କେନ୍ଦ୍ର ଚାଉଳ ଉଠାଉନଥିବାରୁ ଧାନ ଉଠାରେ ବିଳମ୍ବ ହେଉଛି, ପ୍ରତିଶ୍ରୁତି ପରେ ଧାନ ଉଠାଣ ଜାରି ରହିବ

ଭୁବନେଶ୍ବର ୧୦।୨: ଧାନ ଉଠାଣ ସମସ୍ୟା ନେଇ ମିଲର ଆସୋସିଏସନ ସହ ମୁଖ୍ୟ ଶାସନ ସଚିବଙ୍କ ବୈଠକ । ମୁଖ୍ୟ ଶାସନ ସଚିବଙ୍କ ପ୍ରତିଶ୍ରୁତି ପରେ ଧାନ ଉଠାଣ ଜାରି ରହିବ ବୋଲି କହିଲେ ମିଲର ଆସୋସିଏସନ ସଭାପତି ମହେଶ ବଂଶଲ । ମାତ୍ର କେନ୍ଦ୍ର ଚାଉଳ ଉଠାଉନଥିବାରୁ ଧାନ ଉଠାରେ ବିଳମ୍ବ ହେଉଛି ବୋଲି ଅଭିଯୋଗ ଆଣିଛି ମିଲର ଆସୋସିଏସନ ।

ଏ ଖବର ବି ପଢ଼ନ୍ତୁ:- ତ୍ରିକୋଣୀୟ ପ୍ରେମରୁ ହତ୍ୟା ମାମଲାରେ ତନାଘନା, ପ୍ରେମିକା ଲିଜାର ଘର ସିଲ୍ କଲା ପୋଲିସ

ମୁଖ୍ୟ ଶାସନ ସଚିବ ଜଣାଇଛନ୍ତି କେନ୍ଦ୍ର ସରକାରଙ୍କ ସହ ଆଲୋଚନା ଚାଲିଛି ଖୁବ୍‌ଶୀଘ୍ର ଚାଉଳ ଉଠିବ । ତେଣୁ ତାହା ପରେ ଧାନ କିଣା ତ୍ୱରାନ୍ୱିତ ହୋଇପାରିବ ବୋଲି କହିଛି ମିଲର ଆସୋସିଏସନ । ଏହାସହ ବିଗତ ୨ ବର୍ଷର ଦାବି ଯେମିତିକି ଚାଉଳ ଉଠିବା ଆଦି ପ୍ରସଙ୍ଗରେ ଆଲୋଚନା ହେଲା । ମିଲିଙ୍ଗ ଚାର୍ଜସ ବୃଦ୍ଧି ପାଇଁ ଆମର ଦାବି ଅଛି । ମୁଖ୍ୟ ଶାସନ ସଚିବଙ୍କୁ ଡାଟା ଦେଲୁ । ବର୍ତ୍ତମାନ ସୁଦ୍ଧା ଗତବର୍ଷଠୁ ଅଧିକ ଧାନ ଉଠିଛି । କଟନୀ ଛଟନୀ ଆମ ହାତରେ ନାହିଁ । ମୁଖ୍ୟ ଶାସନ ସଚିବ କହିଛନ୍ତି ଧାନ ଉଠାନ୍ତୁ ଦାବି କଥା ବୁଝିବେ ତେଣୁ ଆମେ ଧାନ ଉଠେଇବୁ । କେନ୍ଦ୍ର ସରକାରଙ୍କ ସହ ଆଲୋଚନା ଚାଲିଛି ଖୁବ୍‌ଶୀଘ୍ର ଚାଉଳ ଉଠାଣ ପାଇଁ ଆମକୁ ପ୍ରତିଶ୍ରୁତି ମିଳିଛି ବୋଲି ମିଲର ଆସୋସିଏସନ ସଭାପତି କହିଛନ୍ତି ।