ଲମତାପୁଟ ୩।୭: ଲଘୁଚାପ ପ୍ରଭାବରେ ସାରା ରାଜ୍ୟରେ ଲାଗିରହିଛି ଲଗାଣ ବର୍ଷା । କୋରାପୁଟ ଜିଲ୍ଲାରେ ମଧ୍ୟ ବର୍ଷା ଲାଗିରହିଛି ।କୋରାପୁଟ ଜିଲ୍ଲା ଲମତାପୁଟ ବ୍ଲକ୍ରେ ୬ ଦିନ ହେବ ଲଗାଣ ବର୍ଷା ଜାରି ରହିଛି ।
ଲଗାଣ ବର୍ଷା ଯୋଗୁଁ ମାଛକୁଣ୍ଡ ପ୍ରକଳ୍ପ ଡି. ଡ୍ୟାମ୍ ବିପଦ ସଂକେତ ଛୁଇଁଛି । ଫଳରେ ଡ୍ୟାମ୍ର ୬ ଓ ୭ ନମ୍ବର ଗେଟ୍ ଖୋଲାଯାଇଛି । ଏହି ଦୁଇଟି ଗେଟ୍ ଦେଇ ପ୍ରଥମ ବନ୍ୟାଜଳ ନିଷ୍କାସିତ ଆରମ୍ଭ ହୋଇଛି l
ସୂଚନାଯୋଗ୍ୟ ଯେ, ମାଛକୁଣ୍ଡ ଡ୍ୟାମ୍ର ଜଳଧାରଣ କ୍ଷମତା ୨୫୯୦ଫୁଟ ରହିଥିବା ବେଳେ ଡ୍ୟାମ୍ରେ ଜଳସ୍ତର ୨୫୮୮ ଫୁଟକୁ ଛୁଇଁଛି l ବର୍ତ୍ତମାନ ୬ ଓ ୭ ନମ୍ବର ଗେଟ୍ ମାଧ୍ୟମରେ ୧ ହଜାର କ୍ୟୁସେକ୍ ପାଣି ଉଭୟ ଗେଟ୍ ଦେଇ ନିଷ୍କାସିତ କରାଯାଇ ଚିତ୍ରକୋଣ୍ଡା ଜଳଭଣ୍ଡାରକୁ ଛଡାଯାଉଛି l ଏଭଳି ଲଗାଣ ବର୍ଷା ଲାଗି ରହିଲେ ଅନ୍ୟ ଗେଟ୍ ଗୁଡିକ ଖୋଲିବା ନେଇ ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି ।
You Can Read:
