମ୍‌ସ ନିର୍ଦ୍ଦେଶକ ଆଲୋଚନା କରିଛନ୍ତି । ଆଲୋଚନା କରିବା ସହ କିଭଳି ସ୍ୱାସ୍ଥ୍ୟାବସ୍ଥା ରହିଛି ସେନେଇ ଆଉ କ’ଣ କ’ଣ ବ୍ୟବସ୍ଥା ହୋଇପାରିବ ପଚାରି ବୁଝିଛନ୍ତି । ଏପଟେ ମ୍ୟୁଜିକ୍ ଡାଇରେକ୍ଟର ଜାପାନୀ ଏମ୍‌ସରେ ପହଞ୍ଚି ସ୍ବାସ୍ଥ୍ୟାବସ୍ଥା ପଚାରି ବୁଝିଛନ୍ତି । ସମସ୍ତଙ୍କୁ ପ୍ରାର୍ଥନା କରିବାକୁ ଅନୁରୋଧ କରିଛନ୍ତି ।