କନ୍ୟା ରାଶି ବ୍ୟକ୍ତିଙ୍କୁ ଦିନରେ ମିଶ୍ର ଫଳ ମିଳିପାରେ, କାର୍ଯ୍ୟଭାର ଅଧିକ ରହିବ

ମେଷ- ଦିନଟି ଶୁଭ ରହିବ। ଆତ୍ମବିଶ୍ୱାସ ବୃଦ୍ଧି ପାଇବ ଏବଂ କାର୍ଯ୍ୟ କ୍ଷେତ୍ରରେ ଉତ୍ସାହ ଦେଖାଯିବ। ପରିବାରରେ କୌଣସି ଶୁଭ କାର୍ଯ୍ୟର ଆୟୋଜନ ହୋଇପାରେ। ଆର୍ଥିକ କ୍ଷେତ୍ରରେ ଉନ୍ନତି ହେବାର ଯୋଗ ରହିଛି। ସ୍ୱାସ୍ଥ୍ୟ ପ୍ରତି ଯତ୍ନବାନ ହେବାକୁ ପଡ଼ିବ।

ବୃଷ- ଅଟକି ରହିଥିବା କାର୍ଯ୍ୟ ସବୁ ସମ୍ପୂର୍ଣ୍ଣ ହେବ। ଚାକିରି କ୍ଷେତ୍ରରେ ବରିଷ୍ଠ ଅଧିକାରୀଙ୍କ ସହଯୋଗ ମିଳିବ। ବ୍ୟବସାୟରେ ନୂତନ ଯୋଜନା ପ୍ରସ୍ତୁତ କରିବାର ସୁଯୋଗ ଆସିବ। ପ୍ରେମ ସମ୍ପର୍କ ମଧୁର ରହିବ ଏବଂ ଦାମ୍ପତ୍ୟ ଜୀବନ ସୁଖମୟ ହେବ। ମାତ୍ର, ଖର୍ଚ୍ଚ ଉପରେ ନିୟନ୍ତ୍ରଣ ରଖିବା ଜରୁରୀ।

ମିଥୁନ- ମନରେ ସାମାନ୍ୟ ଚିନ୍ତା ଏବଂ ଦ୍ୱନ୍ଦ୍ୱ ରହିପାରେ, ତେଣୁ ଶାନ୍ତ ରହି କାର୍ଯ୍ୟ କରନ୍ତୁ। ନୂଆ କାମ ଆରମ୍ଭ କରିବା ପୂର୍ବରୁ ଭଲ ଭାବରେ ବିଚାର କରନ୍ତୁ। ଛାତ୍ରଛାତ୍ରୀମାନେ ପାଠପଢ଼ାରେ ଅଧିକ ଧ୍ୟାନ ଦେବେ। ଅଳ୍ପ ପରିଶ୍ରମରେ ଅଧିକ ଫଳ ମିଳିବାର ସମ୍ଭାବନା ଅଛି। ଦୂର ଯାତ୍ରା କରିବାର ଯୋଗ ରହିଛି।

କର୍କଟ- ପାରିବାରିକ ସମସ୍ୟାର ସମାଧାନ ଫଳ​‌ରେ ମନକୁ ଶାନ୍ତି ମିଳିବ। ପୁରୁଣା ବନ୍ଧୁ କିମ୍ବା ସମ୍ପର୍କୀୟଙ୍କ ସହିତ ସାକ୍ଷାତ ହୋଇପାରେ। କର୍ମକ୍ଷେତ୍ରରେ ଆପଣଙ୍କର ପ୍ରଶଂସା ହେବ। ଆର୍ଥିକ ସ୍ଥିତି ସୁଦୃଢ଼ ରହିବ, ଧନପ୍ରାପ୍ତିର ଯୋଗ ଅଛି। ନିଜର ଭାବନାକୁ ନିୟନ୍ତ୍ରଣରେ ରଖନ୍ତୁ ଏବଂ କ୍ରୋଧରୁ ଦୂରେଇ ରୁହନ୍ତୁ।

ସିଂହ- ଦିନଟି ଆପଣଙ୍କ ପାଇଁ ସଫଳତାର ଦିନ ହେବ। ସରକାରୀ କାର୍ଯ୍ୟରେ ସଫଳତା ମିଳିବାର ପ୍ରବଳ ସମ୍ଭାବନା ଅଛି। ନୂତନ କାମରେ ପୁଞ୍ଜି ନିବେଶ କରିବା ପାଇଁ ଦିନଟି ଶୁଭ ଅଟେ। ସାମାଜିକ କ୍ଷେତ୍ରରେ ମାନ ସମ୍ମାନ ବୃଦ୍ଧି ପାଇବ। କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପାଇଁ ଏହା ଏକ ଭଲ ସମୟ।

କନ୍ୟା- ଦିନଟି ମିଶ୍ରିତ ଫଳ ଦେବାର ସମ୍ଭାବନା ରହିଛି। ଶତ୍ରୁମାନେ କ୍ଷତି କରିବାକୁ ଚେଷ୍ଟା କରିପାରନ୍ତି, ସାବଧାନ ରୁହନ୍ତୁ। କାର୍ଯ୍ୟଭାର ଅଧିକ ରହିବା ଯୋଗୁ ଥକ୍କା ଅନୁଭବ କରିପାରନ୍ତି। ଧାର୍ମିକ କାର୍ଯ୍ୟରେ ମନ ଲାଗିବ ଏବଂ ମାନସିକ ଶାନ୍ତି ମିଳିବ। ଅଯଥା ବାଦ-ବିବାଦରୁ ନିଜକୁ ଦୂରରେ ରଖନ୍ତୁ।

ତୁଳା- ଚନ୍ଦ୍ରମା ରାଶିରେ ରହିଥିବା ଯୋଗୁ ଦିନଟି ଶୁଭ ରହିବ। ଦାମ୍ପତ୍ୟ ଜୀବନରେ ସୁଖ ଶାନ୍ତି ବଜାୟ ରହିବ। ବ୍ୟବସାୟ କ୍ଷେତ୍ରରେ ଭାଗିଦାରୀଙ୍କ ସହଯୋଗ ମିଳିବ। ଅଚାନକ ଧନ ଲାଭର ଯୋଗ ରହିଛି। ସ୍ୱାସ୍ଥ୍ୟ ଭଲ ରହିବ ଏବଂ ମନ ପ୍ରଫୁଲ୍ଲିତ ରହିବ।

ବିଛା- ଅତ୍ୟଧିକ ପରିଶ୍ରମ କରିବାକୁ ପଡ଼ିବ, ମାତ୍ର ତା'ର ଉଚିତ ଫଳ ମଧ୍ୟ ମିଳିବ। ଗୋପନୀୟ କଥା ପ୍ରକାଶ ନ କରିବାକୁ ଚେଷ୍ଟା କରନ୍ତୁ। ନିଜ କାମରେ ଅଧିକ ଧ୍ୟାନ ଦିଅନ୍ତୁ ଏବଂ ଅନ୍ୟର କଥାରେ ମୁଣ୍ଡ ପୂରାନ୍ତୁ ନାହିଁ। କୋର୍ଟ କଚେରୀ ମାମଲାରେ ସଫଳତା ମିଳିବ। ଖର୍ଚ୍ଚ ଉପରେ ନିୟନ୍ତ୍ରଣ ନ ରଖିଲେ ଆର୍ଥିକ ସମସ୍ୟା ହୋଇପାରେ।

ଧନୁ- ଭାଗ୍ୟ ଆପଣଙ୍କ ସପକ୍ଷରେ ରହିବ, ଯାହା ଫଳରେ ସମସ୍ତ କାର୍ଯ୍ୟରେ ସଫଳତା ପାଇବେ। ଶିକ୍ଷା ଓ ପ୍ରତିଯୋଗିତା କ୍ଷେତ୍ରରେ ଉଲ୍ଲେଖନୀୟ ଫଳ ମିଳିବ। ସନ୍ତାନଙ୍କ ତରଫରୁ କିଛି ଶୁଭ ଖବର ପାଇବେ। ବ୍ୟାପାର କ୍ଷେତ୍ରରେ ବଡ଼ ଧରଣର ଲାଭ ହେବାର ଯୋଗ ଅଛି। ପ୍ରେମୀ ଯୁଗଳଙ୍କ ପାଇଁ ଦିନଟି ଅତ୍ୟନ୍ତ ଶୁଭ ଅଟେ।

ମକର- କର୍ମକ୍ଷେତ୍ରରେ ପଦୋନ୍ନତି କିମ୍ବା ବେତନ ବୃଦ୍ଧିର ସମ୍ଭାବନା ରହିଛି। ପରିବାରରେ କାହାର ସ୍ୱାସ୍ଥ୍ୟକୁ ନେଇ ଚିନ୍ତିତ ରହିପାରନ୍ତି। ଜମିଜମା କିମ୍ବା ସମ୍ପତ୍ତି ସମ୍ବନ୍ଧୀୟ ମାମଲାର ସମାଧାନ ହେବ। ମାତା ପିତାଙ୍କ ଆଶୀର୍ବାଦ ମିଳିବ ଏବଂ ମନ ଶାନ୍ତ ରହିବ। କଠିନ ପରିଶ୍ରମ ଜାରି ରଖିଲେ ନିଶ୍ଚୟ ସଫଳତା ମିଳିବ।

କୁମ୍ଭ- ଦିନଟିରେ ଭାଇଭଉଣୀଙ୍କ ସହଯୋଗ ମିଳିବ। ସାମାଜିକ କାର୍ଯ୍ୟରେ ସକ୍ରିୟ ଅଂଶଗ୍ରହଣ କରିବେ, ଯାହା ଦ୍ୱାରା ପ୍ରଶଂସା ମିଳିବ। ଚାକିରି ପାଇଁ ଚେଷ୍ଟା କରୁଥିବା ବ୍ୟକ୍ତିମାନେ ସଫଳତା ପାଇବେ। ସାହସ ଏବଂ ପରାକ୍ରମରେ ବୃଦ୍ଧି ଘଟିବ। ଅଧିକ ଯାତ୍ରା କରିବାକୁ ପଡ଼ିପାରେ, ଯାହା ଲାଭଦାୟକ ହେବ।

ମୀନ- ଆର୍ଥିକ ଦୃଷ୍ଟିକୋଣରୁ ଦିନଟି ବହୁତ ଭଲ ରହିବ। ମିଠା କଥା କହି ଅନ୍ୟମାନଙ୍କୁ ପ୍ରଭାବିତ କରିବାରେ ସଫଳ ହେବେ। ପରିବାରରେ କୌଣସି ମାଙ୍ଗଳିକ କାର୍ଯ୍ୟର ଆୟୋଜନ ହୋଇପାରେ। ଭୋଜନରେ ସାବଧାନତା ଅବଲମ୍ବନ କରନ୍ତୁ, ନଚେତ୍ ପେଟ ଜନିତ ସମସ୍ୟା ହୋଇପାରେ। ନିଜର ବାଣୀ ଉପରେ ନିୟନ୍ତ୍ରଣ ରଖିବା ଆବଶ୍ୟକ।

ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – 8249826682​​​​​​​