ନୂଆଦିଲ୍ଲୀ ୨୦/୦୮: ଗୋଟିଏ ଦଳ ଗଢନ୍ତୁ, ଦୁଇ ଘଣ୍ଟା ମଧ୍ୟରେ କୋଟିପତି ହୁଅନ୍ତୁ । ଆପଣ ଟିଭିରେ ଏହି କଥା ଗୁଡିକ ନିଶ୍ଚୟ ଶୁଣିଥିବେ । ଯେତେବେଳେ ଏକ ଅନଲାଇନ୍ ଗେମିଂ ଆପ୍ର ବିଜ୍ଞାପନ ଦେଖାଯାଏ । ଲୋକମାନଙ୍କୁ ସମାନ ଭାବରେ ପ୍ରଲୋଭିତ କରାଯାଏ । ଅନେକ ସମସ୍ୟା ସହିତ ସଂଘର୍ଷ କରୁଥିବା ଲୋକମାନେ କୋଟିପତି ହେବାର ଏହି ଫାଶରେ ପଡ଼ି ଯାଆନ୍ତି । ନିଜର ଟଙ୍କା ନିବେଶ କରିବା ଆରମ୍ଭ କରନ୍ତି । ତା’ପରେ ଏହି ଅନଲାଇନ୍ ଫାଶରେ ଫସି ନିଜର ରୋଜଗାର ହରାଇଥାନ୍ତି ।
ଏହି ସମୟରେ, ସଂସଦରେ ଅନଲାଇନ୍ ଗେମିଂ ସମ୍ପର୍କିତ ଏକ ବିଲ୍ ଆଗତ ହୋଇଛି। ଏଥିରେ ଅନଲାଇନ୍ ଗେମିଂ ଏବଂ ବିଜ୍ଞାପନ ଉପରେ ପ୍ରତିବନ୍ଧକ ଲଗାଇବା ବିଷୟରେ ଆଲୋଚନା କରାଯାଇଛି। ଭାରତୀୟ ଅନଲାଇନ୍ ଗେମିଂ ଇଣ୍ଡଷ୍ଟ୍ରିରେ ହେବାକୁ ଯାଉଛି ବଡ ପରିବର୍ତ୍ତନ । ଖୁବ୍ ଶୀଘ୍ର ସରକାର କରିପାରନ୍ତି ବଡ ପରିବର୍ତ୍ତନ ।
ଏହି ପରିବର୍ତ୍ତନର କାରଣ ହେବ ଅନଲାଇନ୍ ଗେମିଂ ବିଲ୍, ଯାହାକୁ କେନ୍ଦ୍ର କ୍ୟାବିନେଟ୍ ଅନୁମୋଦନ କରିଛି । ଯଦି ଏହି ବିଲ୍ ପାସ୍ ହୁଏ, ତେବେ ଏହା ଟଙ୍କା ମାଧ୍ୟମରେ ଖେଳାଯାଉଥିବା ଅନଲାଇନ୍ ଗେମ୍ ଉପରେ ସିଧାସଳଖ ପ୍ରଭାବ ପଡିବ । ଏହା ଯୋଗୁଁ ଗେମିଂ ଇଣ୍ଡଷ୍ଟ୍ରିରେ ୨ ଲକ୍ଷ ଚାକିରି ବି ହରାଇପାରନ୍ତି ।
Dream11, Games24x7, Winzo, GamesKraft, 99Games, Khelo Fantasy, ଏବଂ My11Circle ଭଳି ବଜାରର ଅଗ୍ରଣୀ ଖେଳ ବ୍ୟବସାୟୀ ଏବେ ଅଘୋଷିତ ସଙ୍କଟ ଆଡ଼କୁ ଗତି କରିଛନ୍ତି । ଭାରତର ଅନଲାଇନ୍ ଗେମିଂ ବଜାରର ମୂଲ୍ୟ ବର୍ତ୍ତମାନ $୩.୭ ବିଲିୟନ ଏବଂ ୨୦୨୯ ସୁଦ୍ଧା ଏହା ଦୁଇଗୁଣରୁ ଅଧିକ ହୋଇ $୯.୧ ବିଲିୟନ ହେବ ବୋଲି ଆକଳନ କରାଯାଇଥିଲା। କିନ୍ତୁ ଆଜିର ରାଜସ୍ୱର ପ୍ରାୟ ୮୬% ପ୍ରକୃତ-ଧନ ଫର୍ମାଟରୁ ଆସିଥାଏ । ଯଦି ଏହାକୁ ହଟାଯାଏ, ତେବେ ବୀତ୍ତିୟ ଜୀବନରେଖା ରାତାରାତି ଗୟବ ହୋଇଯିବ ।
ଅଲ୍ ଇଣ୍ଡିଆ ଗେମିଂ ଫେଡେରେସନ୍ (AIGF) କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ଚିଠି ଲେଖି ପ୍ରସ୍ତାବିତ ଅନଲାଇନ୍ ଗେମିଂ ବିଲ୍ ଉପରେ ତୁରନ୍ତ ହସ୍ତକ୍ଷେପ କରିବାକୁ ଅନୁରୋଧ କରିଛି । ଚେତାବନୀ ଦେଇଛି ଯେ ଏକ ସମ୍ପୂର୍ଣ୍ଣ ନିଷେଧ ଏହି କ୍ଷେତ୍ରକୁ ଗୁରୁତର କ୍ଷତି ପହଞ୍ଚାଇପାରେ।
ଫେଡେରେସନ୍ ଏହାର ଯୋଗାଯୋଗରେ ସମ୍ପୂର୍ଣ୍ଣ ନିଷେଧ ବଦଳରେ "ପ୍ରଗତିଶୀଳ ନିୟନ୍ତ୍ରଣ"ର ଆବଶ୍ୟକତା ଉପରେ ଗୁରୁତ୍ୱାରୋପ କରିଛି । ଯାହା ଲକ୍ଷ ଲକ୍ଷ ଖେଳାଳି ଓ ବ୍ୟାପକ ଶିଳ୍ପ ପାଇଁ ସମ୍ଭାବ୍ୟ ପରିଣାମକୁ ଉଜାଗର କରିଛି । AIGF ଅନୁଯାୟୀ, ବିଲ୍କୁ ଏହାର ବର୍ତ୍ତମାନର ରୂପରେ ପାସ୍ କରିବା ଦ୍ୱାରା କୋଟି କୋଟି ବୈଧ ଖେଳାଳୀ ବେଆଇନ ଜୁଆ ନେଟୱାର୍କ ଓ ଅନିୟନ୍ତ୍ରିତ ଅପରେଟରଙ୍କ ଆଡ଼କୁ ଠେଲି ହୋଇପାରେ।
ଶିଳ୍ପ ସମ୍ପର୍କୀୟମାନେ ଆନୁଷ୍ଠାନିକ ଭାବରେ ମନ୍ତବ୍ୟ ଦେବାକୁ ମନା କରିଦେଇଥିଲେ ମଧ୍ୟ, ସେମାନେ କହିଛନ୍ତି ଯେ ଏହା ଲାଭ ଅପେକ୍ଷା ଅଧିକ କ୍ଷତି କରିବ । ଲକ୍ଷ ଲକ୍ଷ ଚାକିରି ନଷ୍ଟ କରିବ, ବ୍ୟବହାରକାରୀଙ୍କୁ ବେଆଇନ ଜୁଆ ପ୍ରତି ଆକର୍ଷିତ କରିବ । ଆର୍ଥିକ ଅଭିବୃଦ୍ଧିକୁ ମଧ୍ୟ କ୍ଷତି ପହଞ୍ଚାଇବ।
