India's LPG consumption; ଯୁଦ୍ଧ ଯୋଗୁ କମିଲା ଏଲ୍‌ପିଜି ରନ୍ଧନ ଗ୍ୟାସ୍ ଖର୍ଚ୍ଚ; ମାର୍ଚ୍ଚର ପ୍ରଥମ ଦୁଇ ସପ୍ତାହରେ ଖର୍ଚ୍ଚ ୧୭.୭% ହ୍ରାସ

ନୂଆଦିଲ୍ଲୀ: ପଶ୍ଚିମ ଏସିଆରେ ଯୁଦ୍ଧ ଯୋଗୁ ଯୋଗାଣ ବାଧାପ୍ରାପ୍ତ ହେବାରୁ ଭାରତରେ ଏଲ୍‌ପିଜି ରନ୍ଧନ ଗ୍ୟାସ୍ ଖର୍ଚ୍ଚ ହ୍ରାସ ପାଇଛି। ପ୍ରାଥମିକ ଇଣ୍ଡଷ୍ଟ୍ରୀ ଡାଟାରୁ ମିଳିଥିବା ସୂଚନା ଅନୁସାରେ, ରନ୍ଧନ ଗ୍ୟାସ ଏଲପିଜିର ବ୍ୟବହାର ୧୭.୭ ପ୍ରତିଶତ କମିଯାଇଛି। ମାର୍ଚ୍ଚ ମାସର ପ୍ରଥମ ଦୁଇ ସପ୍ତାହରେ ଏଲପିଜି ବ୍ୟବହାର ହ୍ରାସ ପାଇ ୧.୧୪୭ ମିଲିଅନ ଟନ୍ ହୋଇଛି, ଯାହା ଗତ ବର୍ଷ ସମାନ ସମୟରେ ୧.୩୮୭ ମିଲିଅନ ଟନ୍ ଖର୍ଚ୍ଚ ତୁଳନାରେ ୧୭.୩ ପ୍ରତିଶତ କମ। ସେହିପରି ଫେବୃଆରୀ ପ୍ରଥମାର୍ଦ୍ଧରେ ଖର୍ଚ୍ଚ ହୋଇଥିବା ୧.୫୫୭ ମିଲିଅନ ଟନ୍ ଚାହିଦା ତୁଳନାରେ ଏହା ୨୬.୩ ପ୍ରତିଶତ କମ୍ ହୋଇଯାଇଛି।

ପଢ଼ନ୍ତୁ- LPG, PNG ଏବଂ CNG ପରସ୍ପର ଠାରୁ କିପରି ଭିନ୍ନ ? ଜାଣନ୍ତୁ କ’ଣ ରହିଛି ଏହି ତିନି ଗ୍ୟାସ ମଧ୍ୟରେ ପାର୍ଥକ୍ୟ​​​​​​​

ଭାରତ ଏହାର ପ୍ରାୟ ୬୦ ପ୍ରତିଶତ ଏଲପିଜିର ଆବଶ୍ୟକତା ଆମଦାନୀ କରି ପୂରଣ କରିଥାଏ। ସଂଯୁକ୍ତ ଆରବ ଏମିରେଟ୍ସ, ସାଉଦି ଆରବ ଓ କତାରରୁ ଭାରତ ଏଲ୍ପିଜି ଆମଦାନୀ କରିଥାଏ। ଆଉ ଅଧିକାଂଶ ହରମୁଜ୍ ଜଳପଥ ଦେଇ ଆସିଥାଏ।ହେଲେ ଇରାନ ଉପରେ ଆମେରିକା ଏବଂ ଇସ୍ରାଏଲୀ ଆକ୍ରମଣ ଏବଂ ତେହେରାନର ଜବାବୀ ହମଲା ପରେ ଏହି ଜଳପଥ ଏବେ ବନ୍ଦ ହୋଇଯାଇଛି। ଯାହାଦ୍ୱାରା ଭାରତରେ ଇନ୍ଧନ ସଂକଟ ବଢ଼ିଯାଇଛି। ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍ସରୁ ଯୋଗାଣ ବାଧାପ୍ରାପ୍ତ ହେବା ପରେ,ଘରୋଇ ରନ୍ଧନ ଗ୍ୟାସ ଉପଲବ୍ଧତାକୁ ସୁରକ୍ଷିତ ରଖିବା ପାଇଁ ସରକାର ହୋଟେଲ ଏବଂ ଶିଳ୍ପ ଭଳି ବାଣିଜ୍ୟିକ ପ୍ରତିଷ୍ଠାନଗୁଡ଼ିକୁ ଏଲପିଜି ଯୋଗାଣ ହ୍ରାସ କରିଛନ୍ତି।