ସମ୍ବଲପୁର ୨୪।୦୮ : ମହାନଦୀକୁ ଡେଇଁଲେ ଛାତ୍ରୀ । ସମ୍ବଲପୁର ଚାଉଁରପୁର ବ୍ରିଜ ରୁ ଛାତ୍ରୀ ଜଣକ ମହାନଦୀକୁ ଡ଼େଇଁ ପଡିଛନ୍ତି । ନାବାଳିକା ଜଣକ ବୁଢାରାଜା ଗାର୍ଲସ ହାଇସ୍କୁଲର ଛାତ୍ରୀ ବୋଲି ଜଣା ପଡିଛି ।
ମିଳିଥିବା ଖବର ଅନୁସାରେ, ଛାତୀ ଜଣଙ୍କ ସମ୍ବଲପୁର ଗୋପାଲମାଳ ଅଞ୍ଚଳରେ ତାଙ୍କର ଜଣେ ସମ୍ପର୍କୀୟଙ୍କ ଘରେ ରହି ପାଠ ପଢୁଥିଲେ l ରବିବାର ସକାଳ ପ୍ରାୟ ୬ଟା ସମୟରେ ଛାତ୍ରୀ ଜଣଙ୍କ ସମ୍ବଲପୁର ଚାଉଁରପୁର ବ୍ରିଜରେ ହଠାତ୍ ମହାନଦୀକୁ ଡେଇଁପଡିଥିଲେ। ବ୍ରିଜ ଉପରୁ ଛାତ୍ରୀଙ୍କ ଏକ ମୋବାଇଲ ଫୋନ୍, ବ୍ୟାଗ୍ , ସାଇକେଲ ସହ ଏକ ଫିନାଇଲ ବୋତଲ ଜବତ କରିଛି ପୋଲିସ l ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ସର୍ଚ୍ଚ ଅପରେସନ ଜାରି ରଖିଛି। ବର୍ତ୍ତମାନ ସୁଦ୍ଧା ଛାତ୍ରୀଙ୍କର କୌଣସି ପତ୍ତା ମିଳିନାହିଁ ।
