ମୁମ୍ବାଇ୨/୯: ବିଧାନସଭା ନିର୍ବାଚନ ପୂର୍ବରୁ ମହାରାଷ୍ଟ୍ର ପୁନେରେ ହିଂସା । ଏନ୍ସିପିର ପୂର୍ବତନ କର୍ପୋରେଟରଙ୍କୁ ଗୁଳି କରି ହତ୍ୟା । ମୃତକ ବନରାଜ ଆଣ୍ଡେକର । ରବିବାର ରାତି ୮ଟା ସମୟର ଘଟଣା । ମର୍ଡର ପୂର୍ବରୁ ବନରାଜ ରହୁଥିବା ନାନାପେଠ ଅଞ୍ଚଳରେ କରେଣ୍ଟ କାଟିଦେଇଥିଲେ ଦୁର୍ବୃତ୍ତ । ପ୍ରଥମେ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ । ପରେ ଆଖିବୁଜା ଗୁଳି ଚାଳନା କରିଥିଲେ । ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଯାଇଛି । ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ । ହତ୍ୟା ପଛରେ ପୂର୍ବ ଶତ୍ରୁତାକୁ ସନ୍ଦେହ କରୁଛି ପୋଲିସ । ହତ୍ୟାକାରୀଙ୍କୁ ଧରିବା ପାଇଁ ପୁନେ ପୋଲିସର ଏକ ଟିମ୍ ବିଭିନ୍ନ ସ୍ଥାନରେ ଛାନ୍ଭିନ୍ ଚଲାଇଛି ।
