ପାଟଣାଗଡ଼ ୧୫।୬: ସାଙ୍ଗକୁ ପିଟିପିଟି ମାରିଦେଲେ ସାଙ୍ଗ । ବଲାଙ୍ଗିର ଜିଲ୍ଲା ଖପ୍ରାଖୋଲ ଥାନା ଦେଦର୍ହ ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ପୋଲିସ ତଦନ୍ତ ଜାରି ରଖିଛି । 

ସୂଚନାଯୋଗ୍ୟ ଯେ, ଖପ୍ରାଖୋଲ ଥାନା ଦେଦର୍ହ ଗାଁ ଭିକାରୀ ପଧାନଙ୍କ ପୁଅ ଅଜୟ ପଧାନ ଶନିବାର ବିଳମ୍ବିତ ରାତିରେ ସାଙ୍ଗମାନଙ୍କ ସହିତ ନିକଟରେ ଥିବା ପୋଖରୀକୁ ଶୌଚ ହେବା ପାଇଁ ଯାଇଥିଲେ । ସେହି ସମୟରେ କୌଣସି କାରଣରୁ ବଚସା ହୋଇ ଅନ୍ୟ ଦୁଇ ଜଣ ସାଙ୍ଗ ଅଜୟଙ୍କୁ ପିଟିପିଟି ମାରିଦେଇଥିବା ଭିକାରୀ ପଧାନ ଖପ୍ରାଖୋଲ ଥାନାରେ ଅଭିଯୋଗ କରିଥିଲେ । ଭିକାରି ପଧାନଙ୍କ ଅଭିଯୋଗ ଆଧାରରେ ପୋଲିସ ଓ ସାଇଣ୍ଟିଫିକ୍ ଟିମ୍ ତଦନ୍ତ କରି ଅଜୟର ଦୁଇ ଜଣ ସାଙ୍ଗକୁ ପୋଲିସ ଅଟକ ରଖି ଅଧିକ ତଦନ୍ତ ଜାରି ରଖିବା ସହିତ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦେଇଛି । ଘଟଣାର ଅଧିକ ତଦନ୍ତ ଜାରି ରହିଛି ପୋଲିସ ।

You Can Read:

ମୁକୁନ୍ଦୁପୁର ଘାଟିରେ ଭାରସାମ୍ୟ ହରାଇ ତଳକୁ ଖସିଲା ଟ୍ରକ୍, ଡ୍ରାଇଭର ଗୁରୁତର