ଭୁବନେଶ୍ବର ୨୩।୮: ଚାଷୀ ପଞ୍ଜୀକରଣ ପ୍ରକ୍ରିୟାକୁ ନେଇ ପ୍ରତିକ୍ରିୟା ରଖିଛନ୍ତି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ । ସେ କହିଛନ୍ତି, ଚାଷୀ ଏବେ ଅସନ୍ତୁଷ୍ଟ ଏବଂ କ୍ଷୁବ୍ଧ । ପଞ୍ଜୀକରଣ ଜଟିଳ ପ୍ରକ୍ରିୟାକୁ ନେଇ ଚାଷୀ ଅସନ୍ତୋଷ ଅଛନ୍ତି । ସମାବେଶର ଠିକ୍ ପୂର୍ବରୁ ସରକାର ତରବରିଆ ଭାବେ ସରଳୀକରଣ କଲେ ବୋଲି ଘୋଷଣା କଲେ । କିନ୍ତୁ ପ୍ରକୃତରେ ଯେପରି କୁହାଗଲା ସେପରି ସରଳୀକରଣ ହୋଇନି । ଚାଷୀକୂଳ ଏହାକୁ ବିରୋଧ କରୁଛନ୍ତି । ଚାଷ ସମୟରେ ସୋସାଇଟିରେ ସାର ନାହିଁ । କଳାବଜାରୀ ହେଉଛି । ତିନି ଚାରି ଗୁଣ ଅଧିକ ଦରରେ ଚାଷୀ ସାର କିଣୁଛନ୍ତି । ଚାଷୀ ମାନଙ୍କ ଉଦ୍ଦେଶ୍ୟରେ ସରକାର ନିଜର ଆଭିମୁଖ୍ୟ ସ୍ପଷ୍ଟ କରନ୍ତୁ । MSPକୁ ଆଇନସିଦ୍ଧ କରିବା ପାଇଁ ଦାବି ହେଉଛି । ବିଧାନସଭାରେ ବିଜେଡି ଚାଷୀ ପ୍ରସଙ୍ଗ ଉଠାଇବ ବୋଲି ପ୍ରସନ୍ନ ଆଚାର୍ଯ୍ୟ ।
You Can Read:
